എ.ഡി.ജി.പിക്ക് മുഖ്യ കവചം

തി​രു​വ​ന​ന്ത​പു​രം: എ.​ഡി.​ജി.​പി- ആ​ർ.​എ​സ്.​എ​സ്​ കൂ​ടി​ക്കാ​ഴ്ചാ​വി​വാ​ദ​ത്തി​ൽ ഘ​ട​ക​ക​ക്ഷി​ക​ൾ ക​ടു​ത്ത വി​യോ​ജി​പ്പ്​​ തു​റ​ന്നു​പ​റ​ഞ്ഞി​ട്ടും എ​ൽ.​ഡി.​എ​ഫ്​ യോ​ഗ​ത്തി​ൽ എം.​ആ​ർ. അ​ജി​ത്​​കു​മാ​റി​നാ​യി മു​ഖ്യ​മ​ന്ത്രി​യു​ടെ ര​ക്ഷാ​ദൗ​ത്യം. ക്ര​മ​സ​മാ​ധ​ന ചു​മ​ത​ല​യി​ൽ അ​ജി​ത്​​കു​മാ​ർ തു​ട​രു​ന്ന​ത്​ മു​ന്ന​ണി​യു​ടെ​യും സ​ർ​ക്കാ​റി​ന്‍റെ​യും പ്ര​തി​ച്ഛാ​യ​യെ ബാ​ധി​ക്കു​മെ​ന്ന്​ ആ​ർ.​ജെ.​ഡി​യും സി.​പി.​ഐ​യും അ​ട​ക്കം ചൂ​ണ്ടി​ക്കാ​ട്ടി​യി​ട്ടും ഡി.​ജി.​പി​യു​ടെ നേ​തൃ​ത്വ​ത്തി​ലു​ള്ള അ​ന്വേ​ഷ​ണ​ത്തി​ൽ കൂ​ടി​ക്കാ​ഴ്ച വി​ഷ​യ​വും ഉ​ൾ​പ്പെ​ടു​ത്താ​മെ​ന്നും റി​പ്പോ​ർ​ട്ട്​ വ​ന്ന ശേ​ഷം തീ​രു​മാ​നി​ക്കാ​മെ​ന്നു​മു​ള്ള നി​ല​പാ​ടി​ൽ മു​ഖ്യ​മ​ന്ത്രി ഉ​റ​ച്ചു​നി​ന്നു. ഇ​തോ​ടെ ‘അ​ജി​ത്​​കു​മാ​റി​നെ കൈ​വി​ടാ​ൻ ത​യാ​റ​ല്ല’ എ​ന്ന മു​ഖ്യ​മ​ന്ത്രി​യു​ടെ വ​ഴി​യി​ലേ​ക്ക്​ മു​ന്ന​ണി​യു​ടെ തീ​രു​മാ​ന​വും ചെ​ന്നെ​ത്തു​ക​യാ​യി​രു​ന്നു.

ടി.​പി. രാ​മ​കൃ​ഷ്ണ​ൻ മു​ന്ന​ണി ക​ൺ​വീ​ന​റാ​യ ശേ​ഷ​മു​ള്ള ആ​ദ്യ മു​ന്ന​ണി​യോ​ഗ​മാ​ണ്​ ബു​ധ​നാ​ഴ്ച ചേ​ർ​ന്ന​ത്. എ.​ഡി.​ജി.​പി-​ആ​ർ.​എ​സ്.​എ​സ് വി​ഷ​യം യോ​ഗ​ത്തി​​ന്‍റെ അ​ജ​ണ്ട​യി​ൽ ഉ​ൾ​പ്പെ​ട്ടി​രു​ന്നി​ല്ല. ആ​ർ.​ജെ.​ഡി​യാ​ണ്​ ഇ​ക്കാ​ര്യം യോ​ഗ​ത്തി​ൽ ആ​ദ്യം ഉ​ന്ന​യി​ച്ച​ത്. ഭ​ര​ണ​മു​ന്ന​ണി​യു​ടെ ഏ​കോ​പ​ന സ​മി​തി​യാ​ണ്​ ഇ​ട​തു​മു​ന്ന​ണി സം​വി​ധാ​ന​മെ​ന്നും സ്വ​ഭാ​വി​ക​മാ​യും ഭ​ര​ണ​മു​ന്ന​ണി​യെ ബാ​ധി​ക്കു​ന്ന ഏ​റ്റ​വും വ​ലി​യ രാ​ഷ്ട്രീ​യ പ്ര​ശ്ന​മെ​ന്ന നി​ല​യി​ൽ വി​ഷ​യം ച​ർ​ച്ച ചെ​യ്യ​ണ​മെ​ന്നു​മാ​യി​രു​ന്നു ആ​ർ.​ജെ.​ഡി പ്ര​തി​നി​ധി വ​ർ​ഗീ​സ്​ ജോ​ർ​ജി​ന്‍റെ നി​ല​പാ​ട്. ഇ​തോ​ടെയാണ് വി​വാ​ദം ച​ർ​ച്ച ​ചെ​യ്യാ​ൻ യോ​ഗം ത​യാ​റാ​യ​ത്. ക്ര​മ​സ​മാ​ധാ​ന ചു​മ​ത​ല​യു​ള്ള എ.​ഡി.​ജി.​പി​യു​ടെ ചു​മ​ത​ല​യി​ൽ അ​ജി​ത്​​കു​മാ​ർ തു​ട​രു​ന്ന​തി​ന്‍റെ അ​നൗ​ചി​ത്യം ഘ​ട​ക​ക​ക്ഷി​ക​ൾ ഒ​രോ​രു​ത്ത​രും അ​ക്ക​മി​ട്ടു നിരത്തി. ‘കോ​ൺ​ഗ്ര​സും പ്ര​തി​പ​ക്ഷ​വും മു​മ്പ്​​​ സ്വീ​ക​രി​ച്ച മൃ​ദു​ഹി​ന്ദു​ത്വ സ​മീ​പ​ന​ങ്ങ​ൾ ഉ​യ​ർ​ത്തി നി​ല​വി​ലെ പ്ര​തി​സ​ന്ധി​യെ പ്ര​തി​രോ​ധി​ക്കാ​നാ​വി​ല്ല. ഇ​ട​തു സ​ർ​ക്കാ​ർ ഭ​രി​ക്കു​​മ്പോ​ൾ സു​പ്ര​ധാ​ന ചു​മ​ത​ല​യു​ള്ള ഉ​ദ്യോ​ഗ​സ്ഥ​ൻ എ​ന്തി​ന്​ ആ​ർ.​എ​സ്.​എ​സ്​ നേ​താ​ക്ക​ളെ ക​ണ്ടു​വെ​ന്ന്​ വി​ശ​ദീ​ക​രി​ക്കാ​ൻ മു​ന്ന​ണി ബാ​ധ്യ​സ്ഥ​മാ​ണ്. നി​ല​വി​ൽ ചു​മ​ത​ല​യി​ൽ​നി​ന്ന്​ ഒ​ഴി​വാ​ക്കു​ക​യെ​ങ്കി​ലും ചെ​യ്​​തെ​ങ്കി​ലേ രാ​ഷ്ട്രീ​യ പ്ര​തി​സ​ന്ധി​യി​ൽ​നി​ന്ന്​ ത​ല​യൂ​രാ​നാ​കൂ​വെ​ന്ന​താ​യി​രു​ന്നു ഘ​ട​ക​ക​ക്ഷി​ക​ളു​ടെ നി​ല​പാ​ട്.

എ​ന്നാ​ൽ, ച​ർ​ച്ച​ക്ക്​ മ​റു​പ​ടി പ​റ​യ​വേ​യാ​ണ്​ അ​ധ്യ​ക്ഷ​നാ​യ മു​ഖ്യ​മ​ന്ത്രി, ഡി.​ജി.​പി​യു​ടെ ​അ​ന്വേ​ഷ​ണ പ​രി​ധി ആ​ർ.​എ​സ്.​എ​സ്​ കൂ​ടി​ക്കാ​ഴ്ച​യും ഉ​​ൾ​പ്പെ​ടു​ത്തു​മെ​ന്നും റി​പ്പോ​ർ​ട്ടി​ന്​ ശേ​ഷം തീ​രു​മാ​ന​മെ​ന്നു​മു​ള്ള നി​ല​പാ​ട്​ വി​ശ​ദീ​ക​രി​ച്ച​ത്. പി​ന്നീ​ട്​ യോ​ഗ​ത്തി​ൽ മ​റു​വാ​ദ​ങ്ങ​ളു​മു​ണ്ടാ​യി​ല്ല. അ​തേ​സ​മ​യം, മു​ന്ന​ണി​യോ​ഗ​ത്തി​ന്​ ശേ​ഷം വി​ഷ​യം രാ​ഷ്​​ട്രീ​യ പ്ര​ശ്ന​മാ​ണ്, രാ​ഷ്​​ട്രീ​യ​മാ​ണ്​ കൈ​കാ​ര്യം ചെ​യ്യേ​ണ്ട​ത്​ എ​ന്ന വ​ർ​ഗീ​സ്​ ജോ​ർ​ജി​ന്‍റെ പ​ര​സ്യ​പ്ര​തി​ക​ര​ണം മു​ന്ന​ണി തീ​രു​മാ​ന​ത്തി​ൽ അ​തൃ​പ്തി പ്ര​തി​ഫ​ലി​ക്കു​ന്ന​താ​യി. ഇ​തോ​ടൊ​പ്പം ആ​ർ.​എ​സ്.​എ​സ്​ -എ.​ഡി.​ജി.​പി കൂ​ടി​ക്കാ​ഴ്​​ച​യി​ലെ രാ​ഷ്ട്രീ​യ ശ​രി ഷെ​യ്​​ഖ്​​ ദ​ർ​വേ​ശ്​​ സാ​ഹി​ബ്​ എ​ന്ന ഐ.​പി.​എ​സു​കാ​ര​നാ​ണോ സി.​പി.​എ​മ്മി​ന്​ ക​ണ്ടെ​ത്തി ന​ൽ​കേ​ണ്ട​തെ​ന്ന ചോ​ദ്യ​വും ഉ​യ​രു​ക​യാ​ണ്.

ബി.​​​ജെ.​പി ​നേ​താ​വ്​ പ്ര​കാ​ശ്​ ജാ​വ്​​ദേ​ക്ക​റു​മാ​യി ന​ട​ത്തി​യ കൂ​ടി​ക്കാ​ഴ്ച​യു​ടെ പേ​രി​ലാ​ണ്​ ഇ.​പി. ജ​യ​രാ​ജ​നെ മു​ന്ന​ണി ക​ൺ​വീ​ന​റു​ടെ സ്ഥാ​ന​ത്തു​നി​ന്ന്​ നീ​ക്കി​യ​ത്. സം​സ്ഥാ​ന സെ​ക്ര​ട്ട​റി എം.​വി. ഗോ​വി​ന്ദ​ൻ വാ​ർ​ത്ത​സ​മ്മേ​ള​ന​ത്തി​ൽ ഇ​ക്കാ​ര്യം സ്ഥി​രീ​ക​രി​ക്കു​ക​യും ചെ​യ്​​തി​രു​ന്നു. എ​ന്നാ​ൽ, ആ​ർ.​എ​സ്.​എ​സ്​ നേ​താ​വു​മാ​യി കൂ​ടി​ക്കാ​ഴ്​​ച ന​ട​ത്തി​യ അ​ജി​ത്​ കു​മാ​റി​നെ സം​ര​ക്ഷി​ക്കേ​ണ്ടി വ​ന്ന സാ​ഹ​ച​ര്യ​ത്തി​ൽ ഇ.​പി​യു​ടെ ന​ട​പ​ടി​ക്കാ​ര്യ​ത്തി​ൽ പാ​ർ​ട്ടി മ​ല​ക്കം​മ​റി​യു​കയാ​ണ്. ഇ.​പി. ജ​യ​രാ​ജ​നെ നീ​ക്കി​യ​ത്​ പ്ര​കാ​ശ്​ ജാ​വ്​​ദേ​ക്ക​റു​മാ​യു​ള്ള കൂ​ടി​ക്കാ​ഴ്ച​യു​ടെ പേ​രി​ല​ല്ലെ​ന്നും അ​തു തി​ക​ച്ചും സം​ഘ​ട​ന​പ​ര​മാ​യ തീ​രു​മാ​ന​മാ​ണെ​ന്നു​മാ​ണ്​ മു​ന്ന​ണി ക​ൺ​വീ​ന​ർ ടി.​പി. രാ​മ​കൃ​ഷ്ണ​​ന്‍റെ വി​ശ​ദീ​ക​ര​ണം.