ആലപ്പുഴയിൽ സി.പി.എം നേതാക്കളുടെ പരസ്യ വിഴുപ്പലക്കൽ

ആ​ല​പ്പു​ഴ: തെ​ര​ഞ്ഞെ​ടു​പ്പ്​ തോ​ൽ​വി​ക്ക്​ പി​ന്നാ​ലെ പ​ര​സ്യ വി​ഴു​പ്പ​ല​ക്ക​ലു​മാ​യി ആ​ല​പ്പു​ഴ​യി​ലെ സി.​പി.​എം നേ​താ​ക്ക​ൾ. മു​ൻ മ​ന്ത്രി​യും മു​തി​ർ​ന്ന സി.​പി.​എം നേ​താ​വു​മാ​യ ജി. ​സു​ധാ​ക​ര​നും അ​മ്പ​ല​പ്പു​ഴ എം.​എ​ൽ.​എ എ​ച്ച്.​ സ​ലാ​മും ത​മ്മി​ലാ​ണ്​ വാ​ക്​​പോ​ര്.

സി.​​ഐ.​ടി.​യു നേ​താ​വും കോ​ഴി​ക്കോ​ട്​ മ​ണ്ഡ​ലം എ​ൽ.​ഡി.​എ​ഫ്​ സ്ഥാ​നാ​ർ​ഥി​യു​മാ​യി​രു​ന്ന എ​ള​മ​രം ക​രീ​മി​നെ​തി​രെ ഒ​രു ചാ​ന​ലി​ലാ​ണ്​ ജി. ​സു​ധാ​ക​ര​ൻ വി​മ​ർ​ശ​നമു​ന്ന​യി​ച്ച​ത്. സ്വ​ന്തം നാ​ട്ടി​ല്‍ ഒ​ന്ന​ര ല​ക്ഷം വോ​ട്ടി​ന് തോ​റ്റ വ്യ​ക്തി​യാ​ണ് ക​രീം എ​ന്നും ഇ​തി​ല്‍ അ​ന്വേ​ഷ​ണം വേ​ണ്ടേ എ​ന്നു​മാ​യി​രു​ന്നു സു​ധാ​ക​ര​ന്‍റെ ചോ​ദ്യം. 2021ല്‍ ​അ​മ്പ​ല​പ്പു​ഴ​യി​ല്‍ 11,000ല്‍പ​രം വോ​ട്ടി​ന് പാ​ര്‍ട്ടി​യി​ലെ എ​ച്ച്. സ​ലാം വി​ജ​യി​ച്ച​പ്പോ​ള്‍ വോ​ട്ട്​ ചോ​ർ​ച്ച ആ​രോ​പ​ണ​ത്തി​ന്മേ​ൽ സു​ധാ​ക​ര​നെ​തി​രെ അ​ന്വേ​ഷ​ണം ന​ട​ത്തി​യി​രു​ന്നു. അ​ന്ന​ത്തെ ക​മീ​ഷ​നി​ലെ അം​ഗ​മാ​യി​രു​ന്നു ക​രീം. പാ​ർ​ട്ടി സ്ഥാ​നാ​ർ​ഥി ജ​യി​ച്ച അ​മ്പ​ല​പ്പു​ഴ​യി​ല്‍ അ​ന്വേ​ഷ​ണം ന​ട​ത്തി​യ ആ​ൾ സ്വ​ന്തം നാ​ട്ടി​ല്‍ ഒ​ന്ന​ര​ല​ക്ഷം വോ​ട്ടി​ന് തോ​റ്റു​വെ​ന്നും സു​ധാ​ക​ര​ന്‍ പ​രി​ഹ​സി​ച്ചു.

ആ​ല​പ്പു​ഴ​യു​ടെ ഭൂ​മി​ശാ​സ്ത്രം അ​റി​യാ​ത്ത ആ​ളാ​ണ് അ​ന്വേ​ഷി​ക്കാ​ന്‍ വ​ന്ന​ത്. തെ​ളി​വ് കൊ​ടു​ക്കാ​ന്‍ പോ​യ എ​ട്ട് നേ​താ​ക്ക​ളെ ഭീ​ഷ​ണി​പ്പെ​ടു​ത്തി. തെ​റ്റ് ജി. ​സു​ധാ​ക​ര​ന്‍റെ ഭാ​ഗ​ത്ത​ല്ലെ​ന്ന്​ മൊ​ഴി ന​ല്‍കി​യ​വ​രെ​യാ​ണ് ഭീ​ഷ​ണി​പ്പെ​ടു​ത്താ​ന്‍ ക​രീം മു​തി​ര്‍ന്ന​തെ​ന്നും അ​ദ്ദേ​ഹം ആ​രോ​പി​ച്ചു. പൊ​ളി​റ്റി​ക്ക​ൽ ക്രി​മി​ന​ലി​സം എ​ന്ന പ്ര​യോ​ഗ​വും സു​ധാ​ക​ര​ൻ ചാ​ന​ലി​ൽ ന​ട​ത്തി.

മു​ഖ്യ​മ​ന്ത്രി പി​ണ​റാ​യി വി​ജ​യ​നു​മാ​യി ത​നി​ക്ക് മാ​ന​സി​ക​മാ​യ അ​ടു​പ്പ​മി​ല്ല. അ​ന്നും ഇ​ന്നും വി.​എ​സ്. അ​ച്യു​താ​ന​ന്ദ​ന് അ​പ്പു​റം ഒ​രു നേ​താ​വ് ത​നി​ക്ക് ഇ​ല്ലെ​ന്നും സു​ധാ​ക​ര​ൻ പ​റ​ഞ്ഞു.

അ​തി​നി​ടെ, പാ​ർ​ട്ടി​ക്ക് ദോ​ഷ​മു​ണ്ടാ​ക്കു​ന്ന വ​ർ​ത്ത​മാ​നം പൊ​ളി​റ്റി​ക്ക​ൽ ക്രി​മി​ന​ലി​സ​മാ​ണെ​ന്ന്​ പ​റ​ഞ്ഞ്​​ ​ സു​ധാ​ക​ര​നെ​തി​രെ എ​ച്ച്. സ​ലാം രം​ഗ​ത്തു​വ​ന്നു. ആ​ല​പ്പു​ഴ ജി​ല്ല​യി​ൽ ക​മ്യൂ​ണി​സ്റ്റ് രാ​ഷ്ട്രീ​യ​ത്തി​ന് വ​ലി​യ ആ​ഘാ​ത​മു​ണ്ടാ​യ​ത് ​ഗൗ​രി​യ​മ്മ പാ​ർ​ട്ടി വി​ട്ട​പ്പോ​ഴാ​ണ്. അ​തി​നെ പാ​ർ​ട്ടി അ​തി​ജീ​വി​ച്ചു. ഗൗ​രി​യ​മ്മ പാ​ർ​ട്ടി വി​ട്ടു​പോ​കാ​നു​ള്ള മൂ​ല​കാ​ര​ണം ആ​രാ​ണെ​ന്ന് എ​ല്ലാ​വ​ർ​ക്കും അ​റി​യാം. അ​തി​ന്‍റെ അ​ടി​സ്ഥാ​നം തേ​ടി​പ്പോ​യാ​ൽ പ​ല​തും പ​റ​യേ​ണ്ടി​വ​രു​മെ​ന്നും സ​ലാം പ​റ​ഞ്ഞു.

ക​ഴി​ഞ്ഞ കു​റ​ച്ചു​കാ​ല​മാ​യി പാ​ർ​ട്ടി മെം​ബ​ർ​ഷി​പ്പു​ള്ള ഒ​രാ​ൾ പ​റ​യാ​ൻ പാ​ടി​ല്ലാ​ത്ത കാ​ര്യ​ങ്ങ​ൾ അ​ദ്ദേ​ഹം പ​ര​സ്യ​മാ​യി പ​റ​യു​ന്നു. സു​ധാ​ക​ര​നെ പ​രി​ഗ​ണി​ച്ച​പോ​ലെ ​ഗൗ​രി​യ​മ്മ​യെ​പ്പോ​ലും പാ​ർ​ട്ടി പ​രി​​ഗ​ണി​ച്ചി​ട്ടി​ല്ല. ഏ​ഴു​ത​വ​ണ അ​ദ്ദേ​ഹം നി​യ​മ​സ​ഭ​യി​ലേ​ക്ക് മ​ത്സ​രി​ച്ചു. മ​റ്റു​പാ​ർ​ട്ടി ചു​മ​ത​ല​ക​ളും നൽകി -സ​ലാം ചൂ​ണ്ടി​ക്കാ​ട്ടി.