കർഷക പ്രക്ഷോഭത്തെ നേരിട്ട പൊലീസുകാർക്ക് മെഡലില്ല; ഹ​രി​യാ​നയുടെ ശിപാർശ വെറുതെയായി

ന്യൂ​ഡ​ൽ​ഹി: ക​ർ​ഷ​ക പ്ര​ക്ഷോ​ഭ​ത്തെ നേ​രി​ട്ട ആ​റ് പൊ​ലീ​സ് ഉ​ദ്യോ​ഗ​സ്ഥ​ർ​ക്ക് രാ​ഷ്ട്ര​പ​തി​യു​ടെ ധീ​ര​ത​ക്കു​ള്ള മെ​ഡ​ലി​ന് ശി​പാ​ർ​ശ ചെ​യ്ത ഹ​രി​യാ​ന​ക്ക് പ്ര​ഖ്യാ​പ​നം എ​ത്തി​യ​പ്പോ​ൾ നി​രാ​ശ. ജൂ​ലൈ ര​ണ്ടി​നാ​ണ് സം​സ്ഥാ​നം ശി​പാ​ർ​ശ സ​മ​ർ​പ്പി​ച്ച​ത്. ക​ർ​ഷ​ക സ​മ​ര​ത്തെ നേ​രി​ട്ട പൊ​ലീ​സ് ഓ​ഫി​സ​ർ​മാ​രു​​ടെ നേ​തൃ​പാ​ട​വ​വും ധൈ​ര്യ​വും ചൂ​ണ്ടി​ക്കാ​ണി​ച്ചാ​യി​രു​ന്നു ശി​പാ​ർ​ശ. സം​സ്ഥാ​ന​ത്തി​ന്റെ നി​ല​പാ​ടി​ൽ വി​വി​ധ കോ​ണു​ക​ളി​ൽ നി​ന്ന് പ്ര​തി​ഷേ​ധം രൂ​ക്ഷ​മാ​യി​രു​ന്നു. ഹ​രി​യാ​ന​യു​ടെ ശി​പാ​ർ​ശ ത​ള്ള​​ണ​മെ​ന്നാ​വ​ശ്യ​പ്പെ​ട്ട് പ​ഞ്ചാ​ബ് നി​യ​മ​സ​ഭ സ്പീ​ക്ക​ർ കു​ൽ​താ​ർ സി​ങ് സാ​ന്ധ​വ​ൻ പ്ര​ധാ​ന​മ​ന്ത്രി​ക്ക് ക​ത്ത​യ​ച്ചി​രു​ന്നു.

ശി​പാ​ർ​ശ​ക​ൾ ത​ള്ള​ണ​മെ​ന്ന് ക​ഴി​ഞ്ഞ​മാ​സം പാ​ർ​ല​മെ​ന്റി​ലെ​ത്തി രാ​ഹു​ൽ ഗാ​ന്ധി​യു​മാ​യി കൂ​ടി​ക്കാ​ഴ്ച ന​ട​ത്തി​യ ക​ർ​ഷ​ക സം​ഘ​ട​ന നേ​താ​ക്ക​ളും ആ​വ​ശ്യ​പ്പെ​ട്ടി​രു​ന്നു. ഐ.​പി.​എ​സ് ഓ​ഫി​സ​ർ​മാ​രാ​യ സി​ബാ​ഷ് ക​ബി​രാ​ജ്, ജ​ഷ​ൻ​ദീ​പ് സി​ങ് ര​ൺ​ധാ​വ, സു​മി​ത് കു​മാ​ർ, ഹ​രി​യാ​ന പൊ​ലീ​സ് ഓ​ഫി​സ​ർ​മാ​രാ​യ ന​രേ​ന്ദ​ർ സി​ങ്, രാം ​കു​മാ​ർ, അ​മി​ത് ഭാ​ട്ടി​യ എ​ന്നി​വ​രെ​യാ​ണ് ഹ​രി​യാ​ന സ​ർ​ക്കാ​ർ ധീ​ര​ത​ക്കു​ള്ള മെ​ഡ​ലു​ക​ൾ​ക്കാ​യി നി​ർ​ദേ​ശി​ച്ച​ത്. വി​ഷ​യം ചൂ​ണ്ടി​ക്കാ​ട്ടി പ​ഞ്ചാ​ബ്-​ഹ​രി​യാ​ന ഹൈ​കോ​ട​തി​യി​ൽ പൊ​തു​താ​ൽ​പ​ര്യ ഹ​ര​ജി​യു​മെ​ത്തി. തു​ട​ർ​ന്ന് ആ​ഗ​സ്റ്റ് 12ന്, ​ഹ​രി​യാ​ന​യു​ടെ ശി​പാ​ർ​ശ​യി​ൽ അ​ന്തി​മ തീ​രു​മാ​ന​മെ​ടു​ത്തി​ട്ടി​ല്ലെ​ന്ന് കേ​ന്ദ്രം കോ​ട​തി​യെ അ​റി​യി​ക്കു​ക​യാ​യി​രു​ന്നു.