അഞ്ചുപേർ ചേർന്ന് പെൺകുട്ടിയെ ക്രൂരമായിമർദിക്കുന്ന ദൃശ്യങ്ങൾ വൈറൽ; കുറ്റവാളികളെ തേടി പൊലീസ്

ന്യൂഡൽഹി: അസമിൽ അഞ്ചു യുവാക്കൾ ചേർന്ന് യുവതിയെ ക്രൂരമർദനത്തിരയാക്കുന്ന ദൃശ്യങ്ങൾ വൈറലായതിനെ തുടർന്ന് പ്രതികളെ തിരഞ്ഞ് പൊലീസ്. അസമിൽ നടന്ന ഈ ക്രൂരകൃത്യം എന്നാണ് നടന്നതെന്നോ എപ്പോഴാണ് നടന്നതെന്നോ വ്യക്തമല്ല.

ഇതേതുടർന്ന് കുറ്റവാളികളായ അഞ്ചുപേരുടെ ചിത്രങ്ങൾ അസം പൊലീസ് പുറത്തുവിട്ടു. ചിത്രത്തിലുള്ളവരെ കുറിച്ച് കൂടുതൽ വിവരങ്ങൾ അറിയുന്നവർ കൈമാറണമെന്നും അസം പൊലീസ് ട്വിറ്ററിലൂടെ ആവശ്യപ്പെട്ടു.

പെൺകുട്ടിയുടെ വസ്ത്രം അഴിപ്പിക്കുന്നതിനിടെ അടിക്കുകയും തൊഴിക്കുകയും ചെയ്യുന്ന വിഡിയോ ആണ് വൈറലായത്.