ചെന്നൈ: മാധ്യമപ്രവർത്തകരെയും മുൻ നിരപോരാളികളിൽ ഉൾപ്പെടുത്തി തമിഴ്നാട്ടിൽ അധികാരത്തിലെത്തിയ ഡി.എം.കെയുടെ ആദ്യ തീരുമാനം. ഡി.എം.കെ പ്രസിഡന്‍റ് എം.കെ. സ്റ്റാലിൻ ട്വിറ്ററിലൂടെ അറിയിച്ചതാണ് ഇക്കാര്യം.
'പത്ര -ദൃശ്യ -ശ്രവ്യ മാധ്യമപ്രവർത്തകർ ജീവൻ അപകടത്തിലാക്കിയാണ് മഴയിലും വെയിലത്തും വെള്ളെപ്പാക്കത്തിലും ജോലി ചെയ്യുന്നത്. തമിഴ്നാട്ടിൽ അവരെ മുൻനിര പോരാളികളായി പ്രഖ്യാപിക്കും' -എം.കെ. സ്റ്റാലിൻ ട്വീറ്റ് ചെയ്തു.
മുൻനിര േപാരാളികളായി പ്രഖ്യാപിച്ചതോടെ എല്ലാ ആനുകൂല്യങ്ങൾക്കും മാധ്യമപ്രവർത്തകർ അർഹരാകും. കൊറോണ വൈറസ് പ്രതിരോധ വാക്സിൻ വിതരണത്തിലും മുൻഗണന ലഭിക്കും.
നേരത്തേ ബിഹാർ, പഞ്ചാബ്, മധ്യപ്രദേശ് തുടങ്ങിയ സംസ്ഥാനങ്ങൾ മാധ്യമപ്രവർത്തകരെ മുൻനിര പോരാളികളിൽ ഉൾപ്പെടുത്തിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.