ന്യൂഡൽഹി: അദാനി വിഷയത്തിൽ പാർലമെന്‍റിൽ ചർച്ച നടക്കുന്നത് ഒഴിവാക്കാൻ പ്രധാനമന്ത്രി നരേന്ദ്രമോദി ശ്രമിക്കുമെന്ന് കോൺഗ്രസ് നേതാവ് രാഹുൽ ഗാന്ധി. അദാനിക്ക് പിന്നിലുള്ള ശക്തിയെന്താണെന്ന് രാജ്യം അറിയണമെന്നും അദ്ദേഹം പറഞ്ഞു. ഡൽഹിയിൽ മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം.
‘അദാനിയുമായി ബന്ധപ്പെട്ട ചർച്ചകൾ ഒഴിവാക്കാൻ മോദിജി പരമാവധി ശ്രമിക്കും. അതിനൊരു കാരണമുണ്ട്, അത് നിങ്ങൾക്കറിയാം. അദാനിയുമായി ബന്ധപ്പെട്ട് ചർച്ച നടക്കണമെന്നാണ് ഞാൻ ആഗ്രഹിക്കുന്നത്, സത്യം പുറത്തുവരണം. കോടികളുടെ അഴിമതി പുറത്തുവരണം. അദാനിക്ക് പിന്നിലുള്ള ശക്തി എന്താണെന്ന് എല്ലാവരും അറിയണം’ -രാഹുൽ ഗാന്ധി പറഞ്ഞു.
അദാനി വിഷയത്തിൽ പാർലമെന്‍റിൽ ചർച്ച നടത്തുന്നത് കേന്ദ്രം ഭയപ്പെടുന്നു. പാർലമെന്‍റിൽ ചർച്ച നടത്താൻ സർക്കാർ അനുവദിക്കണമെന്നും അദ്ദേഹം പറഞ്ഞു. ഹിൻഡൻബർഗ് റിപ്പോർട്ടുകൾ പുറത്തുവന്നതിന് പിന്നാലെ അദാനിക്കെതിരെയും കേന്ദ്രസർക്കാരിനെതിരെയും കോൺഗ്രസ് പ്രതിഷേധം ശക്തമാക്കിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.