ന്യൂഡൽഹി: മോസ്കോയിലേക്ക് യാത്രതിരിച്ച വിമാനത്തിലെ ഒരു പൈലറ്റിന് കോവിഡ് സ്ഥിരീകരിച്ചതിനെ തുടർന്ന് ഡൽഹി-മോസ്കോ വിമാനം തിരിച്ചിറക്കി. ശനിയാഴ്ച രാവിലെയാണ് വിമാനം മോസ്കോയിലേക്ക് പുറപ്പെട്ടത്.
മോസ്കോയിൽ കുടുങ്ങിയ ഇന്ത്യക്കാരെ തിരിച്ചെത്തിക്കുന്നതിനായി പുറപ്പെട്ട എ320 വിമാനമാണ് തിരിച്ചിറക്കിയത്. ഉസ്ബസ്കിസ്താൻ എയർസ്പേയ്സിലെത്തിയപ്പോഴാണ് പൈലറ്റുമാരിൽ ഒരാൾക്ക് കോവിഡ് സ്ഥിരീകരിച്ചതെന്ന വിവരം ലഭിച്ചത്. തുടർന്ന് ഡൽഹിയിലേക്ക് തിരിച്ചുവരാൻ ആവശ്യപ്പെടുകയായിരുന്നു. ഏകദേശം 12.30 ഓടെ വിമാനം തിരിച്ച് ഡൽഹിയിലെത്തിയതായും എയർ ഇന്ത്യ അധികൃതർ അറിയിച്ചു.
ഡൽഹി -മോസ്കോ വിമാനത്തിലുണ്ടായിരുന്ന എല്ലാ ജീവനക്കാരെയും ക്വാറൻറീനിലാക്കി. വിമാനത്തിൽ മറ്റു യാത്രക്കാർ ആരും ഉണ്ടായിരുന്നില്ല. മോസ്കോയിൽ കുടുങ്ങിയവരെ തിരിച്ചെത്തിക്കാൻ മറ്റൊരു വിമാനം ഉടൻ തന്നെ അയക്കുമെന്നും അധികൃതർ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.