ക്രൈസ്തവ വോട്ട്; ആശങ്കയിൽ എൽ.ഡി.എഫ്​, ആശ വെടിഞ്ഞ്​ ബി.ജെ.പി

കൊ​ച്ചി: ക്രൈ​സ്ത​വ വോ​ട്ടു​ക​ളി​ൽ ക​ട​ന്നു​ക​യ​റാ​ൻ പാ​ർ​ട്ടി​ക​ളും മു​ന്ന​ണി​ക​ളും എ​ടു​ത്തു പ്ര​യോ​ഗി​ച്ച​ അ​ട​വു​ക​ളെ​ല്ലാം മ​ണി​പ്പൂ​രി​ൽ ത​ളം​കെ​ട്ടി. മ​ണി​പ്പൂ​ർ ക​ലാ​പ​ത്തി​ന്‍റെ അ​ല​ക​ൾ രാ​ജ്യ​ത്താ​കെ ക്രൈ​സ്ത​വ വോ​ട്ടു​ക​ളെ സ്വാ​ധീ​നി​ക്കു​ന്ന വി​ഷ​യ​മാ​യി മാ​റി​ക്ക​ഴി​ഞ്ഞെ​ന്ന്​ മു​മ്പെ​ങ്ങു​മി​ല്ലാ​ത്ത രാ​ഷ്ട്രീ​യം തു​റ​ന്നു​പ​റ​ഞ്ഞ്​​ ക​ത്തോ​ലി​ക്ക സ​ഭ​യും നി​ല​പാ​ട്​ വ്യ​ക്ത​മാ​ക്കി​യി​ട്ടു​ണ്ട്. ക്രൈ​സ്ത​വ​ർ നേ​രി​ടു​ന്ന പീ​ഡ​ന​ത്തി​ന് കൈ​യും ക​ണ​ക്കു​മി​ല്ലെ​ന്നും​ മ​ണി​പ്പൂ​രി​ൽ മാ​ത്ര​മ​ല്ല ഛത്തി​സ്ഗ​ഢി​ലും യു.​പി​യി​ലും അ​സ​മി​ലും​വ​രെ ക്രൈ​സ്ത​വ​ർ ഭീ​തി​യി​ലാ​​ണെ​ന്നു​മു​ള്ള അ​വ​ബോ​ധം വ​ള​ർ​ത്തി​യാ​ണ്​​ സം​ഘ്​ മ​നോ​ഭാ​വ​ത്തി​ലേ​ക്ക്​ വ​ഴു​തു​ന്ന ചി​ന്ത​ക​ളി​ൽ​നി​ന്ന്​ വി​ശ്വാ​സി​ക​ളെ ക​ത്തോ​ലി​ക്ക​സ​ഭ പി​ന്തി​രി​പ്പി​ച്ച്​ നി​ർ​ത്തി​യി​ട്ടു​ള്ള​ത്. ക​ത്തോ​ലി​ക്ക സ​ഭ​യും ബി.​ജെ.​പി​യും ത​മ്മി​ൽ രൂ​പ​പ്പെ​ട്ടു​വ​ന്ന അ​ടു​പ്പം ത​ക​ർ​ന്ന​താ​ണ്​​ മ​ണി​പ്പൂ​രി​ന്‍റെ അ​ന​ന്ത​ര​ഫ​ലം.

സം​ഘ്​ പ​രി​വാ​ർ അ​നു​കൂ​ല കാ​സ അ​ട​ക്കം തീ​വ്ര ക്രൈ​സ്ത​വ സം​ഘ​ട​ന​ക​ളും ഗ്രൂ​പ്പു​ക​ളും കി​ണ​ഞ്ഞു​പ​രി​​ശ്ര​മി​ച്ചി​ട്ടും​ മ​ണി​പ്പൂ​രി​നു​ശേ​ഷം ക്രൈ​സ്ത​വ​രെ ബി.​ജെ.​പി​യോ​ട്​ ചേ​ർ​ത്തു​നി​ർ​ത്തു​ന്ന​തി​ൽ പ​രാ​ജ​യ​പ്പെ​ടു​ക​യാ​യി​രു​ന്നു. എ​ന്നാ​ൽ, മ​ണി​പ്പൂ​ർ ക്രൂ​ര​ത ചൂ​ണ്ടി ഫ​ലം കൊ​യ്യാ​ൻ കോ​പ്പു​കൂ​ട്ടി​യ എ​ൽ.​ഡി.​എ​ഫും യു.​ഡി.​എ​ഫും ക്രൈ​സ്ത​വ വോ​ട്ടു​ക​ളി​ൽ​നി​ന്ന്​ ക​ണ്ണെ​ടു​ത്തി​ട്ടി​ല്ല. ​ക്രൈ​സ്ത​വ സ​ഭ​ക​ൾ മു​ന്നോ​ട്ടു​വെ​ച്ച വി​ഷ​യ​ങ്ങ​ളി​ൽ തൃ​പ്തി​ക​ര​മ​ല്ലാ​ത്ത സം​സ്ഥാ​ന സ​ർ​ക്കാ​ർ നി​ല​പാ​ട്​ എ​ൽ.​ഡി.​എ​ഫി​നും തി​രി​ച്ച​ടി​യാ​ണ്​. ഇ​തോ​ടെ അ​​ത്ര​ക്ക്​ വി​യ​ർ​പ്പൊ​ഴു​ക്കാ​ത്ത യു.​ഡി.​എ​ഫി​ന്​ കൈ​ന​ന​യാ​തെ മീ​ൻ പി​ടി​ക്കു​ന്ന​തി​നു​ള്ള അ​വ​സ​ര​മൊ​രു​ങ്ങു​മെ​ന്നാ​ണ്​ വി​ല​യി​രു​ത്ത​ൽ. മു​സ്​​ലിം വി​രോ​ധം മു​ഴ​പ്പി​ച്ച്​ വോ​ട്ടി​ൽ വി​ള്ള​ൽ വീ​ഴ്ത്താ​ൻ ചി​ല തീ​വ്ര​ചി​ന്താ​ഗ​തി​ക്കാ​ർ വി​ശ്വാ​സി​ക​ൾ​ക്കി​ട​യി​ൽ പ്ര​വ​ർ​ത്തി​ച്ച​തി​ന്​ ത​ട​യി​ട്ടാ​ണ്​ മ​ണി​പ്പൂ​ർ വി​കാ​രം വോ​ട്ടാ​ക​ണ​മെ​ന്ന നി​ല​പാ​ടി​ൽ​ സ​ഭാ​നേ​തൃ​ത്വം എ​ത്തി​യ​ത്. അ​തേ​സ​മ​യം തൃ​ശൂ​രും തി​രു​വ​ന​ന്ത​പു​ര​ത്തും വ്യ​ത്യ​സ്ത കാ​ര​ണ​ങ്ങ​ളാ​ൽ ബി.​ജെ.​പി സ്ഥാ​നാ​ർ​ഥി​ക​ൾ​ക്ക്​ കു​റ​ഞ്ഞ തോ​തി​ലെ​ങ്കി​ലും വോ​ട്ട്​ വീ​ഴു​മെ​ന്ന പ്ര​തീ​ക്ഷ സം​ഘ്​​പ​രി​വാ​ർ പു​ല​ർ​ത്തു​ന്നു​ണ്ട്. ലൂ​ർ​ദ് ക​ത്തീ​ഡ്ര​ൽ പ​ള്ളി​യി​ൽ മാ​താ​വി​ന്​ സു​രേ​ഷ് ​ഗോ​പി കി​രീ​ടം സ​മ്മാ​നി​ച്ച​തും രാ​ജീ​വ്​ ച​ന്ദ്ര​ശേ​ഖ​ർ തീ​ര​ദേ​ശ​ത്തെ ല​ത്തീ​ൻ വി​ഭാ​ഗ​ക്കാ​ർ​ക്ക്​ സ​ഹാ​യ​ക​ര​മാ​യ നി​ല​പാ​ടി​ലാ​യ​തു​മാ​ണ്​ പ്ര​തീ​ക്ഷാ ഘ​ട​ക​ങ്ങ​ൾ. അ​തേ​സ​മ​യം, പ്രാ​ദേ​ശി​ക​ത​ക്ക​പ്പു​റം ല​ത്തീ​ൻ സ​ഭ​യു​ടെ ‘സ​മ​ദൂ​​രം’ പൊ​തു​വി​ൽ ബി.​ജെ.​പി​ക്ക് അ​നു​കൂ​ല​മ​ല്ല.

ഭ​ര​ണ​ഘ​ട​ന സ്വാ​ത​ന്ത്ര്യ​ത്തെ​ക്കു​റി​ച്ച് ച​ർ​ച്ച​യു​യ​ർ​ത്തി​യും സ​ഭ ബി.​ജെ.​പി വി​രു​ദ്ധ കാ​മ്പ​യി​ൻ പ​രോ​ക്ഷ​മാ​യി ന​ട​ത്തി​യി​രു​ന്നു. മ​ത​രാ​ഷ്ട്ര സ്ഥാ​പ​നം അ​ധോ​ഗ​തി​യാ​ണ് കൊ​ണ്ടു​വ​രു​ക​യെ​ന്ന പ്ര​ചാ​ര​ണ​വും ബി.​ജെ.​പി​യെ ഉ​ന്ന​മി​ട്ടാ​യി​രു​ന്നു. റ​ബ​റി​ന്​ മ​തി​യാ​യ താ​ങ്ങു​വി​ല​യി​ല്ലെ​ന്ന വി​ഷ​യ​വും കേ​ന്ദ്ര സ​ർ​ക്കാ​റി​നെ​തി​രെ​യു​ണ്ട്​.​ ക്രൈ​സ്ത​വ​രു​ടെ സാ​മൂ​ഹി​ക പി​ന്നാ​ക്കാ​വ​സ്ഥ പ​ഠി​ക്കാ​ൻ ചു​മ​ത​ല​പ്പെ​ടു​ത്തി​യ ജ​സ്റ്റി​സ് ജെ.​ബി. കോ​ശി ക​മീ​ഷ​ൻ റി​പ്പോ​ർ​ട്ടി​ൽ തീ​രു​മാ​ന​മാ​കാ​ത്ത​തി​ലും വ​ന്യ​മൃ​ഗ ആ​ക്ര​മ​ണം പ്ര​തി​രോ​ധി​ക്കു​ന്ന​തി​ലെ വീ​ഴ്ച​യും സം​സ്ഥാ​ന സ​ർ​ക്കാ​റി​നെ​യും പ്ര​തി​ക്കൂ​ട്ടി​ലാ​ക്കു​ന്നു.

വി​ഴി​ഞ്ഞം തു​റ​മു​ഖം, തീ​ര​ദേ​ശ ഹൈ​വേ വി​ഷ​യ​ങ്ങ​ളാ​ണ്​ സ​ർ​ക്കാ​റി​നെ​തി​രാ​യ ല​ത്തീ​ൻ സ​ഭ​യു​ടെ മു​റു​മു​റു​പ്പ്. സ​ഭ ത​ർ​ക്ക​ത്തി​ന്​ പ​രി​ഹാ​ര​മാ​യി സ​ർ​ക്കാ​ർ മു​ന്നോ​ട്ടു​വെ​ച്ച ച​ർ​ച്ച്​ ബി​ൽ പാ​സാ​ക്കു​ന്ന​തി​ലെ കാ​ല​താ​മ​സ​ത്തി​ൽ യാ​ക്കോ​ബാ​യ സ​ഭ അ​തൃ​പ്തി​യി​ലാ​ണ്​. ഈ​ ​ബി​ൽ ന​ട​പ്പാ​ക്കു​ന്ന​തി​നു​ള്ള തീ​രു​മാ​ന​മാ​ണ്​ സ​ർ​ക്കാ​റി​നെ​തി​രെ​ ഓ​ർ​ത്ത​​ഡോ​ക്സ്​ സ​ഭ​യു​ടെ​ അ​മ​ർ​ഷം. യാ​ക്കോ​ബാ​യ, ഓ​ർ​ത്ത​​ഡോ​ക്സ്​ സ​ഭ​യു​ടെ വോ​ട്ടു​ക​ൾ എ​ൽ.​ഡി.​എ​ഫി​ന്​ ന​ഷ്ട​പ്പെ​ടു​ത്തു​ന്ന​തും​ ഈ ​വി​ഷ​യ​മാ​ണ്​. എ​ൽ.​ഡി.​എ​ഫി​നോ​ടു​ള്ള ഇ​ഷ്ട​ക്കേ​ടി​ൽ യാ​ക്കോ​ബാ​യ സ​ഭ വോ​ട്ടു​ക​ൾ ട്വ​ന്‍റി20 സ്ഥാ​നാ​ർ​ഥി​ക​ൾ​ക്ക​ട​ക്കം പോ​കാ​നാ​ണ്​ സാ​ധ്യ​ത. എ​ൽ.​ഡി.​എ​ഫി​ന്​ കി​ട്ടേ​ണ്ടി​യി​രു​ന്ന വോ​ട്ടു​ക​ളാ​ണി​ത്​ ഏ​റെ​യും. അ​തേ​സ​മ​യം യാ​ക്കോ​ബാ​യ വോ​ട്ടു​ക​ൾ ഏ​റ്റ​വും കൂ​ടു​ത​ലു​ള്ള ചാ​ല​ക്കു​ടി മ​ണ്ഡ​ല​ത്തി​ൽ സ​ഭ​യി​ൽ​നി​ന്നു​ള്ള വ്യ​ക്തി​യാ​ണ്​ യു.​ഡി.​എ​ഫ്​ സ്ഥാ​നാ​ർ​ഥി ബെ​ന്നി ബ​ഹ​​നാ​ൻ. ഓ​ർ​ത്ത​​​ഡോ​ക്സ്​ സ​ഭ വി​ശ്വാ​സി​ക​ളു​ടെ വോ​ട്ട്​ പ​ങ്ക്​ കൂ​ടു​ത​ൽ യു.​ഡി.​എ​ഫ്​ പ​ക്ഷ​ത്തേ​ക്കാ​കു​മെ​ന്ന്​ ഏ​താ​ണ്ട്​ ഉ​റ​പ്പി​ക്കാം. ചാ​ല​ക്കു​ടി​യി​ലെ ഇ​ട​തു സ്ഥാ​നാ​ർ​ഥി സി. ​ര​വീ​ന്ദ്ര​നാ​ഥ്​ ക​ത്തോ​ലി​ക്ക സ​ഭ​ക്ക്​ സ്വീ​കാ​ര്യ​ൻ എ​ന്ന നി​ല​യി​ൽ ​വോ​ട്ട്​ ​​ഷെ​യ​ർ അ​ദ്ദേ​ഹ​ത്തി​നും ല​ഭി​ക്കാ​ൻ ഇ​ട​യു​ണ്ട്.

പ​രി​ഹാ​ര​മി​ല്ലാ​തെ തു​ട​രു​ന്ന മ​ല​യോ​ര മേ​ഖ​ല​യി​ലെ ഭൂ​പ്ര​ശ്ന​ങ്ങ​ൾ സ​ഭ​ക​ൾ​ക്കാ​ക​മാ​ന​വും സം​സ്ഥാ​ന സ​ർ​ക്കാ​റി​നോ​ടു​ള്ള വി​രോ​ധം വ​ർ​ധി​പ്പി​ക്കു​ന്ന ഘ​ട​ക​മാ​ണ്. മാ​ർ​ത്തോ​മ സ​ഭ​യും സി.​എ​സ്.​ഐ സ​ഭ​യും തെ​ര​ഞ്ഞെ​ടു​പ്പി​ൽ പ​ര​സ്യ​നി​ല​പാ​ടി​ല​ല്ലെ​ങ്കി​ലും സം​ഘ്​​പ​രി​വാ​ർ അ​നു​കൂ​ല​സാ​ധ്യ​ത ത​ള്ളു​ക​യാ​ണ്.