ന്യൂഡൽഹി: വായ്പ കുടിശ്ശിക പൂർണമായി തിരിച്ചടിൽ തനിക്കെതിരായ കേസ് അവസാനിപ്പിക്കുമെന്ന വാഗ്ദാനം അംഗീകരിക്കണമെന്ന് കേന്ദ്രസർക്കാരിനോട് വിവാദ മദ്യവ്യവസായി വിജയ് മല്യ. കോവിഡ് പ്രതിസന്ധി നേരിടാൻ 20 ലക്ഷം കോടി രൂപയുടെ സാമ്പത്തിക പാക്കേജ് പ്രഖ്യാപിച്ച കേന്ദ്രസർക്കാരിനെ മല്യ അഭിനന്ദിച്ചു. എന്നാൽ വായ്പ കുടിശ്ശിക അടക്കുമെന്ന ആവർത്തിച്ച തെൻറ വാഗ്ദാനം സർക്കാർ അവഗണിക്കുകയാണെന്നും മല്യ പരിഭവിച്ചു.
‘‘കോവിഡ് പാക്കേജ് പ്രഖ്യാപിച്ച സർക്കാരിന് അഭിനന്ദനം. അവർക്ക് ആവശ്യമുള്ളത്ര കറൻസി അടിക്കാൻ കഴിയും. എന്നാൽ എസ്.ബി.ഐയിൽ നിന്നെടുത്ത വായ്പ നൂറുശതമാനവും തിരിച്ചടക്കുമെന്ന എന്നെപോലുള്ളവരുടെ വാഗ്ദാനം നിരന്തരം നിരസിക്കേണ്ട ആവശ്യമുണ്ടോ? നിരുപാധികം എെൻറ പണം സ്വീകരിക്കുക. എന്നിട്ട് എനിക്കെതിരായ കേസ് പിൻവലിക്കുക’’ മല്യ ട്വീറ്റ് ചെയ്തു.
Congratulations to the Government for a Covid 19 relief package. They can print as much currency as they want BUT should a small contributor like me who offers 100% payback of State owned Bank loans be constantly ignored ? Please take my money unconditionally and close.
— Vijay Mallya (@TheVijayMallya) May 14, 2020
മുമ്പും വായ്പ കുടിശ്ശിക പൂർണമായി തിരിച്ചടിക്കാമെന്ന് പറഞ്ഞ് മല്യ ട്വീറ്റ് ചെയ്തിരുന്നു. ഇന്ത്യയിലേക്ക് നാടുകടത്തുന്നതിനെതിരെ സമർപ്പിച്ച ഹരജി ലണ്ടൻ ഹൈകോടതി തള്ളിയതിനെ തുടർന്ന് മല്യ ബ്രിട്ടീഷ് സുപ്രീംകോടതിയെ സമീപിച്ചിരുന്നു. ഇന്ത്യയിലെ വിവിധ ബാങ്കുകളിൽ നിന്നായി 9,000 കോടി രൂപയുടെ വായ്പയെടുത്താണ് കിങ്ഫിഷർ ഉടമ വിജയ് മല്യ മുങ്ങിയത്. ബ്രിട്ടനിൽ അറസ്റ്റിലായെങ്കിലും പിന്നീട് ജാമ്യത്തിലിറങ്ങി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.