രാജസ്ഥാൻ : പാലി ജില്ലയിൽ പ്രായപൂർത്തിയാവാത്ത പെൺകുട്ടിയെ പീഡിപ്പിച്ച സഹോദരനെ പോക്സോ കേസിൽ ജുഡീഷ്യൽ കസ്റ്റഡിയിൽ വിട്ടു. ബാലി പൊലീസ് സ്റ്റേഷൻ പരിധിയിലാണ് സംഭവം. മൂന്ന് വർഷമായി സഹോദരൻ പീഡിപ്പിക്കുന്ന പെൺകുട്ടി പ്രായ പൂർത്തിയായ ശേഷമാണ് പോലീസിൽ പരാതി നൽകുന്നത്.
പീഡന വിവരം നേരത്തെ തന്നെ പെൺകുട്ടി അമ്മയെ അറിയിച്ചിരുന്നു എങ്കിലും ദുരഭിമാനത്തിന്റെ പേരിൽ സംഭവം മൂടി വെക്കുകയായിരുന്നു. എസ്പിയുടെ നിർദേശത്തിൽ ബാലി സ്റ്റേഷൻ പൊലീസ് ഓഫീസർ വിക്രം സിംഗാണ് കേസ് രജിസ്റ്റർ ചെയ്ത് പ്രതിയെ അറസ്റ്റ് ചെയ്തത്.
പൊലീസ് പറയുന്നത് ഇങ്ങനെയാണ് ; 2020തിലാണ് കേസിനാസ്പദമായ സംഭവം നടക്കുന്നത് , വീട്ടിൽ ആരുമില്ലാത്ത സമയത്ത് സഹോദരൻ പീഡനത്തിന് ഇരയാക്കുകയായിരുന്നു . പീഡിപ്പിച്ച വിഷയം പുറത്ത് പറഞ്ഞാൽ കൊന്നുകളയുമെന്ന് ഭീഷണിപ്പെടുത്തിയാണ് സഹോദരൻ പീഡനം തുടർന്നത്. തീർത്തും മാനസിക സമ്മർദ്ദത്തിലായിരുന്ന പെൺകുട്ടി വിഷയം അമ്മയോട് പറഞ്ഞപ്പോൾ ദുരഭിമാനത്തിന്റെ പേരിൽ വിഷയം മൂടിവെക്കപ്പെട്ടു. എന്നാൽ പ്രതി തുടർന്നും നിരവധി തവണ സഹോദരിയെ പീഡനത്തിനിരയാക്കി. പ്രായപൂർത്തിയായ ശേഷം പെൺകുട്ടിതന്നെയാണ് സ്റ്റേഷനിൽ നേരിട്ടെത്തി പീഡന വിവരം അറിയിക്കുന്നത് .
പീഡിപ്പിക്കപ്പെടുമ്പോൾ പെൺകുട്ടി പ്രായപൂർത്തിയാവാത്തതിനാൽ കേസ് പോക്സോ പരിധിയിലാണ് രജിസ്റ്റർ ചെയ്തിരിക്കുന്നതെന്ന് എസ്.എച്ച്.ഒ വിക്രം സിംഗ് പറഞ്ഞു. ഇന്ത്യൻ പീനൽ കോഡ് (IPC), 5/6 പോക്സോ ആക്ട് പ്രകാരം സെക്ഷൻ 376 റേപ്പിനാണ് കേസ് രജിസ്റ്റർ ചെയ്തിരിക്കുന്നത്. കേസിൽ അറസ്റ്റ് ചെയ്ത പ്രതി നിലവിൽ ജുഡീഷ്യൽ കസ്റ്റഡിയിലാണെന്നും ആഗസ്ത് 10ന് പ്രത്യേക പോക്സോ കോടതി മുൻപാകെ പ്രതിയെ ഹാജരാക്കുമെന്നും പൊലീസ് പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.