കൊടുങ്ങല്ലൂര്‍: ആവശ്യപ്പെട്ടതില്‍ കൂടുതല്‍ മുടി മുറിച്ചെന്നാരോപിച്ച് ബ്യൂട്ടി പാര്‍ലറിനെതിരെ യുവതി കൊടുങ്ങല്ലൂര്‍ സി.ഐക്ക് പരാതി നല്‍കി. ചേന്ദമംഗലം കിഴക്കുംപുറം സ്വദേശിനിയാണ് കൊടുങ്ങല്ലൂര്‍ പടിഞ്ഞാറെ നടയിലെ ബ്യൂട്ടിപാര്‍ലറിനെതിരെ പരാതി നല്‍കിയത്.
മുടിയുടെ തുമ്പ് മുറിക്കുന്നതിന് പകരം തോള്‍വരെ മുറിച്ചെന്നാണ് ആരോപണം. പരാതി പറഞ്ഞപ്പോള്‍ ജീവനക്കാരന്‍ ഭീഷണിപ്പെടുത്തി ശരീരത്തില്‍ പിടിച്ച് ഇരുത്തി മുടി ഒപ്പമാക്കാന്‍ ശ്രമിച്ചു. എന്നിട്ടും കൃത്യമായില്ല.
ഇനിയും ശരിയാക്കാന്‍ ശ്രമിച്ചാല്‍ മുടി കുറഞ്ഞ് പോകുമോ എന്ന ഭയത്താല്‍ അവിടെനിന്ന് പോന്നെന്നും പരാതിയില്‍ പറയുന്നു. സംഭവം മൂലം മാനസികവും ശാരീരികവുമായ ബുദ്ധിമുട്ട് ഉണ്ടായെന്നും ഇനി ഒരുസ്ത്രീക്കും ഇങ്ങനെയൊരു അനുഭവം ഉണ്ടാകരുതെന്നും പരാതിയില്‍ പറയുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.