തിരുവനന്തപുരം: ഇന്ധന വിലവർധനവിന്‍റെ പശ്ചാത്തലത്തിൽ പ്രധാനമന്ത്രി നരേന്ദ്രമോദിയെ പരിഹസിക്കുന്ന കാർട്ടൂൺ പങ്കുവെച്ച നടൻ മുരളി ഗോപിക്ക്‌ സംഘപരിവാർ വക തെറിയഭിഷേകം. കാർട്ടൂണിസ്‌റ്റ്‌ ദിനേശ്‌ കുക്കുജഡ്‌ക വരച്ച കാർട്ടൂണാണ് മുരളി ഫേസ്ബുക്കിൽ പങ്കുവെച്ചത്. ബൈക്ക്‌ തലകീഴായി വച്ച്‌ ചക്രങ്ങൾ ചർക്കയാക്കി കറക്കുന്ന മോദിയും അത്‌ കണ്ട്‌ കണ്ണ്‌ തള്ളിയ ഗാന്ധിയുമാണ് കാർട്ടൂണിന്‍റെ ഇതിവൃത്തം.
3,000 ഓളം പേർ ഇതിനകം ഷെയർ ചെയ്ത പോസ്റ്റിന് കീഴെ 2500 ലേറെ പേരാണ് കമന്‍റുമായി എത്തിയിരിക്കുന്നത്. ഇതിൽ രൂക്ഷമായ ഭാഷയിൽ നടനെ തെറിവിളിക്കുന്നുണ്ട്. നടന്‍റെ പിതാവിനെ അടക്കം അധിക്ഷേപിക്കുന്ന കമന്‍റുകളും നിരവധി. താരം താലിബാനിയാണെന്നും സിനിമ വിജയിപ്പിക്കില്ലെന്നുമടക്കമുള്ള ഭീഷണിയുമുണ്ട്‌. പോസ്റ്റിന് പിന്തുണയറിയിച്ചും ഒട്ടേറെ പേർ രംഗത്തെത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.