എടക്കര (മലപ്പുറം): എടക്കര മൂത്തേടത്ത് സി.പി.എം, കോൺഗ്രസ് പ്രവർത്തകർ തമ്മിലുണ്ടായ സംഘർഷത്തിൽ നാലുപേർക്ക് പരിക്കേറ്റു. പരിക്കേറ്റ ഡി.വൈ.എഫ്.ഐ മൂത്തേടം മേഖല സെക്രട്ടറി ക്രിസ്റ്റി ജോണിനെ എടക്കരയിലെ സ്വകാര്യ ആശുപത്രിയിലും കോൺഗ്രസ് പ്രവർത്തകരായ അജയ്, നൗഫൽ, നിഷാദ് എന്നിവരെ നിലമ്പൂർ ജില്ല ആശുപത്രിയിലും പ്രവേശിപ്പിച്ചു.
പ്രചാരണത്തിെൻറ സമാപനദിവസം കാരപ്പുറത്ത് ഇരുവിഭാഗവും തമ്മിൽ വാക്കേറ്റവും ഉന്തും തള്ളുമുണ്ടായിരുന്നു. ഇത് ഇരുപാർട്ടികളുടെയും നേതാകൾ ഇടപെട്ട് പ്രശ്നം തീർത്തിരുന്നു. എന്നാൽ, ഇതി‍െൻറ തുടർച്ചയായി മൂത്തേടം അങ്ങാടിയിൽ വ‍്യാഴാഴ്ച രാവിലെ പത്തരയോടെ സംഘർഷമുണ്ടാവുകയായിരുന്നു.
ബൈക്കിൽ വരുകയായിരുന്ന ക്രിസ്റ്റിയെ കോൺഗ്രസ് പ്രവർത്തകർ ആയുധം ഉപയോഗിച്ച് ആക്രമിക്കുകയായിരുന്നെന്ന് സി.പി.എം നേതാക്കൾ പറഞ്ഞു. എന്നാൽ, സി.പി.എം നേതൃത്വം അക്രമം അഴിച്ചുവിടുകയാണെന്ന് കോൺഗ്രസ് ആരോപിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.