ആലപ്പുഴ: സ്കൂട്ടറിന് പിന്നിൽ കാറിടിച്ച് ആലപ്പുഴ ഡി.സി.സി സെക്രട്ടറി ചിങ്ങോലി ആരതിയിൽ ശ്രീദേവി രാജൻ (58) മരിച്ചു. മുൻ ജില്ല പഞ്ചായത്ത് അംഗമായിരുന്നു.
ശനിയാഴ്ച രാവിലെ 8.30ന് ദേശീയപാതയിൽ കാഞ്ഞൂർ ക്ഷേത്രത്തിനുസമീപമാണ് അപകടം. ക്ഷേത്രദർശനം കഴിഞ്ഞ് സ്കൂട്ടറിൽ വീട്ടിലേക്ക് മടങ്ങുമ്പോൾ പിന്നിൽനിന്നെത്തിയ കാർ ഇടിക്കുകയായിരുന്നു. കാളീക്കാവിള സ്വദേശികൾ സഞ്ചരിച്ച കാറാണ് ഇടിച്ചത്. മൃതദേഹം ഹരിപ്പാട് താലൂക്ക് ആശുപത്രി മോർച്ചറിയിൽ.
എൻ.എസ്.എസ് കാർത്തികപ്പള്ളി താലൂക്ക് വനിത യൂനിയൻ മുൻ അധ്യക്ഷയായും ഐ.എൻ.ടി.യു.സി മുൻ ജില്ല ജനറൽ സെക്രട്ടറിയായും പ്രവർത്തിച്ചിരുന്നു. നിലവിൽ ദേവസ്വം എംപ്ലോയീസ് ഫ്രണ്ട് ജില്ല അധ്യക്ഷയാണ്. ഭർത്താവ്: രാജൻ. മക്കൾ: അര്‍ജുന്‍, ആരതി. സംസ്‌കാരം പിന്നീട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.