മുൻ ചീഫ്​ സെ​ക്രട്ടറി അധിക വേതനം കൈപ്പറ്റിയെന്ന്​ കണ്ടെത്തൽ

തി​രു​വ​ന​ന്ത​പു​രം: മു​ൻ ചീ​ഫ് സെ​ക്ര​ട്ട​റി വി.​പി. ജോ​യ് വി​ര​മി​ച്ച ശേ​ഷം വ​ഹി​ക്കു​ന്ന പ​ദ​വി​യി​ൽ അ​ധി​ക വേ​ത​നം ന​ൽ​കി​യെ​ന്ന്​​ അ​ക്കൗ​ണ്ട​ന്‍റ്​​ ജ​ന​റ​ൽ. 2024 ജൂ​ൺ വ​രെ ഒ​രു വ​ർ​ഷ​ം 19.37 ല​ക്ഷം രൂ​പ അ​ധി​കം ന​ൽ​കി​യെ​ന്നും ഇ​ത്​ സ​ര്‍വി​സ് ച​ട്ട​ ലം​ഘ​ന​മാ​ണെ​ന്നു​മാ​ണ്​ പൊ​തു​ഭ​ര​ണ​വ​കു​പ്പി​ൽ അ​ക്കൗ​ണ്ട​ന്‍റ്​​​ ജ​ന​റ​ൽ ഓ​ഫി​സ്​ ന​ട​ത്തി​യ പ​രി​ശോ​ധ​ന​യി​ൽ ക​​ണ്ടത്.

കേ​ര​ള പ​ബ്ലി​ക് എ​ന്റ​ർ​പ്രൈ​സ​സ് റി​ക്രൂ​ട്ട്മെ​ന്റ് ബോ​ർ​ഡ് ചെ​യ​ർ​മാ​നാ​യ​പ്പോ​ൾ ത​ന്നെ ജോ​യി​ക്ക്​ പു​തി​യ പ​ദ​വി​യി​ൽ ഉ​യ​ർ​ന്ന ശ​മ്പ​ള​ത്തി​ന്​ ച​ട്ട​ത്തി​ൽ ഇ​ള​വ്​ ന​ൽ​കാ​ൻ സ​ർ​ക്കാ​ർ തീ​രു​മാ​നി​ച്ചി​രു​ന്നു. ഇ​താ​ണ്​ ക്ര​മ​വി​രു​ദ്ധ​മാ​യി ക​ണ്ടെ​ത്തി​യ​ത്. ചീ​ഫ്​ സെ​ക്ര​ട്ട​റി സ്ഥാ​ന​ത്തു​നി​ന്ന്​ 2023 ജൂ​ൺ 30നാ​ണ്​ വി.​പി. ​​ജോ​യ്​ വി​ര​മി​ച്ച​ത്. പു​ന​ർ​നി​യ​മ​നം ന​ൽ​കു​മ്പോ​ൾ പെ​ന്‍ഷ​നും പു​തി​യ ശ​മ്പ​ള​വും ചേ​ർ​ന്ന തു​ക സ​ർ​വി​സി​ൽ അ​വ​സാ​ന മാ​സം വാ​ങ്ങി​യ ശ​മ്പ​ള​ത്തെ​ക്കാ​ൾ കു​റ​വാ​ക​ണ​മെ​ന്നാ​ണ്​ ച​ട്ടം. വി.​പി. ജോ​യി​യു​ടെ കാ​ര്യ​ത്തി​ൽ ഇ​ത്​ പാ​ലി​ച്ചി​ല്ല.

പു​തി​യ പ​ദ​വി​യി​ൽ അ​ല​വ​ൻ​സു​ക​ൾ​ക്ക് പു​റ​മെ, 2.25 ല​ക്ഷം രൂ​പയാണ് അ​ടി​സ്ഥാ​ന ശ​മ്പ​ള​ം. പ്ര​തി​മാ​സം 1,12,500 രൂ​പ പെ​ൻ​ഷ​നും ല​ഭി​ക്കു​ന്നു. പു​ന​ർ​നി​യ​മ​നം ന​ൽ​കു​ന്ന​വ​ർ​ക്ക്​ ക്ഷാ​മാ​ശ്വാ​സ​ത്തി​ന്​ അ​ർ​ഹ​ത​യി​ല്ലെ​ന്നി​രി​ക്കെ, പ്ര​തി​മാ​സം 51,750 രൂ​പ വീ​തം ക്ഷാ​മാ​ശ്വാ​സം തു​ട​ക്ക​ത്തി​ലും 56,250 രൂ​പ വീ​തം പി​ന്നീ​ടും കൈ​പ്പ​റ്റി. ഇ​ത് പെ​ൻ​ഷ​നൊ​പ്പം വാ​ങ്ങു​ന്ന ക്ഷാ​മ​ബ​ത്ത​ക്ക് പു​റ​മെ​യാ​ണ്. ഇ​ങ്ങ​നെ 2023 ജൂ​ൺ മു​ത​ൽ 2024 ജൂ​ൺ വ​രെ 19. 37 ല​ക്ഷം രൂ​പ അ​ധി​ക ശ​മ്പ​ള​വും അ​നു​കൂ​ല്യ​വു​മാ​യി വാ​ങ്ങി​യെ​ന്നാ​ണ്​ ക​ണ്ടെ​ത്ത​ൽ. നി​യ​മാ​നു​സൃ​ത വേ​ത​നം മാ​ത്ര​മാ​ണ് വാ​ങ്ങു​ന്ന​തെ​ന്ന്​ വി.​പി. ജോ​യ് പ്ര​തി​ക​രി​ച്ചു. അ​ധി​ക വേ​ത​നം വാ​ങ്ങി​യെ​ങ്കി​ൽ തി​രി​ച്ചു​പി​ടി​ച്ചോ​ട്ടെ -അ​ദ്ദേ​ഹം പ​റ​ഞ്ഞു.