എ​ന്‍റെ മോ​ളെ ക​ണ്ടോ...

'എ​ന്‍റെ മോ​ളെ ക​ണ്ടോ, എ​ന്നെ അ​ങ്ങോ​ട്ട് കൊ​ണ്ടു പോ​കു​മോ' മു​ന്നി​ൽ വ​ന്ന​വ​രോ​ടൊ​ക്കെ മൈ​മൂ​ന​ക്ക് ചോ​ദി​ക്കാ​നു​ള്ള​ത് ഒ​രു ചോ​ദ്യം മാ​ത്ര​മാ​യി​രു​ന്നു. ചൂ​ര​ൽ​മ​ല​യി​ലെ ദു​ര​ന്ത​മു​ഖ​ത്ത് നി​ന്ന് ര​ക്ഷ​പ്പെ​ട്ട് മേ​പ്പാ​ടി​യി​ലെ സ്വ​കാ​ര്യ ആ​ശു​പ​ത്രി​യി​ൽ എ​ത്തി​യ​താ​ണ​വ​ർ. കൂ​ടെ ര​ക്ഷ​പ്പെ​ട്ട മ​ക​ൾ സി​യാ​ന നൗ​റി​നൊ​പ്പം ശ​രീ​ര​ത്തി​നേ​റ്റ എ​ല്ലാ വേ​ദ​ന​ക​ളും മ​റ​ന്ന് ആ ​ഉ​മ്മ​യു​ടെ ക​ണ്ണു​ക​ൾ ത​ന്‍റെ ര​ണ്ടാ​മ​ത്തെ മ​ക​ൾ ഫാ​ത്തി​മ നൗ​റ​യെ തി​ര​യു​ക​യാ​ണ്.

രാ​ത്രി ഒ​രു മ​ണി​ക്ക് ശേ​ഷം എ​ന്താ​ണ് ന​ട​ന്ന​തെ​ന്ന് അ​വ​ർ​ക്ക് പ​റ​യാ​ൻ ക​ഴി​യു​ന്നി​ല്ല. വീ​ട് മു​ഴു​വ​ൻ ചളി​യും വെ​ള്ള​വും വ​ന്ന് നി​റ​ഞ്ഞ​ത് നി​മി​ഷ നേ​രം കൊ​ണ്ടാ​ണ്. നി​ല​വി​ളി​ക​ൾ​ക്ക് പോ​ലും ശ​ബ്ദ​മി​ല്ലാ​ത്ത ഇ​രു​ട്ടി​ൽ എ​ങ്ങ​നെ ര​ക്ഷ​പ്പെ​ടുമെന്ന് തി​ര​യു​ക​യാ​യി​രു​ന്നു മൈ​മൂ​ന​യും ഭ​ർ​ത്താ​വ് ഉ​ബൈ​ദും ര​ണ്ട് മ​ക്ക​ളും അ​ട​ങ്ങു​ന്ന കു​ടും​ബം. റൂ​മി​ൽ ക​ഴു​ത്തൊ​പ്പം വെ​ള്ളം നി​റ​ഞ്ഞ​തോ​ടെ സി​യാ​ന ഫാ​നി​ൽ തൂ​ങ്ങി നി​ന്നു.

വാ​തി​ൽ തു​റ​ന്ന​തോ​ടെ പു​റ​ത്തേ​ക്ക് ഒ​ലി​ച്ചു പോ​യ മൈ​മൂ​ന​ക്ക് മു​ക​ളി​ൽ നി​ന്നൊ​ഴു​കി​യെ​ത്തി​യ മ​ര​ത്ത​ടി​യി​ൽ പി​ടു​ത്തം കി​ട്ടി. പി​ന്നീ​ട് എ​ന്തു സം​ഭ​വി​ച്ചു എ​ങ്ങ​നെ ര​ക്ഷ​പ്പെ​ട്ടെന്ന് ഓ​ർ​ക്കാ​നോ പ​റ​യാ​നോ അ​വ​ർ​ക്ക് ക​ഴി​യു​ന്നി​ല്ല. ര​ണ്ടാ​മ​ത്തെ മ​ക​ളെ കാ​ണാ​നി​ല്ല. ഏ​തെ​ങ്കി​ലും ക്യാ​മ്പി​ലോ ര​ക്ഷ​പ്പെ​ട്ട​വ​രു​ടെ കൂ​ട്ട​ത്തി​ലോ അ​വ​ൾ ഉ​ണ്ടാ​കു​മെ​ന്ന പ്ര​തീ​ക്ഷ​യി​ലാ​ണ് മൈ​മൂ​ന.