തിരുവല്ല: പത്തനംതിട്ട നെടുമ്പ്രം പഞ്ചായത്തിലെ കുടുംബശ്രീ ഫണ്ട് ക്രമക്കേടിൽ സി.ഡി.എസ് ചെയർപേഴ്സൻ ഉൾപ്പെടെ മൂന്ന് പേർക്കെതിരെ നടപടി. സി.പി.എം ഭരിക്കുന്ന പഞ്ചായത്തിൽ 69 ലക്ഷത്തിന്‍റെ ക്രമക്കേട് നടന്നതായാണ് ഓഡിറ്റ് പരിശോധനയിൽ കണ്ടെത്തിയത്.
സി.ഡി.എസ് അധ്യക്ഷ പി.കെ. സുജ, അക്കൗണ്ടന്‍റ് എ. സീനമോൾ എന്നിവരെ പുറത്താക്കാനും വി.ഇ.ഒ വിൻസിക്കെതിരെ നടപടിക്കുമാണ് ശിപാർശ ചെയ്തിരിക്കുന്നത്. വ്യാഴാഴ്ച ചേർന്ന കുടുംബശ്രീ യോഗത്തിലാണ് തീരുമാനം.
കോവിഡ് സഹായം, മുഖ്യമന്ത്രിയുടെ പ്രളയസഹായം, അഗതികളുടെ ഫണ്ട്, അർബുദ ചികിത്സ സഹായം, ജനകീയ ഹോട്ടൽ നടത്തിപ്പ് തുടങ്ങിയവയിൽ അടക്കമാണ് ലക്ഷങ്ങളുടെ തിരിമറി നടന്നത്. കുടുംബശ്രീ ഓഡിറ്റ് വിഭാഗത്തിന്‍റെ ആദ്യ റിപ്പോർട്ട് പ്രകാരം 17 ലക്ഷം രൂപയുടെ ക്രമക്കേട് കണ്ടെത്തിയിരുന്നു.
തുടർന്ന് 2013 മുതലുള്ള 10 വർഷത്തെ കണക്കുകളും ഫയലുകളും ശേഖരിച്ചിരുന്നു. ഇതിലാണ് 69 ലക്ഷത്തോളം രൂപയുടെ ക്രമക്കേട് കണ്ടെത്തിയത്. 2020-23 കാലഘട്ടത്തിലാണ് ക്രമക്കേടുകൾ ഏറെയും നടന്നതായി കണ്ടെത്തിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.