പറഞ്ഞതിന് മുമ്പേ ചേതനയറ്റ് ആ​യു​ഷ് ഷാ​ജി​യെത്തി...

കു​ട്ട​നാ​ട്: ആ​ല​പ്പു​ഴ ക​ള​ർ​കോ​ട് വാ​ഹ​നാ​പ​ക​ട​ത്തി​ൽ മ​രി​ച്ച എം.​ബി.​ബി.​എ​സ് വി​ദ്യാ​ർ​ഥി ആ​യു​ഷ് ഷാ​ജി​ക്ക് ക​ണ്ണീ​രോ​ടെ നാ​ട് വി​ട​ന​ൽ​കി. കാ​വാ​ലം കൃ​ഷ്ണ​പു​രം നെ​ല്ലൂ​രി​ലെ കു​ടും​ബ​വീ​ട്ടി​ലാ​ണ്​ ബു​ധ​നാ​ഴ്ച രാ​വി​ലെ പ​ത്തി​ന് സം​സ്കാ​ര ച​ട​ങ്ങു​ക​ൾ ന​ട​ന്ന​ത്. അ​ന്ത്യാ​ഞ്ജ​ലി അ​ർ​പ്പി​ക്കാ​ൻ കു​ടും​ബാം​ഗ​ങ്ങ​ളും സു​ഹൃ​ത്തു​ക്ക​ളും നാ​ട്ടു​കാ​രും ഒ​ഴു​കി​യെ​ത്തി.

കു​ട്ട​നാ​ട്ടി​ലെ സാ​ധാ​ര​ണ കു​ടും​ബ​ത്തി​ൽ ജ​നി​ച്ച ആ​യു​ഷ്, എം.​ബി.​ബി.​എ​സ് പൂ​ർ​ത്തി​യാ​ക്കി കേ​ര​ള​ത്തി​ൽ ജോ​ലി ചെ​യ്യാ​നാ​ണ്​ ആ​ഗ്ര​ഹി​ച്ചി​രു​ന്ന​ത്. കോ​ട്ട​യം, തൃ​ശൂ​ർ മെ​ഡി​ക്ക​ൽ കോ​ള​ജു​ക​ളി​ൽ പ്ര​വേ​ശ​നം ല​ഭി​ച്ചെ​ങ്കി​ലും കാ​വാ​ല​ത്തെ കു​ടും​ബ​വീ​ട്ടി​ൽ ആ​ഴ്ച​തോ​റും പോ​കാ​മെ​ന്ന​തി​നാ​ൽ ആ​ല​പ്പു​ഴ തെ​ര​ഞ്ഞെ​ടു​ക്കു​ക​യാ​യി​രു​ന്നു. ഹോ​സ്റ്റ​ലി​ൽ​നി​ന്നാ​ണ് കോ​ള​ജി​ൽ പോ​കു​ന്ന​ത്. അ​വ​ധി ദി​വ​സ​ങ്ങ​ളി​ൽ കാ​വാ​ല​ത്തെ​ത്തും. ഒ​രാ​ഴ്ച​മു​മ്പും ഇ​വി​ടെ വ​ന്നി​രു​ന്നു. ഇ​നി ക്രി​സ്മ​സ് അ​വ​ധി​ക്ക് വ​രാ​മെ​ന്ന് പ​റ​ഞ്ഞാ​ണ് മ​ട​ങ്ങി​യ​ത്. പ​റ​ഞ്ഞ​തി​ന് മു​മ്പേ​യെ​ത്തി, ചേ​ത​ന​യ​റ്റ്.

മ​ധ്യ​പ്ര​ദേ​ശി​ലെ ഇ​ൻ​ഡോ​റി​ൽ ജോ​ലി​നോ​ക്കു​ന്ന ആ​യു​ഷി​ന്റെ അ​ച്ഛ​ൻ ഷാ​ജി​യും അ​മ്മ ഉ​ഷ​യും സ​ഹോ​ദ​രി ജി​ഷ​യും ചൊ​വ്വാ​ഴ്ച വൈ​കീ​ട്ട്​ വീ​ട്ടി​ലെ​ത്തി. മ​ക​ൻ അ​പ​ക​ട​ത്തി​ൽ​പെ​ട്ടെ​ന്ന​റി​ഞ്ഞാ​ണ്​ അ​വ​ർ നാ​ട്ടി​ലേ​ക്ക്​​ തി​രി​ച്ച​ത്. വീ​ട്ടി​ലെ​ത്തി​യ​പ്പോ​ഴാ​ണ്​ മ​ര​ണ​വാ​ർ​ത്ത​യ​റി​ഞ്ഞ​ത്.