ദയാവധത്തിന്​ സോപാധിക അനുമതി; അ​ന്ത​സ്സാ​ർ​ന്ന മ​ര​ണം മൗ​ലി​കാ​വ​കാ​ശമെന്ന്​ സുപ്രീം കോടതി

ന്യൂ​ഡ​ൽ​ഹി: നി​ഷ്ക്രി​യ ദ​യാ​വ​ധം ഉ​പാ​ധി​ക​ളോ​ടെ അ​നു​വ​ദ​നീ​യ​മാ​ണെ​ന്ന് ചീ​ഫ്​ ജ​സ്​​റ്റി​സ്​ ദീ​പ​ക്​ മി​ശ്ര അ​ധ്യ​ക്ഷ​നാ​യ​ സു​പ്രീം​കോ​ട​തി​യു​ടെ അ​ഞ്ചം​ഗ ഭ​ര​ണ​ഘ​ട​ന ബെ​ഞ്ച്​ വി​ധി​ച്ചു. ജീ​വി​ത​ത്തി​ലേ​ക്ക്​ തി​രി​ച്ചു​വ​രാ​ത്ത ഘ​ട്ട​ത്തി​ൽ ത​നി​ക്ക്​ ചി​കി​ത്സ ന​ൽ​കാ​തെ ദ​യാ​വ​ധം അ​നു​വ​ദി​ക്ക​ണ​മെ​ന്ന്​ മു​ൻ​കൂ​റാ​യി മ​ര​ണ സ​മ്മ​ത​പ​ത്രം സ​മ​ർ​പ്പി​ക്കാ​മെ​ന്നും സു​പ്രീം​കോ​ട​തി കൂ​ട്ടി​ച്ചേ​ർ​ത്തു. അ​ന്ത​സ്സാ​ർ​ന്ന മ​ര​ണ​ത്തി​നു​ള്ള അ​വ​കാ​ശം​കൂ​ടി അ​ട​ങ്ങു​ന്ന​താ​ണ്​ അ​ന്ത​സ്സോ​ടെ ജീ​വി​ക്കാ​നു​ള്ള പൗ​ര​​​​െൻറ മൗ​ലി​കാ​വ​കാ​ശ​മെ​ന്ന്​ വ്യ​ക്ത​മാ​ക്കി​യ വി​ധി​യി​ൽ ദ​യാ​വ​ധ​ത്തി​നും മു​ൻ​കൂ​ർ മ​ര​ണ സ​മ്മ​ത​പ​ത്ര​ത്തി​നു​മു​ള്ള സ​മ​ഗ്ര  മാ​ർ​ഗ​നി​ർ​ദേ​ശ​ങ്ങ​ളു​മു​ണ്ട്.യ​ന്ത്ര​സം​വി​ധാ​നം കൊ​ണ്ട്​ കൃ​ത്രി​മ​മാ​യി ജീ​വ​ൻ നി​ല​നി​ർ​ത്തു​ന്ന രോ​ഗി​ക​ളെ അ​ത്​ പി​ൻ​വ​ലി​ച്ച്​ മ​ര​ണ​ത്തി​ന്​ അ​നു​വ​ദി​ക്കു​ന്ന നി​ഷ്​​ക്രി​യ ദ​യാ​വ​ധ​ത്തി​നാ​ണ്(​പാ​സീ​വ്​ യു​ത്ത​നേ​സി​യ) അ​ന​ു​മ​തി. ജീ​വ​ൻ കൃ​ത്രി​മ​മാ​യി നി​ല​നി​ർ​ത്തു​ന്ന സം​വി​ധാ​നം പി​ൻ​വ​ലി​ക്കു​ക മാ​ത്ര​മാ​ണ്​ ചെ​യ്യു​ന്ന​തെ​ന്ന്​ സു​പ്രീം​കോ​ട​തി വി​ശ​ദീ​ക​രി​ച്ചു.  എ​ന്നാ​ൽ, ഒ​രു രോ​ഗി​യു​ടെ ജീ​വ​ൻ എ​ന്തെ​ങ്കി​ലും സം​വി​ധാ​നം ഉ​പ​യോ​ഗി​ച്ച്​  അ​വ​സാ​നി​പ്പി​ക്കു​ന്ന ത​ര​ത്തി​ൽ ദ​യാ​വ​ധം(​ആ​ക്​​റ്റീ​വ്​ യു​ത്ത​നേ​സി​യ) അ​നു​വ​ദി​ക്കി​ല്ല.

പ്ര​ശാ​ന്ത്​ ഭൂ​ഷ​ൺ നേ​തൃ​ത്വം ന​ൽ​കു​ന്ന ‘കോ​മ​ൺ കോ​സ്​’ 2005ൽ ​സ​മ​ർ​പ്പി​ച്ച ഹ​ര​ജി തീ​ർ​പ്പാ​ക്കി​യാ​ണ്​ വി​ധി. മ​ര​ണ​ത്തി​നു​ള്ള സാ​ധ്യ​ത​യു​ണ്ടെ​ങ്കി​ൽ​പോ​ലും ഒ​രാ​ൾ​ക്ക്​ പ്ര​ത്യേ​ക​മാ​യ ഏ​തെ​ങ്കി​ലും ചി​കി​ത്സ​യോ എ​ല്ലാ ചി​കി​ത്സ​യും വേ​ണ്ടെ​ന്നു വെ​ക്കാ​നോ ബ​ദ​ൽ​ചി​കി​ത്സ രീ​തി തെ​ര​ഞ്ഞെ​ടു​ക്കാ​നോ അ​വ​കാ​ശ​മു​ണ്ട്. രോ​ഗി ത​നി​ക്ക്​ ചി​കി​ത്സ വേ​ണ്ടെ​ന്ന്​ മു​ൻ​കൂ​റാ​യി ത​യാ​റാ​ക്കി​യ സ​മ്മ​ത​പ​ത്രം സം​ശ​യ​ത്തി​നി​ട ന​ൽ​കാ​ത്ത​താ​ണെ​ങ്കി​ൽ അ​ത്​ അം​ഗീ​ക​രി​ക്ക​ണം.ഭ​ര​ണ​ഘ​ട​ന​യു​ടെ 21ാം അ​നുഛേ​ദം അ​നു​വ​ദി​ക്കു​ന്ന ജീ​വി​ത​ത്തി​നും സ്വാ​ത​ന്ത്ര്യ​ത്തി​നു​മു​ള്ള അ​വ​കാ​ശം വ്യ​ക്തി​യു​ടെ അ​ന്ത​സ്സി​​​​െൻറ പ​രി​ധി​യി​ൽ വ​രി​ല്ലെ​ങ്കി​ൽ പി​ന്നെ അ​തി​ന​ർ​ഥ​മി​ല്ല.  ജീ​വി​ത​ത്തി​ലേ​ക്ക്​ മ​ട​ങ്ങി​വ​രാ​ൻ ക​ഴി​യു​മെ​ന്ന്​ പ്ര​തീ​ക്ഷ​യി​ല്ലാ​ത്ത ഒ​രു വ്യ​ക്തി​ക്ക്​ സു​ഖ​ക​ര​മാ​യി മ​രി​ക്കാ​നു​ള്ള സൗ​ക​ര്യ​മൊ​രു​ക്കു​ക എ​ന്ന​ത്​ അ​ന്ത​സ്സാ​ർ​ന്ന ജീ​വി​ത​ത്തി​നു​ള്ള അ​വ​കാ​ശ​ത്തി​​ൽ​പെ​ടു​ന്ന​താ​ണ്. നി​യ​മ​പ​ര​മാ​യ മാ​ർ​ഗ​നി​ർ​ദേ​ശ​ങ്ങ​ളു​ടെ അ​ഭാ​വം സു​ഖ​ക​ര​മാ​യി മ​രി​ക്കാ​നും അ​ന്ത​സ്സാ​ർ​ന്ന ജീ​വി​ത​ത്തി​നും വ​ഴി​െ​യാ​രു​ക്കാ​തി​രി​ക്കാ​ൻ കാ​ര​ണ​മാ​കും.  

അ​തു​കൊ​ണ്ടാ​ണ്​ പ​ല രാ​ജ്യ​ങ്ങ​ളും നി​യ​മ​നി​ർ​മാ​ണ​ങ്ങ​ൾ ന​ട​ത്തി​യും കോ​ട​തി​വി​ധി​ക​ൾ വ​ഴി​യും നി​ഷ്ക്രി​യ ദ​യാ​വ​ധ​ത്തി​ന്​ അ​നു​മ​തി ന​ൽ​കി​യ​ത്.  ജീ​വ​​​​െൻറ പ​വി​ത്ര​ത കാ​ത്തു​സൂ​ക്ഷി​ക്ക​ണ​മെ​ന്ന​തി​നാ​ൽ ജീ​വി​ത​ത്തി​ലേ​ക്ക്​ ഒ​രു തി​രി​ച്ചു​വ​ര​വി​ൽ പ്ര​തീ​ക്ഷ​യി​ല്ലാ​ത്ത​വ​രു​ടെ കാ​ര്യ​ത്തി​ൽ അ​വ​രു​ടെ സ്വ​യം​നി​ർ​ണ​യാ​വ​കാ​ശ​ത്തി​നും മു​ൻ​കൂ​ർ അ​നു​മ​തി​ക്കു​മാ​ണ്​ മു​ൻ​ഗ​ണ​ന ന​ൽ​കേ​ണ്ട​ത്. അ​ത്ത​രം അ​നു​മ​തി ഇ​ല്ലെ​ങ്കി​ലും അ​ത്​​ ന​ൽ​കാ​ൻ ക​ഴി​യാ​ത്ത സാ​ഹ​ച​ര്യ​ത്തി​ലു​മാ​ണെ​ങ്കി​ൽ ആ​ശ്രി​ത​ർ​ക്കോ ബ​ന്ധു​ക്ക​ൾ​ക്കോ ഇൗ ​ആ​വ​ശ്യ​വു​മാ​യി സ​മീ​പി​ക്കാ​നു​ള്ള സം​വി​ധാ​നം ആ​വ​ശ്യ​മാ​ണ്. എ​ന്നാ​ൽ, പ്രാ​​േ​യാ​ഗി​ക​മാ​യി രോ​ഗി​യു​ടെ സ​മ്മ​തം വാ​ങ്ങാ​ൻ ക​ഴി​യാ​ത്ത രോ​ഗാ​വ​സ്​​ഥ​യി​ലാ​കു​േ​മ്പാ​ൾ ‘അ​ടി​യ​ന്ത​ര ത​ത്വം’ പ​രി​ഗ​ണി​ക്കേ​ണ്ടി വ​രും.ഇൗ ​ര​ണ്ട്​ സാ​ഹ​ച​ര്യ​ങ്ങ​ളി​ലും അ​നു​വ​ദി​ക്കാ​വു​ന്ന ത​ര​ത്തി​ലാ​ണ്​ ദ​യാ​വ​ധ​ത്തി​നു​ള്ള സ​മ​ഗ്ര മാ​ർ​ഗ നി​ർ​ദേ​ശ​ങ്ങ​ൾ പു​റ​പ്പെ​ടു​വി​ക്കു​ന്ന​തെ​ന്ന്​ ചീ​ഫ്​ ജ​സ്​​റ്റി​സ്​ ദീ​പ​ക്​ മി​ശ്ര വി​ധി പ്ര​സ്​​താ​വ​ത്തി​ൽ വ്യ​ക്ത​മാ​ക്കി. പാ​ർ​ല​മ​​​െൻറ്​ ഇ​ക്കാ​ര്യ​ത്തി​ൽ ഒ​രു നി​യ​മ​നി​ർ​മാ​ണം ന​ട​ത്തും വ​രെ  ഇൗ ​മാ​ർ​ഗ​നി​ർ​േ​ദ​ശ​ങ്ങ​ൾ നി​ല​നി​ൽ​ക്കു​മെ​ന്നും ബെ​ഞ്ച്​ കൂ​ട്ടി​ച്ചേ​ർ​ത്തു. ചീ​ഫ്​ ജ​സ്​​റ്റി​സും ജ​സ്​​റ്റി​സ്​ എ.​എം. ഖ​ൻ​വി​ൽ​ക​റും ചേ​ർ​ന്ന്​ എ​ഴു​തി​യ വി​ധി പ്ര​സ്​​താ​വ​ത്തെ പി​ന്തു​ണ​ച്ച്​ ഇൗ ​നി​ല​പാ​ടി​നെ ബ​ല​െ​പ്പ​ടു​ത്തു​ന്ന കു​റെ​ക്കൂ​ടി വാ​ദ​മു​ഖ​ങ്ങ​ൾ നി​ര​ത്തി​യ ജ​സ്​​റ്റി​സു​മാ​രാ​യ എ.​കെ. സി​ക്രി​യും അ​ശോ​ക്​ ഭൂ​ഷ​ണും ഡി.​വൈ. ച​ന്ദ്ര​ചൂ​ഡും വെ​വ്വേ​​റെ മൂ​ന്ന്​ അ​നു​ബ​ന്ധ വി​ധി പ്ര​സ്​​താ​വ​ങ്ങ​ളും പു​റ​പ്പെ​ടു​വി​ച്ചു. 


കർശന ഉപാധികൾ 

• ദ​യാ​വ​ധം ആ​വ​ശ്യ​പ്പെ​ടു​ന്ന​യാ​ളി​ന് ആ​രോ​ഗ്യ​പ​ര​മാ​യി ജീ​വി​ത​ത്തി​ലേ​ക്ക്​ തി​രി​കെ വ​രാ​ന്‍ ക​ഴി​യി​ല്ലെ​ന്ന്​ ഉ​റ​പ്പാ​ക്ക​ണം. 
• മു​ൻ​കൂ​ർ മ​ര​ണ​സമ്മതപ​ത്രം ത​യാ​റാ​ക്കു​ന്ന​ത്​ പ്രാ​യ​പൂ​ർ​ത്തി​യാ​യ മാ​ന​സി​കാ​രോ​ഗ്യ​മു​ള്ള​യാ​ളാ​യി​രി​ക്ക​ണം.
• സ​മ്മ​ർ​ദ​മി​ല്ലാ​തെ സ്വ​ന്തം​നി​ല​ക്ക്​ ത​യാ​റാ​ക്കി​യ​താ​യി​രി​ക്ക​ണം.
• ഏ​തു സാ​ഹ​ച​ര്യ​ത്തി​ലാ​ണ്​ ചി​കി​ത്സ അ​വ​സാ​നി​പ്പി​ക്കേ​ണ്ട​ത്​ എ​ന്ന്​ വ്യ​ക്​​ത​മാ​യി രേ​ഖ​പ്പെ​ടു​ത്ത​ണം.
• സ്വ​യം തീ​രു​മാ​ന​മെ​ടു​ക്കാ​ൻ ക​ഴി​യാ​ത്ത ഘ​ട്ട​ത്തി​ൽ ദ​യാ​വ​ധ​ത്തി​ൽ തീ​രു​മാ​ന​മെ​ടു​ക്കേ​ണ്ട ബ​ന്ധു​വാ​രാ​ണെ​ന്ന്​ വ്യ​ക്​​ത​മാ​ക്ക​ണം.
• മ​ര​ണ സ​മ്മ​ത​പ​ത്ര​ത്തി​ൽ സ്വ​ത​ന്ത്ര​രാ​യ ര​ണ്ട്​ സാ​ക്ഷി​ക​ൾ ഒ​പ്പു​വെ​ക്കു​ക​യും അ​തി​ൽ ചീ​ഫ്​ ജു​ഡീ​ഷ്യ​ൽ മ​ജി​സ്​​ട്രേ​റ്റ്​ മേ​ലൊ​പ്പി​ടു​ക​യും വേ​ണം.   
• മ​ര​ണ​പ​ത്രം ത​യാ​റാ​ക്കി​യ വ്യ​ക്തി ചു​മ​ത​ല​പ്പെ​ടു​ത്തി​യ ബ​ന്ധു ദ​യാ​വ​ധ​ത്തി​നാ​യി ഹൈ​കോ​ട​തി​യെ സ​മീ​പി​ക്ക​ണം.
• മ​ര​ണ​പ​ത്ര​മി​ല്ലാ​ത്ത​വ​രു​ടെ കാ​ര്യ​ത്തി​ൽ അ​ടു​ത്ത ബ​ന്ധു​ക്ക​ളോ പ​രി​ച​രി​ക്കു​ന്ന ആ​ശു​പ​ത്രി​യി​ലെ ഡോ​ക്ട​ര്‍മാ​രോ ഉ​ദ്യോ​ഗ​സ്ഥ​രോ അ​പേ​ക്ഷ സ​മ​ര്‍പ്പി​ക്ക​ണം. 
• അ​പേ​ക്ഷ പ​രി​ഗ​ണി​ക്കു​ന്ന ഹൈ​കോ​ട​തി, കാ​ര്യ​ങ്ങ​ളു​ടെ നി​ജ​സ്ഥി​തി പ​രി​ശോ​ധി​ക്കാ​ന്‍ ജി​ല്ല മ​ജി​സ്‌​ട്രേ​റ്റി​ന്​ നി​ര്‍ദേ​ശം ന​ല്‍ക​ണം. 
• തു​ട​ര്‍ന്ന് ജി​ല്ല മ​ജി​സ്‌​ട്രേ​റ്റ്​​ ഒ​രു മെ​ഡി​ക്ക​ല്‍ ബോ​ര്‍ഡി​ന്​ രൂ​പം ന​ല്‍കി രോ​ഗി​യു​ടെ ആ​രോ​ഗ്യാ​വ​സ്ഥ പ​രി​ശോ​ധി​ക്ക​ണം.
• ജി​ല്ല മെ​ഡി​ക്ക​ൽ ഒാ​ഫി​സ​ർ ത​ല​വ​നാ​യ മെ​ഡി​ക്ക​ൽ ബോ​ർ​ഡി​ൽ ജ​ന​റ​ൽ ​െമ​ഡി​സി​ൻ, കാ​ർ​ഡി​യോ​ള​ജി, ന്യൂ​റോ​ള​ജി, ​നെ​ഫ്രോ​ള​ജി, സൈ​ക്യാ​ട്രി, ഒാ​േ​ങ്കാ​ള​ജി എ​ന്നീ മേ​ഖ​ല​ക​ളി​ൽ നി​ന്നു​ള്ള മൂ​ന്ന്​ വി​ദ​ഗ്​​ധ ഡോ​ക്​​ട​ർ​മാ​ർ ഉ​ണ്ടാ​ക​ണം. 
• ബോ​ർ​ഡി​​​​െൻറ തീ​രു​മാ​നം അ​നു​കൂ​ല​മ​ല്ലെ​ങ്കി​ൽ അ​പേ​ക്ഷ​ക​ന്​ ഹൈ​കോ​ട​തി​യെ വീ​ണ്ടും സ​മീ​പി​ക്കാ​ം

ചരിത്ര വിധിയുടെ നാൾവഴി
ഉ​പാ​ധി​ക​ളോ​ടെ ദ​യാ​വ​ധം അ​നു​വ​ദി​ക്കാ​മെ​ന്ന സു​​പ്രീം​കോ​ട​തി​യു​ടെ ച​രി​ത്ര​പ്ര​ധാ​ന വി​ധി​യു​ടെ നാ​ൾ​വ​ഴി.

• മേ​യ്​ 11, 2005: അ​സു​ഖം കാ​ര​ണം ജീ​വി​ത​ത്തി​ലേ​ക്ക്​ തി​രി​ച്ചു​വ​രാ​നാ​വാ​ത്ത​വ​ർ​ക്ക്​ നേ​ര​േ​ത്ത ത​യാ​റാ​ക്കി​യ സ​മ്മ​ത​പ​ത്ര​ത്തി​​​​െൻറ അ​ടി​സ്​​ഥാ​ന​ത്തി​ൽ നി​ഷ്​​ക്രി​യ ദ​യാ​വ​ധ​ത്തി​ന്​ അ​നു​വ​ദി​ക്ക​ണ​മെ​ന്ന സ​ന്ന​ദ്ധ​സം​ഘ​ട​ന​യാ​യ ‘കോ​മ​ൺ കോ​സി​​​​െൻറ​’ പൊ​തു​താ​ൽ​പ​ര്യ ഹ​ര​ജി പ​രി​ഗ​ണി​ച്ച സു​പ്രീം​കോ​ട​തി വി​ഷ​യ​ത്തി​ൽ കേ​ന്ദ്ര​ത്തി​​​​െൻറ വി​ശ​ദീ​ക​ര​ണം തേ​ടി. അ​ന്ത​സ്സോ​ടെ ജീ​വി​ക്കാ​ൻ അ​വ​കാ​ശ​മു​ണ്ടെ​ന്ന​തു​​പോ​ലെ അ​ന്ത​സ്സോ​ടെ മ​രി​ക്കാ​നും അ​വ​കാ​ശ​മു​ണ്ടെ​ന്ന്​ ‘കോ​മ​ൺ കോ​സ്​’ ഹ​ര​ജി​യി​ൽ ചൂ​ണ്ടി​ക്കാ​ട്ടി​യി​രു​ന്നു. 
• ജ​നു​വ​രി 16, 2006: ദ​യാ​വ​ധം എ​ങ്ങ​നെ​യാ​വാം എ​ന്ന​തു​സം​ബ​ന്ധി​ച്ച്​ ഡ​ൽ​ഹി മെ​ഡി​ക്ക​ൽ കൗ​ൺ​സി​​ലി​നോ​ട്​ രേ​ഖ​ക​ൾ സ​മ​ർ​പ്പി​ക്കാ​ൻ കോ​ട​തി ആ​വ​ശ്യ​പ്പെ​ട്ടു.
• ഏ​പ്രി​ൽ 28: ദ​യാ​വ​ധ​വു​മാ​യി ബ​ന്ധ​പ്പെ​ട്ട്​ നി​യ​മ​നി​ർ​മാ​ണം വേ​ണ​മെ​ന്ന്​ നി​യ​മ ക​മീ​ഷ​ൻ നി​ർ​ദേ​ശം. ഇ​തു​മാ​യി ബ​ന്ധ​പ്പെ​ട്ട അ​പേ​ക്ഷ​ക​ളി​ൽ വി​ദ​ഗ്ധ​രു​ടെ സ​ഹാ​യ​ത്തോ​ടെ ഹൈ​കോ​ട​തി​ക്ക്​​ അ​നു​മ​തി ന​ൽ​കു​ന്ന രീ​തി​യി​ലാ​യി​രി​ക്ക​ണം നി​യ​മ​മെ​ന്നും നി​യ​മ ക​മീ​ഷ​ൻ. 
• ജ​നു​വ​രി 31, 2007: ഹ​ര​ജി​യി​ൽ ബ​ന്ധ​പ്പെ​ട്ട​വ​രോ​ട്​  രേ​ഖ​ക​ൾ സ​മ​ർ​പ്പി​ക്കാ​ൻ സു​പ്രീം​കോ​ട​തി നി​ർ​ദേ​ശി​ച്ചു.
• മാ​ർ​ച്ച്​ 7, 2011: മ​റ്റൊ​രു പ്ര​ത്യേ​ക ഹ​ര​ജി​യി​ൽ മും​ബൈ​യി​ലെ ആ​ശു​പ​ത്രി​യി​ൽ വ​ർ​ഷ​ങ്ങ​ളാ​യി അ​ബോ​ധാ​വ​സ്​​ഥ​യി​ൽ ക​ഴി​യു​ന്ന ന​ഴ്​​സ്​ അ​രു​ണ ഷാ​ൻ​ബാ​ഗി​​​​െൻറ​ ദ​യാ​വ​ധ​ത്തി​ന്​ സു​പ്രീം​കോ​ട​തി അ​നു​മ​തി ന​ൽ​കി. പിന്നീട്​ ഇൗ ഉത്തരവ്​ സുപ്രീംകോടതി തന്നെ റദ്ദാക്കി.
• ജ​നു​വ​രി 23, 2014: സു​പ്രീം​കോ​ട​തി ചീ​ഫ്​ ജ​സ്​​റ്റി​സ്​ പി.​സ​ദാ​ശി​വ​ത്തി​​​​െൻറ നേ​തൃ​ത്വ​ത്തി​ലു​ള്ള മൂ​ന്നം​ഗ ബെ​ഞ്ച്​ കേ​സി​ൽ അ​വ​സാ​ന വാ​ദം കേ​ൾ​ക്കാ​ൻ തു​ട​ങ്ങി.
• ഫെ​ബ്രു​വ​രി 11: കേ​സി​ൽ സു​പ്രീം​കോ​ട​തി വി​ധി മാ​റ്റി​വെ​ച്ചു. 
• ഫെ​ബ്രു​വ​രി 25: അ​രു​ണ ഷാ​ൻ​ബാ​ഗി​​​​െൻറ ദ​യാ​വ​ധ​വു​മാ​യി ബ​ന്ധ​പ്പെ​ട്ട ഉ​ത്ത​ര​വി​ൽ ഉ​ൾ​പ്പെ​ടെ അ​വ്യ​ക്​​ത​ത​യു​ണ്ടെ​ന്ന്​ വ്യ​ക്​​ത​മാ​ക്കി​യ കോ​ട​തി പൊ​തു​താ​ൽ​പ​ര്യ ഹ​ര​ജി ഭ​ര​ണ​ഘ​ട​ന ബെ​ഞ്ചി​ന്​ വി​ട്ടു.
• ജ​ൂ​ലൈ 15: ഹ​ര​ജി​യി​ൽ വാ​ദം തു​ട​ങ്ങി​യ ഭ​ര​ണ​ഘ​ട​ന ബെ​ഞ്ച്​ സം​സ്​​ഥാ​ന​ങ്ങ​ൾ​ക്കും കേ​ന്ദ്ര​ഭ​ര​ണ​പ്ര​ദേ​ശ​ങ്ങ​ൾ​ക്കും നോ​ട്ടീ​സ്​ അ​യ​ച്ചു. കോ​ട​തി​യെ സ​ഹാ​യി​ക്കാ​ൻ സീ​നി​യ​ർ അ​ഭി​ഭാ​ഷ​ക​ൻ ടി.​ആ​ർ. അ​ന്ത്യാ​ർ​ജു​ന​യെ നി​യോ​ഗി​ച്ചു. കേ​സി​​​​െൻറ തു​ട​ർ​ന​ട​പ​ടി​ക്കി​ടെ ഇ​ദ്ദേ​ഹം മ​രി​ച്ചു. 
• ഫെ​ബ്രു​വ​രി 15, 2016: വി​ഷ​യം ച​ർ​ച്ച​ചെ​യ്യു​ക​യാ​ണെ​ന്ന്​ കേ​ന്ദ്രം.
• ഒ​ക്​​ടോ​ബ​ർ 11, 2017: പി​ന്നീ​ട്​ ഹ​ര​ജി​യി​ൽ വാ​ദം കേ​ട്ട സു​പ്രീം​കോ​ട​തി ചീ​ഫ്​ ജ​സ്​​റ്റി​സ്​ ദീ​പ​ക്​​മി​ശ്ര​യു​ടെ നേ​തൃ​ത്വ​ത്തി​ലു​ള്ള ഭ​ര​ണ​ഘ​ട​നാ​ബെ​ഞ്ച്​ കേ​സി​ൽ വി​ധി പ​റ​യാ​നാ​യി മാ​റ്റി​വെ​ച്ചു. 
• മാ​ർ​ച്ച്​ 9, 2018: അ​സു​ഖം മൂ​ലം ജീ​വി​ത​ത്തി​ലേ​ക്ക്​ തി​രി​ച്ചു വ​രാ​നാ​വാ​ത്ത​വ​ർ​ക്ക്​ നേ​ര​േ​ത്ത​യു​ള്ള സ​മ്മ​ത​പ​ത്ര​ത്തി​​​​െൻറ അ​ടി​സ്​​ഥാ​ന​ത്തി​ൽ ജീ​വ​ൻ​ര​ക്ഷാ ഉ​പ​ക​ര​ണ​ങ്ങ​ൾ നീ​ക്കി നി​ഷ്​​ക്രി​യ ദ​യാ​വ​ധം അ​നു​വ​ദി​ക്കാ​മെ​ന്ന്​ സു​പ്രീം​കോ​ട​തി.