ന്യൂഡൽഹി: കാമുകനെ വിവാഹം കഴിക്കാൻ ഇന്ത്യയിലേക്ക് വിമാനം കയറി ദക്ഷിണ കൊറിയൻ യുവതി. കിം ബോഹ് നി എന്ന 23കാരിയാണ് ഉത്തർപ്രദേശിലെ ഷാജഹാൻപൂർ സ്വദേശി സുഖ്ജീത്ത് സിങ്ങിനെ വിവാഹം കഴിക്കാൻ ഇന്ത്യയിലെത്തിയത്. രണ്ട് ദിവസം മുമ്പ് ഇരുവരും ഗുരുദ്വാരയിൽ വെച്ച് വിവാഹിതരാവുകയും ചെയ്തു.
ദക്ഷിണ കൊറിയയിലെ ബുസാനിലുള്ള കഫേയിൽ നാല് വർഷമായി ജോലിക്കാരനാണ് സുഖ്ജീത്ത് സിങ്. ബില്ലിങ് കൗണ്ടറിൽ കിം ബോഹ് നിയും ജോലിക്കെത്തിയതോടെ ഇരുവരും പ്രണയത്തിലാവുകയായിരുന്നു. സുഖ്ജീത്ത് ആറുമാസത്തെ അവധിക്ക് ഒന്നര മാസം മുമ്പ് നാട്ടിലെത്തിയതോടെയാണ് പിരിഞ്ഞിരിക്കാനാവാതെ കിം ഇന്ത്യയിലേക്ക് തിരിച്ചത്.
ടൂറിസ്റ്റ് വിസയിലെത്തിയ കിം ഒരു മാസത്തിന് ശേഷം കൊറിയയിലേക്ക് മടങ്ങും. സുഖ്ജീത്ത് മൂന്ന് മാസത്തിന് ശേഷവും ജോലിസ്ഥലത്തേക്ക് പോകും. ഭാര്യക്കൊപ്പം ദക്ഷിണകൊറിയയിൽ സ്ഥിരതാമസമാക്കാനാണ് ഉദ്ദേശ്യമെന്ന് സുഖ്ജീത്ത് പ്രതികരിച്ചു.
ആഴ്ചകൾക്ക് മുമ്പ് പാക് യുവതി സീമ ഹൈദർ കാമുകൻ സച്ചിൻ മീണയെ വിവാഹം കഴിക്കാൻ ഇന്ത്യയിലെത്തിയത് ഏറെ ചർച്ചയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.