പരാതിക്കാരി രമ്യ ബാലൻ
തിരുവല്ല: തിരുവല്ല സി.പി.എം ഏരിയ കമ്മിറ്റി ഓഫിസ് സെക്രട്ടറിക്ക് നേരെ ജാതി അധിക്ഷേപം. ഓഫിസ് സെക്രട്ടറിയും ബാലസംഘം സംസ്‌ഥാന കമ്മിറ്റി അംഗവുമായ രമ്യ ബാലനെ അധിക്ഷേപിച്ചെന്നാണ് പരാതി.
അഖിലേന്ത്യ ജനാധിപത്യ മഹിള അസോസിയേഷൻ ഏരിയ പ്രസിഡന്‍റ് ഹൈമ സി. പിള്ളക്കെതിരെ പാർട്ടി സെക്രട്ടറി ബിനിൽ കുമാറിന് പരാതി എഴുതി നൽകിയെന്ന് രമ്യ ബാലൻ പറയുന്നു. പത്തനംതിട്ട ജില്ല സെക്രട്ടറി രാജു എബ്രഹാമിനെ ഫോണിൽ വിളിച്ച് പരാതി പറഞ്ഞതായും യുവതി വ്യക്തമാക്കുന്നു.
എന്നാൽ, പാർട്ടി ഘടകത്തിൽ അടക്കം പരാതി നൽകി എഴ് ദിവസമായിട്ടും നടപടിയില്ല. പട്ടികജാതി ക്ഷേമ സമിതിയും പാർട്ടിക്ക് പരാതി നൽകിയിട്ടുണ്ട്. ഇന്ന് രാവിലെ നടക്കുന്ന ഏരിയ കമ്മിറ്റി യോഗത്തിൽ വിഷയം ചർച്ചയാവുമെന്നാണ് വിവരം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.