പിടിയിലായ വിനോഷ് വർഗീസും അർഷാദും
മലപ്പുറം: പത്തുവർഷമായി ഒളിവിൽ കഴിഞ്ഞിരുന്ന കുപ്രസിദ്ധ ക്വട്ടേഷൻ സംഘാംഗങ്ങൾ അറസ്റ്റിൽ. മഞ്ചേരി അഡിഷണൽ സെഷൻസ് കോടതി(II) പിടക്കിട്ടാപ്പുള്ളികളായി പ്രഖ്യാപിച്ച എറണാകുളം വട്ടേക്കുന്നം, സ്കൂൾ പറമ്പ്, അർഷാദും എറണാകുളം അശോക റോഡിലുള്ള നടുവിലെ മുല്ലത്ത് കാപ്പാട്ട് വീട്ടിൽ വിനോഷുമാണ് മലപ്പുറം പൊലീസിെൻറ പിടിയിലായത്.
മലപ്പുറം എസ്.പി സുജിത്ത് ദാസ് െഎ.പി.എസിെൻറ നിർദേശ പ്രകാരം മലപ്പുറം ഡിവൈ.എസ്.പി പി.എം പ്രദീപും സംഘവും എറണാകുളത്ത് വച്ചാണ് ഇരുവരെയും അറസ്റ്റ് ചെയ്തത്.
ഇരുവരും പത്തുവർഷത്തോളമായി വിദേശത്ത് ഒളിവിൽ കഴിഞ്ഞുവരികയായിരുന്നു. അർഷാദ് കുപ്രസ്സിദ്ധ ഗുണ്ടാ തലവനായ കോടാലി ശ്രീധരന്റെ വിശ്വസ്ത കൂട്ടാളിയും നിരവധി കവർച്ചാ കേസുകളിൽ പ്രതിയുമാണ്. മലപ്പുറം ഡി.എ.എൻ.എസ്.എ.എഫ് അംഗങ്ങളായ എസ്.െഎ ഗിരീഷ് കുമാർ, ദിനേഷ്, മുഹമ്മദ് സലീം, ജസീർ, സഹേഷ്, ബുഷ്റ, ആരിഫ എന്നിവരടങ്ങിയ സംഘമാണ് അറസ്റ്റു ചെയ്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.