തൊടുപുഴ: ഷൂട്ടിങ് ലൊക്കേഷനിൽ നടൻ ജയസൂര്യ നടിയെ അപമാനിച്ചെന്ന പരാതിയിൽ തൊടുപുഴ പൊലീസ് കേസെടുത്ത് എഫ്.ഐ.ആർ രജിസ്റ്റർ ചെയ്തു. തിരുവനന്തപുരം കരമന പൊലീസ് സ്റ്റേഷനിൽ രജിസ്റ്റർ ചെയ്ത എഫ്.ഐ.ആർ തൊടുപുഴ പൊലീസിന് കൈമാറിയതോടെയാണ് നടപടി.
നടിയുടെ മൊഴി പകർപ്പും തൊടുപുഴ പൊലീസിന് ലഭിച്ചിട്ടുണ്ട്. 2013ൽ തൊടുപുഴയിൽ ജയസൂര്യ നായകനായ ‘പിഗ്മാൻ’ എന്ന സിനിമ ചിത്രീകരിച്ചിരുന്നു. ആ ഷൂട്ടിങ് സെറ്റിൽവെച്ച് ജയസൂര്യ കടന്നുപിടിച്ചെന്നാണ് നടി അന്വേഷണ ചുമതലയുള്ള ഐ.ജി ജി.പൂങ്കുഴലിക്ക് മൊഴി നൽകിയത്. ഇതിന്റെ അടിസ്ഥാനത്തിലാണ് കരമന പൊലീസ് കേസെടുത്തത്.
കേസ് കൈമാറിയ സാഹചര്യത്തിൽ നടിയുടെ വിശദ മൊഴിയെടുക്കുമെന്ന് പൊലീസ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.