സമീർ വാങ്ക​ഡെ: വേട്ടക്കാരൻ വലയിലായതിങ്ങനെ

'ദ ഹിന്ദു' പ്രിൻസിപ്പൽ കറസ്​പോണ്ടൻറ്​ അലോക്​ ദേശ്​പാണ്ഡെ, 'ദ ഹിന്ദു' പത്രത്തിൽ പ്രസിദ്ധീകരിച്ച അന്വേഷണാത്​മക ലേഖനത്തി​െൻറ സ്വതന്ത്ര വിവർത്തനം

ഒക്​ടോബർ മൂന്ന്​. മുംബൈ. മഹാനഗരം ഉറക്കച്ചടവിൽനിന്ന്​ മുക്​തമാകുന്നതിന്​ മു​േമ്പ സൗത്ത്​ മുംബൈയിലെ നാർകോട്ടിക്​സ്​ കൺട്രോൾ ബ്യൂറോ (എൻ.സി.ബി) ഒാഫിസിന്​ പുറത്ത്​ ഒരു ആൾക്കൂട്ടം രൂപപ്പെട്ടു.

കെട്ടിടത്തിനുള്ളിൽ നിന്ന്​ ചാനൽ ക്യാമറകളുടെ വെള്ളി വെളിച്ചത്ത​ിലേക്ക് ഇറങ്ങി വന്ന ഒാഫിസർക്ക്​ നേരെ മാധ്യമപ്രവർത്തകർ ​ചാടിവീണു. ഇരതേടുന്ന വന്യമ​ൃഗങ്ങളെ പോലെ തങ്ങളുടെ മൈക്കുകൾ അദ്ദേഹത്തി​െൻറ മുഖത്തേക്ക്​ അവർ ചൂണ്ടി. ''അതെ. എട്ടു മുതൽ 10 വരെ ആളുകൾ ഞങ്ങളുടെ കസ്​റ്റഡിയിലുണ്ട്​. അന്വേഷണം പുരോഗമിക്കുകയാണ്​''- എൻ.സി.ബിയുടെ മുംബൈ സോണൽ ഡയറക്​ടർ സമീർ വാങ്ക​െഡയുടെ പ്രസ്​താവന ചാനലുകളിലൂടെ ലൈവായി രാജ്യം കണ്ടു.

'എ​േട്ടാ, പത്തോ?' ഒരുറിപ്പോർട്ടർ വിളിച്ചുചോദിച്ചു.

അയാളുടെ സംശയം ചുറ്റുംകൂടിയ അസംഖ്യം റിപ്പോർട്ടർമാരുടെ ചോദ്യപ്രളയത്തിൽ മുങ്ങിപ്പോയി. പക്ഷേ, അവഗണിക്കപ്പെട്ടുപോയ ഇൗയൊരു ചോദ്യമാണ്​ വരുംദിവസങ്ങളിൽ നാർകോട്ടിക്​സ്​ കൺട്രോൾ ബ്യൂറോയെയും സമീർ വാങ്കഡെയെയും വേട്ടയാടാനിരിക്കുന്നതെന്ന്​ അപ്പോഴാരും അറിഞ്ഞില്ല. അതേക്കുറിച്ച് താഴെ​ പറയാം. 

കോർഡീലിയയിലെ അറസ്റ്റ്​

കീർത്തികേട്ട ആ എൻ.സി.ബി ഒാഫിസറുടെ നിയന്ത്രണത്തിലായിരുന്നു ആ ദിവസം എല്ലാം. ലോകത്തെ ഏറ്റവും വലിയ സിനിമ താരങ്ങളിലൊരാളായ ഷാരൂഖ്​ ഖാ​െൻറ മകൻ 23 കാരൻ ആ​ര്യൻ ഖാൻ അപ്പോൾ എൻ.സി.ബി ഒാഫിസിനുള്ളിൽ ഉണ്ടായിരുന്നു. ആഡംബര കപ്പലായ കോർഡീലിയയിൽ ഫാഷൻ ടി.വി സംഘടിപ്പിച്ച പാർട്ടിക്കിടെ മയക്കുമരുന്ന്​ കേസുകൾ ആരോപിച്ചാണ്​ ആ​ര്യൻ ഖാനെയും സുഹൃത്തുക്കളായ അർബാസ്​ മർച്ചൻറ്​, മൂൺ മൂൺ ധമേച്​ഛ എന്നിവരെയും മറ്റുപലർക്കുമൊപ്പം എൻ.സി.ബി അറസ്​റ്റ്​ ചെയ്​തത്​.

1,300​ ലേറെപേർ പ​െങ്കടുത്ത പാർട്ടിയിൽനിന്ന്​ ഏതാനും യുവാക്കളെ മാത്രം പിടികൂടിയ എൻ.സി.ബി അവർ അന്താരാഷ്​ട്ര മയക്കുമരുന്ന്​ റാക്കറ്റി​െൻറ ഭാഗമാണെന്ന്​ പിന്നീട്​ ആരോപിച്ചു. ഇൗ മൂന്നുപേരുടെയും അറസ്​റ്റ്​ മണിക്കൂറുകൾ കൊണ്ട്​ രാജ്യ​െത്ത പ്രധാന ചർച്ചാവിഷയമായി. പക്ഷേ, ഇന്നത്തെ അവസ്​ഥയിലേക്ക്​ ഇൗ കേസ്​ ഇങ്ങനെ കറങ്ങിത്തിരിഞ്ഞ്​ വരുമെന്ന്​ അന്നാരും പ്രതീക്ഷിച്ചില്ല. രാഷ്​ട്രീയക്കാരും സിനിമക്കാരും ഉദ്യോഗസ്​ഥരും ഉൾപ്പെട്ട ആരോപണ പ്രത്യാരോപണങ്ങൾ നിറഞ്ഞ സംഭ്രമജനകമായൊരു കഥയായി അതിന്ന്​ പരിണമിച്ചിരിക്കുന്നു.

വാങ്കഡെ: എന്നും വിവാദങ്ങളുടെ​ തോഴൻ

ഖ്യാതിയും ഗ്ലാമറും വിവാദവുമൊന്നും സമീർ വാങ്കഡെക്ക്​ പുതുമയല്ല. 2008 ലെ ഇന്ത്യൻ റവന്യൂ സർവീസ്​ ബാച്ചുകാരനായ കസ്​റ്റംസ്​ ആൻഡ്​ സെൻട്രൽ എക്​സൈസ്​ ഉദ്യോഗസ്​ഥനായിരുന്നു വാങ്കഡെ.

മുംബൈയിലെ ഛത്രപതി ശിവാജി മഹാരാജ്​ അന്താരാഷ്​ട്ര വിമാനത്താവളത്തിൽ കസ്​റ്റംസ്​ അസി. കമീഷണറായി 2010ലായിരുന്നു ആദ്യ പ്രധാന നിയമനം. 2011 ൽ വാങ്കഡെ മാധ്യമശ്രദ്ധയിലേക്ക്​ ഉയർന്നു. യൂറോപ്പിൽനിന്ന്​ ഫാമിലി ട്രിപ്പ്​ കഴിഞ്ഞ്​ വന്ന ബോളിവുഡ്​ താരത്തെ തടഞ്ഞുനിർത്തി അധിക ബാഗേജിന്​ 1.5 ലക്ഷം രൂപ പിഴ ചുമത്തിയതായിരുന്നു വാർത്ത. താരം ആരെന്നല്ലേ. സാക്ഷാൽ, ഷാരൂഖ്​ ഖാൻ.

ഷാരൂഖ്​ മാത്രമല്ല, മിനിഷ ലാംബ, അനുഷ്​ക ശർമ എന്നിവരെയും പിന്നീട്​ കത്രീന കെയ്​ഫ്​, ബിപാഷ ബസു, റൺബീർ കപൂർ, വിവേക്​ ഒബ്​റോയി, അനുരാഗ്​ കശ്യപ്​, മിക സിങ്​ എന്നിവരുടെ ടീമംഗങ്ങളെയും വാങ്കഡെ പിടികൂടി. മുംബൈ വിമാനത്താവളത്തിലെ വാങ്കഡെയുടെ ജോലിക്കാലം അങ്ങനെ സംഭവബഹുലമായിരുന്നു. 2013 ൽ സകലരെയും അത്​ഭുതപ്പെടുത്തിക്കൊണ്ട്​ വാങ്കഡെ നാഷനൽ ഇൻവെസ്​റ്റിഗേഷൻ ഏജൻസിയിലേക്ക്​ (എൻ.​െഎ.എ) ഡെപ്യു​േട്ടഷനിൽ പോയി. 2017 ഡയറക്​​ട​േററ്റ്​ ഒാഫ്​ റവന്യൂ ഇൻറലിജൻസിൽ നിയമനം. അവി​െട നിന്നാണ്​ വിവരദായകരുടെ വിപുലമായ ശ​ൃംഖലയുടെ ബലത്തിൽ എൻ.സി.ബിയിലെ ഇപ്പോഴത്തെ തസ്​തികയിലേക്ക്​ വരുന്നത്​.

സുശാന്ത്​ സിങ്ങിന്‍റെ മരണവും മയക്കുമരുന്നും

2020 ജൂണിൽ ബോളിവുഡ്​ താരം സുശാന്ത്​ സിങ്​ രാജ്​പുതി​െൻറ ദുരൂഹമരണത്തി​െൻറ അന്വേഷണം വാങ്കഡെയെ വീണ്ടും മാധ്യമശ്രദ്ധയിലെത്തിച്ചു. 34 കാരനായ സുശാന്തിനെ ബാന്ദ്രയിലെ വസതിയിൽ മരിച്ചനിലയിൽ കണ്ടെത്തുകയായിരുന്നു. ആത്​മഹത്യയെന്ന നിലയിൽ മുംബൈ പൊലീസ്​ അന്വേഷണം തുടങ്ങി. ഒാ​േട്ടാപ്​സി റിപ്പോർട്ടും ആ നിഗമനം ശരിവെച്ചു. പക്ഷേ, സുശാന്തി​െൻറ മരണത്തിന്​ മേൽ അസാധാരണമായൊരു രാഷ്​ട്രീയ കൊടുങ്കാറ്റിന്​ അതിനകം തുടക്കം കുറിച്ചിരുന്നു.

ഏതാനും മാസങ്ങൾ മാത്രം അകലെയായിരുന്നു ബീഹാർ നിയമസഭ തെരഞ്ഞെടുപ്പ്​. സുശാന്ത്​ ആക​െട്ട ബീഹാർ സ്വദേശിയും. ശിവസേന,​ കോൺഗ്രസ്​, എൻ.സി.പി സഖ്യത്തിലുള്ള മഹാരാഷ്​ട്രയിലെ മഹാവികാസ്​ അഗാഡി സഖ്യസർക്കാരിനെതിരെ ഒരു ​രാഷ്​ട്രീയ ആയുധത്തി​െൻറ സാധ്യത ബി.ജെ.പി തിരിച്ചറിഞ്ഞു. സുശാന്ത്​ കൊല്ലപ്പെട്ടതാണെന്നും ശിവസേന നേതാക്കളുടെ താൽപര്യത്തിനായി കേസ്​ ഒതുക്കിതീർക്കുകയാണെന്നും ബി.ജെ.പി നേതാക്കൾ ആരോപണം ഉന്നയിച്ചു. പിന്നാലെ ബിഹാറിൽ എഫ്​.​െഎ.ആർ രജിസ്​റ്റർ ചെയ്​തു. തെളിവി​െൻറ കണികപോലുമില്ലാത്ത ആരോപണം പക്ഷേ, വൻ മാധ്യമശ്രദ്ധ ആകർഷിച്ചു.

സുശാന്തി​െൻറ സുഹൃത്തായ റിയ ചക്രവർത്തിയെ ചുറ്റിപറ്റി കൊലപാതക തിയറികൾ സൃഷ്​ടിക്കപ്പെട്ടു. ബി.ജെ.പിക്ക്​ പിന്നാലെ സുശാന്തി​െൻറ കുടുംബവും ആരോപണങ്ങൾ ഉന്നയിച്ചതോടെ കേസ്​ കേന്ദ്ര അന്വേഷണ ഏജൻസികൾ അന്വേഷണം ഏറ്റെടുത്തു. സുശാന്തുമായി ബന്ധപ്പെട്ട റിയ ചക്രവർത്തി ഉൾപ്പെടെ സക​ലരെയും സി.ബി.​െഎ ചോദ്യം ചെയ്​തു. സുശാന്തി​െൻറ പിതാവ്​ ഉന്നയിച്ച പണമിടപാട്​ പരാതിയിൽ 2020 ജൂലൈയിൽ റിയക്കെതിരെ ബീഹാറിൽ ഇ.ഡി കേസെടുത്തു. ഇ.ഡിയുടെ അന്വേഷണത്തിൽ റിയയുടെ വാട്​സ്​ആപ്​ ചാറ്റുകളിൽ മയക്കുമരുന്ന്​ പരാമർശങ്ങൾ കണ്ടെത്തിയെന്ന കഥകൾ പ്രചരിക്കാൻ തുടങ്ങി. അതോടെ കേസിലേക്ക്​ എൻ.സി.ബിക്ക്​ വഴിതുറക്കപ്പെട്ടു.

വാങ്കഡെയുടെ വരവും റിയയുടെ അറസ്റ്റും

ഡയറ​ക്​ടറേറ്റ്​ ഒാഫ്​ റവന്യൂ ഇൻറലിജൻസിലായിരുന്ന വാങ്കഡെക്ക്​ 2020 ആഗസ്​ത്​ 31നാണ്​​ നാർകോട്ടിക്​സ്​ കൺട്രോൾ ബ്യൂറോയിൽ (എൻ.സി.ബി) ആറുമാസത്തേക്ക്​ ഡെപ്യു​േട്ടഷൻ ലഭിക്കുന്നത്​. സുശാന്ത്​ സിങ്​ കേസ്​ കൈകാര്യം ചെയ്യാനാണ്​ വാങ്കഡെയെ കൊണ്ടുവന്നതെന്ന ആരോപണം എൻ.സി.ബി നിഷേധിച്ചു. നേരത്തെ തന്നെ വാങ്കഡെ അപേക്ഷിച്ചിരുന്നതാണെന്നും ഒഴിവും​ നേരത്തെയുള്ളതാണെന്നും എൻ.സി.ബി സൗത്ത്​ വെസ്​റ്റ്​ റീജൻ ഡെപ്യൂട്ടി ഡയറക്​ടർ ജനറൽ മുത അശോക്​ ജെയ്​ൻ പ്രസ്​താവനയിറക്കി.

ചുമതലയേറ്റ്​ ഒരാഴ്​ചക്കുള്ളിൽ വാങ്കഡെ റിയ ചക്രവർത്തിയെ അറസ്​റ്റ്​ ചെയ്​തു. സംശയാസ്​പദമായ വാട്​സ്​ആപ്​ ചാറ്റുകൾ ഒഴികെ മറ്റൊരു തെളിവും റിയക്കെതിരെ ഉണ്ടായിരുന്നില്ല. വാട്​സ്​ആപ്​ ചാറ്റുകളിൽ തൂങ്ങിയുള്ള എൻ.സി.ബിയുടെ അന്വേഷണം അവിടെ നിന്നില്ല. സിനിമ താരങ്ങളായ ദീപിക പദുക്കോൺ, ശ്രദ്ധ കപൂർ, സാറ അലി ഖാൻ, രാകുൽപ്രീത്​ സിങ്​ എന്നിവരെയൊക്കെ ബോളിവുഡിലെ 'ആരോപിത മയക്കുമരുന്ന്​ റാക്കറ്റ്​' അന്വേഷണത്തി​െൻറ ഭാഗമായി ചോദ്യം ചെയ്​തു.

ധർമ പ്രൊഡക്​ഷനി​െൻറ ഡിജിറ്റൽ രൂപമായ ധർമാറ്റിക്​ എൻറർടൈൻമെൻറി​െൻറ മുൻ ജീവനക്കാരൻ ക്ഷിത്​ജി പ്രസാദി​െന എൻ.സി.ബി അറസ്​റ്റ്​ ചെയ്​ത​ു. പിന്നീട്​ ജാമ്യത്തിലിറങ്ങിയ പ്രസാദ്​, വാങ്കഡെയുടെ നേത​ൃത്തിലുള്ള എൻ.സി.ബി സംഘം തനിക്ക്​ നേരെ ബലംപ്രയോഗിച്ചുവെന്നും റൺബീർ കപൂർ, ദിനോമോറിയ, അർജുൻ രാംപാൽ എന്നിവർക്കെതിരെ മൊഴിനൽകാൻ ആവശ്യപ്പെട്ടുവെന്നും ആരോപിച്ചു. ആരോപണങ്ങൾ എൻ.സി.ബി നിഷേധിച്ചു.

വൻസ്രാവുകളെ വിട്ട്​ പരൽമീനുകളെ തേടുന്ന വാങ്കഡെ

വാങ്കഡെയുടെ വരവോടെ ബോളിവുഡിനെ 'ശുദ്ധീകരി'ക്കാനുള്ള എൻ.സി.ബിയ​ുടെ 'ശ്രമ'ങ്ങൾക്ക്​ വേഗമേറി. ഏതെങ്കിലും സെലിബ്രിറ്റിയെ​ ചോദ്യം ചെയ്യുന്നതിന്​ മുമ്പ്​ ചില പ്രത്യേക റിപ്പോർട്ടർമാർക്ക്​ മാത്രം 'ചോർന്ന്​' കിട്ടാൻ തുടങ്ങി. വാട്​സ്​ആപ്​ ചാറ്റുകളും പ്രത്യേക വിഭാഗം മാധ്യമങ്ങൾക്ക്​ ലഭിച്ചു. ആരോപിതർക്കെതിരായ ആഖ്യാനങ്ങൾ ചമക്കാൻ അത്​ ഉ​പയോഗിക്കപ്പെട്ടു. മുൻകാലങ്ങളിൽ വലിയ വലിയ മയക്കുമരുന്ന്​ ശൃംഖലകൾക്കും വിതരണ മാഫിയകൾക്കുമെതിരെ പ്രവർത്തിച്ചിരുന്ന ഏജൻസി മെല്ലെ മയക്കുമരുന്ന്​ 'ഉപയോഗി'ക്കുന്നവർക്കെതിരെ തിരിഞ്ഞ്​ തലക്കെട്ടുകൾ സൃഷ്​ടിക്കാൻ തുടങ്ങി. അതിൽ കൂടുതലും സെലിബ്രിറ്റികളായിരുന്നു. അവരിൽ ചിലരിൽ നിന്ന്​ വളരെ ചെറിയ അളവിലുള്ള മയക്കുമരുന്ന്​ മാത്രമാണ്​ കണ്ടെടുത്തത്​. പലരിൽ നിന്നും ഒന്നും കിട്ടിയുമില്ല. തനിക്കെതിരെ ഉയർന്ന ഇത്തരം ആരോപണങ്ങളിൽ താൻ 'നിയമത്തി​െൻറ വഴിയേ ആണ്​ സഞ്ചരിക്കുന്ന'തെന്ന മറുപടിയാണ്​ വാങ്കഡെ നൽകിയിര​ുന്നത്​.

ഡെപ്യു​േട്ടഷനിൽ ആറുമാസത്തേക്ക്​ മാത്രം എൻ.സി.ബിയിലെത്തിയ വാങ്കഡെക്ക്​ ഇതിനകം രണ്ടുതവണ സർവീസ്​ നീട്ടിക്കിട്ടി. വാങ്കഡെ വന്നതിന്​ ശേഷം ഇതുവരെ 300 ലേറെ പേരെ എൻ.സി.ബി അറസ്​റ്റ്​ ചെയ്​തു കഴിഞ്ഞു. സർവകാല റെക്കോഡാണിത്​. മുംബൈയിലെയും ഗോവയിലെയും 12 ഡ്രഗ്​ ഗ്യാങുകളെ അമർച്ച ചെയ്​തുവെന്നും ബ്യ​ൂറോ അവകാശപ്പെടുന്നു. പക്ഷേ, ഇതിൽ ഹൈ പ്രൊഫൈൽ കേസുകൾ ഒന്നും കോടതിയുടെ പരിശോധനക്ക്​ വിധേയമായിട്ടില്ല. മിക്ക കേസുകളിലും ചാർജ്​ ഷീറ്റ്​ പോലും ഫയൽ ചെയ്​തിട്ടില്ല. സെലിബ്രിറ്റികൾക്കെതിരെ വാട്ട്​സ്​ആപ്​ ചാറ്റി​െൻറ ബലത്തിൽ സ്വീകരിച്ച നടപടികളും ചോദ്യംചെയ്യപ്പെടുകയാണിപ്പോൾ. എന്നാൽ, ത​െൻറ മാതാവ്​ തെരുവു കുട്ടികൾക്ക്​ വേണ്ടി പ്രവർത്തിച്ചിരുന്നയാളാണെന്നും പിതാവ്​ യൂനി​ഫോം സർവിസിലാണെന്നും അഭിമുഖങ്ങളിൽ സ്​ഥിരമായി പറയുന്ന വാങ്കഡെ ത​െൻറ പ്രവർത്തനങ്ങൾ രാഷ്​ട്രത്തിന്​ വേണ്ടിയാണെന്ന്​ ആവർത്തിക്കും. ഇൗ സ്വകാര്യ വിശദാംശങ്ങളെല്ലാം നിർഭയനും അതിസാഹസികനുമായ ഉദ്യോഗസ്​ഥനെന്ന പ്രതിഛായയെ ഉൗട്ടിയുറപ്പിക്കാനും ഉപയോഗിച്ചു.

നവാബ്​ മാലികി​െൻറ മരുമകൻ

വാങ്കഡെയുടെ നടപടികൾ ആദ്യം ചോദ്യം ചെയ്യപ്പെടുന്നത്​ കൊമേഡിയൻ ഭാരതി സിങി​െൻറയും ഭർത്താവ്​ ഹർഷ്​ ലിംബാഛിയയുടെയും അറസ്​റ്റിലാണ്​. 2020 നവംബറിലാണ്​ 86.5 ഗ്രാം കഞ്ചാവ്​ വീട്ടിൽ നിന്നും ഒാഫിസിൽ നിന്നും പിടിച്ചെടുത്തുവെന്ന്​ ആരോപിച്ച്​ ഇരുവരെയും അറസ്​റ്റ്​ ചെയ്യുന്നത്​.

മഹാരാഷ്​ട്ര മന്ത്രിയും എൻ.സി.പി നേതാവുമായ നവാബ്​ മാലിക്​ ഇതിനെതിരെ രംഗത്തുവന്നു. മയക്കുമരുന്നിന്​ അടിമകളായവരെ ജയിലിലേക്കല്ല, റിഹബിലിറ്റേഷൻ സെൻററുകളിലേക്കാണ്​ അയക്കേണ്ടതെന്ന്​ അദ്ദേഹം അഭിപ്രായപ്പെട്ടു. മയക്കുമരുന്ന്​ കടത്തുകാർക്കെതിരെയാണ്​ എൻ.സി.ബി നീങ്ങേണ്ടതെന്നും അത്തരത്തിലുള്ള പ്രവർത്തനങ്ങൾ ഉണ്ടാകുന്നില്ലെന്നും മാലിക്​ കൂട്ടിച്ചേർത്തു.

രണ്ടുമാസത്തിന്​ ശേഷം 2021 ജനുവരി 13 ന്​ എൻ.സി.ബിയുടെ ഒാഫിസിൽ നിന്ന്​ മാധ്യമപ്രവർത്തകർക്ക്​ ഒരു സന്ദേശം ലഭിച്ചു: 'ഒരു ഹൈ ​പ്രൊഫൈൽ ചോദ്യം ചെയ്യൽ ഒാഫിസിൽ നടക്കുന്നു'. റിപ്പോർട്ടർമാർ പാഞ്ഞെത്തി. അവിടെ എത്തിയപ്പോഴാണ്​ അവർ മനസിലാക്കുന്നത്​, നവാബ്​ മാലികി​െൻറ മരുമകൻ സമീർ ഖാൻ ആണ്​ കസ്​റ്റഡിയിലുള്ളത്​. നാലുദിവസം മുമ്പ്​ ജനുവരി ഒമ്പതിന്​ 200 കിലോ കഞ്ചാവ​ുമായി ബ്രിട്ടീഷ്​ പൗരൻ കരൺ സജ്​നാനിയെയും സഹോദരിമാരായ റാഹില, ഷായിസ്​ത ഫർണിച്ചർവാലയെയും ബാന്ദ്രയിൽ നിന്ന്​ എൻ.സി.ബി അറസ്റ്റ്​ ചെയ്​തിരുന്നു. സജ്​നാനിയുമായി 20,000 രൂപയുടെ ഒാൺലൈൻ ട്രാൻസാക്​ഷൻ നടത്തിയെന്ന്​ ആരോപിച്ചാണ്​ സമീർഖാനെ എൻ.സി.ബി വിളിച്ചുവരുത്തി, അറസ്​റ്റ്​ ചെയ്​തത്​. 'നിയമം നിയമത്തി​െൻറ വഴിക്കുപോകുമെന്നും ഒടുവിൽ സത്യം പുലരുമെന്നു'മായിരുന്നു അന്ന്​ നവാബ്​ മാലികി​െൻറ പ്രതികരണം. എട്ടുമാസം ജയിലിൽ കിടന്ന ശേഷമാണ്​ സമീർ ഖാന്​ മോചനം ലഭിച്ചത്​.

താടിവെച്ചയാളും കഷണ്ടിക്കാരനും: മാലികിന്‍റെ പ്രതികാരം

മാസങ്ങൾക്ക്​ ശേഷം ഒക്​ടോബർ മൂന്നിന്​ ആര്യൻ ഖാ​െൻറ അറസ്​റ്റുമായി ബന്ധപ്പെട്ട ചാനൽ വാർത്തകൾ സൂക്ഷ്​മമായി നിരീക്ഷിക്കവെയാണ് എൻ.സി.ബി ഒാഫിസിനുള്ളിൽ ചില വ്യക്​തികളുടെ സാന്നിധ്യം നവാബ്​ മാലികി​െൻറ​ ശ്രദ്ധയിൽ പെടുന്നത്​. അന്ന്​ പുലർച്ചെ ക്യാമറകൾക്ക്​ മുന്നിൽ വാങ്കഡെ പറഞ്ഞത്​ എന്താണെന്ന്​ പരിശോധിക്കാൻ തന്നെ മാലിക്​ തീരുമാനിച്ചു. ''എട്ടു മുതൽ 10 പേർ വരെ ഞങ്ങളുടെ കസ്​റ്റഡിയിലുണ്ടെന്നാണ്​ വാങ്കഡെ പറഞ്ഞത്​. എന്താണിത്​. തമാശയോ. ഒന്നുകിൽ എട്ട്​. അല്ലെങ്കിൽ 10. ത​െൻറ കസ്​റ്റഡിയിൽ എത്രപേർ ഉണ്ടെന്ന്​ ഒരു ഒാഫിസർ അറിഞ്ഞിരിക്കണമല്ലോ''- മാലിക്​ ​പറയുന്നു.

ആര്യൻ ഖാനുമായി ക്രൂയിസ്​ ഷിപ്പിൽ കാണപ്പെട്ട താടിവെച്ചയാളെയും മാലിക്​ നോട്ട്​ ചെയ്​തു. 'വടിച്ചൊരുക്കിയ താടിവെച്ച ഉദ്യോഗസ്​ഥനോ?... '-മാലിക്​ അത്​ഭുതപ്പെട്ടു. ഏതാണ്ട്​​ അതേ സമയത്താണ്​ ​തടിച്ച കഷണ്ടി കയറിയ മനുഷ്യ​െൻറ ആര്യനൊപ്പമുള്ള സെൽഫി വൈറലായത്​. മാലികി​െൻറ സംശയങ്ങൾ കനത്തു.

സംശയങ്ങളുടെ നീർച്ചുഴിയിലേക്ക്​ താൻ ആഴ്​ന്നുപോകുകയാണെന്ന്​ തിരിച്ചറിയാതെ വാങ്കഡെ ഉടനടി പ്രതികരിച്ചു: 'ഫോ​േട്ടായിയുള്ളത്​ എൻ.സി.ബി ഉദ്യോഗസ്​ഥനല്ല'. ചാനലുകൾ ആ വിശദീകരണം നൽകി ത​ൃപ്​തിയടഞ്ഞു. പക്ഷേ, കൂടുതൽ ആഴത്തിലേക്കിറങ്ങാൻ തന്നെയായിരുന്നു മാലികി​െൻറ തീരുമാനം. ഗൂഗ്​ളിലെ ഫോ​േട്ടാ സെർച്ച്​ ​അദ്ദേഹത്തെ കെ.പി ​േഗാസാവിയിൽ കൊണ്ടെത്തിച്ചു. പുനെയിൽ ഒരുവഞ്ചനാ കേസിലെ പ്രതിയായ കെ.പി ഗോസാവിയാണ്​ ആര്യനൊപ്പം സെൽഫിയെടുത്തയാൾ. ഗോസാവി വഴി, ഗുജറാത്തിലെ വ്യാപാരി സമൂഹത്തിലുള്ള ത​െൻറ അഗാധമായ ബന്ധങ്ങൾ ഉപയോഗിച്ച്​ കപ്പലിലുണ്ടായിരുന്ന താടിക്കാരനെയ​ും മാലിക്​ ക​െണ്ടത്തി. ബി.ജെ.പി പ്രവർത്തകനായ മനീഷ്​ ഭാനുശാലിയാണ്​ ആ താടിക്കാരൻ. ത​െൻറ കൈയിൽ പല ആയുധങ്ങൾ തടഞ്ഞിരിക്കുന്നുവെന്ന്​ മാലിക്​ തിരിച്ചറിഞ്ഞു.

വാങ്കഡെയുമായുള്ള ത​െൻറ പഴയ ഏറ്റുമുട്ടലുകൾ മാലിക്​ നിഷേധിക്കുന്നില്ല. ത​െൻറ മരുമകൻ അറസ്​റ്റിലായപ്പോൾ താൻ നിശബ്​ദനായിരിക്കുകയായിരുന്നുവെന്ന്​ മാലിക്​ പറയുന്നു. നീതി നടപ്പാകുമെന്ന വിശ്വാസമാണ്​ തന്നെ നയിച്ചത്​. സമീർ ഖാനുമായി ബന്ധപ്പെട്ട കേസിൽ പിടിച്ചെടുത്തത്​ ഹെർബൽ ടുബാക്കോയാണെന്ന കോടതി വിധിയും അദ്ദേഹം ചൂണ്ടിക്കാട്ടി. അതിന്​ ശേഷമാണ്​ താൻ എൻ.സി.ബിക്കെതിരെ പ്രതികരിച്ചതെന്നും അദ്ദേഹം കൂട്ടിച്ചേർത്തു.

ആ മൂന്നുപേർ ആരൊക്കെ?

ആര്യൻ കേസിൽ ഗോസാവിയുടെയും ഭാനുശാലിയ​ുടെയും സാന്നിധ്യം പുറത്തായതോടെ അക്രമോത്സുകമായി സ്വയം ന്യായീകരിക്കാനാണ്​ എൻ.സി.ബി തുനിഞ്ഞത്​. ഇരുവരെയും സ്വതന്ത്രസാക്ഷികൾ എന്നനിലയിലാണ്​ ഉപയോഗിച്ചതെന്ന്​ വിശദീകരിച്ച ബ്യൂറോ, മാലികി​െൻറ ആരോപണങ്ങൾക്ക്​ പിന്നിൽ വ്യക്​തിതാൽപര്യങ്ങളാന്നെ്​ ആക്ഷേപിക്കുകയും ചെയ്​തു. പക്ഷേ, എ​േട്ടാ പത്തോ എന്ന വാങ്കഡെയുടെ ആദ്യപ്രസ്​താവനയെ കീറിമുറിച്ചുകൊണ്ടായിരുന്നു മാലികി​െൻറ മറുപടി. എട്ടും പത്തുമല്ല, യഥാർഥത്തിൽ 11 പേരാണ്​ പിടിയിലായതെന്ന്​ മാലിക്​ വിശദീകരിച്ചു. അതിൽ ബി.ജെ.പി നേതാവ്​ മോഹിത്​ കാംബോജി​െൻറ സഹോദരി ഭർത്താവ്​ ​റിഷഭ്​ സച്​ദേവ്​, പ്രതിക്​ ഗാഭ, ആമിർ ഫർണിച്ചർവാല എന്നിവരെയാണ്​ വിട്ടയച്ചതെന്ന്​ അദ്ദേഹം വെളിപ്പെടുത്തി.

അവിടെയും നിർത്തിയില്ല, മാലിക്​. രണ്ടുദിവസത്തിന്​ ശേഷം മറ്റൊരു സ്വതന്ത്രസാക്ഷിയെന്ന്​ എൻ.സി.ബി വിശദീകരിച്ച ഫ്ലെച്ചർ പ​േട്ടലിനെ കുറിച്ചും അദ്ദേഹം ചോദ്യങ്ങളുയർത്തി. പ​േട്ടൽ സാക്ഷിയാണോ അതോ വാങ്കഡെയുടെ സിൽബന്തിയാണോ എന്നായിരുന്നു ചോദ്യം. ​'ലേഡി ഡോൺ' എന്ന്​ വിശേഷിപ്പിച്ച ഒരു യുവതിക്കൊപ്പം പ​േട്ടൽ നിൽക്കുന്ന ചിത്രവും മാലിക്​ ട്വീറ്റ്​ ചെയ്​തു. വാങ്കഡെയുടെ സഹോദരി യാസ്​മിൻ വാങ്കഡെയായിരുന്നു ആ യുവതി. ബോളിവുഡ്​ താരങ്ങളെ ഭീഷണിപ്പെടുത്തി വാങ്കഡെ പണംതട്ടിയെന്ന ആരോപണവുമായി ദിവസങ്ങൾക്ക്​ശേഷം മാലിക്​ വീണ്ടും രംഗത്തെത്തി. വാങ്കഡെ മാലദ്വീപിലേക്ക്​ നടത്തിയ ട്രിപ്പി​െൻറ ചിത്രങ്ങളും പുറത്തുവിട്ടു.

വാങ്കഡെയുടെ ജാതി സർട്ടിഫിക്കറ്റ്​

കഥ മുഴുവനും മാറ്റിമറിക്കാനിരിക്കുന്ന തുറുപ്പ്​ ചീട്ട്​ മാലിക്​ പുറത്തെടുക്കാനിരിക്കുന്നതേയുണ്ടായിരുന്നുള്ളു. സമീർ വാങ്കഡെ ഒരു മുസ്​ലിം ആണെന്നും വ്യാജ ജാതി സർട്ടിഫിക്കറ്റ്​ ഉപ​േയാഗിച്ചാണ്​ സർക്കാർ ജോലി നേടിയതെന്നുമുള്ള വലിയ ആരോപണം അദ്ദേഹം ഉന്നയിച്ചു. ഇതേദിവസം തന്നെയാണ്​ കെ.പി ഗോസാവിയുടെ അംഗരക്ഷകനും ആര്യൻ കേസിലെ മറ്റൊരു സാക്ഷിയുമായ പ്രഭാകർ സെയിൽ എൻ.സി.ബിക്കെതിരെ രംഗത്തുവന്നത്​. എൻ.സി.ബി ഷാറൂഖ്​ ഖാനിൽ നിന്ന്​ 25 കോടി ആവശ്യപ്പെട്ടുവെന്നും അതിൽ എട്ടുകോടി വാങ്കഡെക്ക്​ ഉള്ളതാണെന്നുമായിരുന്നു പ്രഭാകർ സെയിലി​െൻറ സത്യവാങ്​മൂലം. വാങ്കഡെ തന്നോട്​ ബ്ലാങ്ക്​ പേപ്പറുകളിൽ ഒപ്പിടാൻ ആവശ്യപ്പെട്ടുവെന്നും അദ്ദേഹം കൂട്ടിച്ചേർത്തു.

ത​െൻറ ആരോപണങ്ങൾ തെളിയിക്കാൻ സമീർ വാങ്കഡെയുടെ ആദ്യ വിവാഹത്തി​െൻറ 'നികാഹ്​നാമ' തൊട്ടടുത്ത ദിവസം നവാബ്​ മാലിക്​ പുറത്തുവിട്ടു. ഡോ. ശബാന ഖുറൈശി എന്ന യുവതിയുമായുള്ള ആദ്യവിവാഹത്തി​െൻറ സർട്ടിഫിക്കറ്റിൽ വാങ്കഡെയുടെ പിതാവി​െൻറ പേര്​ ദാവൂദ്​ എന്നാണ്​ രേഖപ്പെടുത്തിയിരിക്കുന്നത്​. വാങ്കഡെയുടെ ഒൗദ്യോഗിക രേഖകളിലെല്ലാം പിതാവി​െൻറ നാമം 'ധ്യാൻദേവ്​' എന്നാണ്​. ഇൗ വിവാഹം നടത്തിക്കൊടുത്ത ഖാദിയും സ്​ഥിരീകരിച്ചു: 'വിവാഹത്തിലേർപ്പെട്ട രണ്ടുപേരുടെയും കുടുബം മുസ്​ലിങ്ങളായിരുന്നു'.

ഇതോടെ എൻ.സി.ബി പ്രതിരോധത്തിലേക്ക്​ വലിഞ്ഞു. ആദ്യമായി ആരോപണങ്ങൾക്ക്​ വിശദീകരണം നൽകാൻ അവർ നിർബന്ധിതരായി. പ്രഭാകർ സെയിലി​െൻറ ആ​േരാപണം അന്വേഷിക്കാൻ അഞ്ചംഗ വിജിലൻസ്​ സംഘത്തെ നിയോഗിച്ചു. സമിതിക്ക്​ മുന്നിൽ ഹാജരായി മൊഴി നൽകാൻ പ്രഭാകറിനോട്​ എൻ.സി.ബി ഡെപ്യൂട്ടി ഡയറക്​ടർ ഗ്യാനേശ്വർ സിങ്​ അഭ്യർഥി​െച്ചങ്കിലും അതിനകം പ്രഭാകർ ഒളിവിൽപോയി കഴിഞ്ഞിരുന്നു.

ആരോപണങ്ങളുടെ തീച്ചൂളയിൽ

വാങ്കഡെയ​ുടെ ജാതി സർട്ടിഫിക്കറ്റ്​ വ്യാജമാണെന്ന മാലികി​െൻറ ആരോപണം വന്നതിന്​ പിന്നാലെ ഭീഷണികൾ വരുന്നതായി വാങ്കഡെയ​ുടെ കുടുംബം പരാതിപ്പെട്ടു. താ​ൻ ജന്മനാ ഹിന്ദുവാണെന്നും മുസ്​ലിമായ ഖുറൈശിയെ സ്​പെഷൽ മാര്യേജ്​ ആക്​ട്​ പ്രകാരമാണ്​ വിവാഹം കഴിച്ചതെന്ന്​ വാങ്കഡെ പിന്നീട്​ വിശദീകരിച്ചു. ''നികാഹ്​നാമ മരിച്ചുപോയ മാതാവി​െൻറ നിർബന്ധപ്രകാരം ചെയ്​തതാണ്​. മുസ്​ലിമായിരുന്ന മാതാവിന്​ ഇസ്​ലാം മതാചാരപ്രകാരം വിവാഹം നടക്കണമെന്നായിരുന്നു ആഗ്രഹം''- വാങ്കഡെ കൂട്ടിച്ചേർത്തു. താനൊരിക്കലും മുസ്​ലിമായി മതപരിവർത്തനം നടത്തിയിട്ടില്ലെന്നും ഭാര്യ തന്നെ 'ദാവൂദ്​' എന്ന്​ സ്​നേഹപൂർവം വിളിക്കുമായിരുന്നുവെന്നും വാങ്കഡെയുടെ പിതാവും പറഞ്ഞു. അഭിനേത്രിയായ വാങ്കഡെയ​ുടെ നിലവിലെ ഭാര്യ ക്രാന്തി റേദ്​കറും ഭർത്താവി​െൻറ രക്ഷക്കായി രംഗത്തെത്തി. 'വാങ്കഡെ ഹിന്ദുവും ആത്​മാർഥതയുള്ള ഉദ്യോഗസ്​ഥനുമാണെന്ന്​' ക്രാന്തി പറഞ്ഞു. ത​െൻറ മറാഠി വേരുകൾ ഒാർമിപ്പിച്ച്​ 'നീതി' തേടി ഉദ്ധവ്​ താക്കറെക്ക്​ അവർ കത്തയക്കുകയും ചെയ്​തു.

വാങ്കഡെ മുസ്​ലിമാണോ ഹിന്ദുവാണോ എന്നത്​ തനിക്ക്​​് പ്രശ്​നമല്ലെന്നും ആർക്കും ഏത്​ വിശ്വാസവും ആചരിക്കാൻ സ്വാ​തന്ത്ര്യമുണ്ടെന്നും പറഞ്ഞ നവാബ്​ മാലിക്​, വ്യാജ ജാതി സർട്ടിഫിക്കറ്റാണ്​ പ്രശ്​നമെന്ന്​ ആവർത്തിച്ചു. 'പട്ടികജാതി വിഭാഗത്തിലെ കഠിനാധ്വാനിയായ ഒരുകുട്ടിയുടെ അവസരമാണ്​ വാങ്കഡെ തട്ടിയെടുത്തത്​.'

കളത്തിലിറങ്ങി ബി.ജെ.പി

ദിവസവും രാവിലെയുള്ള മാലികി​െൻറ ട്വീറ്റുകൾ എൻ.സി.ബിയെ പ്രതിരോധത്തിലേക്ക്​ തള്ളിവിട്ടുകൊണ്ടേയിരുന്നു. അതോടെ ബി.ജെ.പി രംഗത്തിറങ്ങി. ഷാറൂഖ്​ ഖാ​െൻറ മകനെ രക്ഷിക്കാൻ മഹാരാഷ്​ട്ര സർക്കാർ ശ്രമിക്കുകയാണെന്നായിരുന്നു ആരോപണം. വാങ്കഡെ മുസ്​ലിമാണെന്ന്​ ആരോപിക്കുക വഴി മതസൗഹാർദം തകർക്കാൻ മാലിക്​ ശ്രമിച്ചുവെന്ന്​ പറഞ്ഞ്​ ബി.ജെ.പി എം.എൽ.എ അതുൽ ഭട്​കൽക്കർ കുർള പൊലീസ്​ സ്​റ്റേഷനിൽ പരാതി നൽകി. മാലികി​െൻറ ആരോപണങ്ങൾ അടിസ്​ഥാനരഹിതമാണെന്ന്​ കേന്ദ്രമന്ത്രി രാംദാസ്​ അതാവാലെ വാർത്തസമ്മേളനം നടത്തിപറഞ്ഞു: 'വാങ്കഡെ ഒരുദലിത്​ ഒാഫിസറാണ്​. നല്ല ജോലി ചെയ്യുന്നയാളാണ്​. അദ്ദേഹത്തെ ഉന്നംവെക്കുന്നത്​ ശരിയല്ല'.

ആര്യൻ കേസിൽ ബി.ജെ.പിയുടെ പങ്ക്​ വെളിപ്പെട്ടുവരാൻ തുടങ്ങിയയോടെയാണ്​ പാർട്ടിക്ക്​ ഹാലിളകിയത്​. പക്ഷേ, റെയ്​ഡ്​ നടക്കു​േമ്പാൾ ഭാനുശാലിയുടെ സാന്നിധ്യം നിഷേധിക്കാൻ അവർക്കായില്ല. എൻ.സി.ബി വിട്ടയച്ചവരിൽ ഒരാളുടെ ബന്ധുവായ ബി.ജെ.പി നേതാവ്​ മോഹിത്​ കാംബോജ്​ ആക​െട്ട, മാലികിനെതിരെ മാനനഷ്​ട കേസ്​ നൽകുമെന്ന്​ ഭീഷണി മുഴക്കുകയും ചെയ്​തു.

ത​െൻറ വ്യക്​തിത്വം വെളിപ്പെട്ടതിന്​ പിന്നാലെ മുങ്ങിയ ഗോസാവിയെ 2018 ലെ ഒരു തട്ടിപ്പ്​ കേസിൽ പുണെ പൊലീസ്​ പിന്നീട്​ പിടികൂടി. ഭാനുശാലിയുടെ ​െപാടിപോലുമില്ല കണ്ടുപിടിക്കാൻ. മുംബൈ പൊലീസിൽ നിന്ന്​ അറസ്​റ്റ്​ ഭീഷണി നേരിടുന്ന സമീർ വാങ്കഡെ ബോംബെ ഹൈകോടതിയെ സമീപിച്ചിരിക്കുകയാണ്​. അദ്ദേഹത്തിനെതിരെ വകുപ്പുതല അന്വേഷണവും ആരംഭിച്ചുകഴിഞ്ഞു.