കൽപറ്റ: ബി.ജെ.പി കേന്ദ്ര നേതൃത്വം പ്രഖ്യാപിച്ച സ്ഥാനാർത്ഥിത്വത്തിൽ നിന്ന് പിൻവാങ്ങുന്നതായി മാനന്തവാടി നിയോജക മണ്ഡലം സ്ഥാനാർഥി സി. മണികണ്ഠൻ. ആദിവാസി-പണിയ വിഭാഗത്തിൽ നിന്നും ഒരാളെ സ്ഥാനാർഥിയായി തെരഞ്ഞെടുത്തത് വയനാട് സ്വദേശി എന്ന നിലയിൽ അഭിമാനിക്കാവുന്ന നേട്ടമാണ്. എന്നാൽ ജോലിയും കുടുംബവുമായി മുന്നോട്ട് പോകാനാണ് ആഗ്രഹിക്കുന്നതെന്നും അദ്ദേഹം പറഞ്ഞു.
തെരഞ്ഞെടുപ്പ് മേഖലയിലേക്ക് പോകാൻ താൽപര്യപ്പെടുന്നില്ല. അതിനാൽ ഈ സ്ഥാനാർഥിത്വം സന്തോഷപൂർവം നിരസിക്കുന്നു. ഞാൻ കാരണം മനോവിഷമം ഉണ്ടാക്കിയെങ്കിൽ ജില്ലാ, സംസ്ഥാന, കേന്ദ്ര നേതൃത്വത്തോട് ക്ഷമ ചോദിക്കുന്നു -മണികണ്ഠൻ വിഡിയോ സന്ദേശത്തിലൂടെ പറഞ്ഞു.
എം.ബി.എ ബിരുദധാരിയായ മണികണ്ഠന്‍ പൂക്കോട് കേരള വെറ്ററിനറി ആന്‍റ് ആനിമല്‍സ് സയന്‍സ് യൂണിവേഴ്സിറ്റിയില്‍ വൈല്‍ഡ് ലൈഫ് ഡിപ്പാര്‍ട്ട്മെന്‍റില്‍ ഗോത്രമിഷന്‍റെ ടീച്ചിങ്ങ് അസിസ്റ്റന്‍റായാണ് ജോലി ചെയ്യുന്നത്. പണിയ സമുദായത്തിലെ ആദ്യ എം.ബി.എക്കാരനുമാണ് മണികണ്ഠന്‍.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.