പെൺകുട്ടികളെ ആശുപത്രിയിലേക്ക് കൊണ്ടുപോകുന്ന മാതാപിതാക്കൾ
ഹൈദരാബാദ്: കളിക്കുന്നതിനിടെ കാറിനുള്ളിൽ കുടുങ്ങി സഹോദരങ്ങളായ രണ്ട് പെൺകുട്ടികൾ ശ്വാസംമുട്ടി മരിച്ചു. ഹൈദരാബാദ് ജില്ലയിൽ ചെവല്ലയിലെ ദമരഗിദ്ദയിൽ വീടിനടുത്ത് നിർത്തിയിട്ട കാറിനുള്ളിൽ കുടുങ്ങിയാണ് പെൺകുട്ടികൾ മരിച്ചത്. ഇന്നലെ വൈകുന്നേരമായിരുന്നു സംഭവം.
കളിച്ചുകൊണ്ടിരുന്ന തന്മയ ശ്രീ (5), അഭിനയ ശ്രീ (4) എന്നീ കുട്ടികളാണ് വീടിന് മുന്നിൽ നിർത്തിയിട്ടിരുന്ന കാറിൽ കയറിയത്. വാഹനത്തിൽ കയറിയ ശേഷം വാതിലുകൾ അടച്ചു. പിന്നീട് അവ എങ്ങനെ തുറക്കണമെന്നറിയാതെ കുട്ടികൾ ശ്വാസംമുട്ടി മരിച്ചെന്നാണ് റിപ്പോർട്ട്.
കളിക്കാൻ പോയ കുട്ടികളെ കാണാനില്ലെന്ന് അറിഞ്ഞതോടെ മാതാപിതാക്കൾ നടത്തിയ തെരച്ചിലിനൊടുവിലാണ് അബോധാവസ്ഥയിൽ കിടക്കുന്ന പെൺകുട്ടികളെ കാറിൽ കണ്ടെത്തിയത്.
കുട്ടികളെ ഉടൻ തന്നെ അടുത്തുള്ള സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പരാതിയുടെ അടിസ്ഥാനത്തിൽ ചെവെല്ല പൊലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.