ഉത്രാട ദിനത്തിൽ 'ബൈത്തുറഹ്മ' വീട്ടിൽ പാലുകാച്ചി കല്യാണിയമ്മ പുതിയ വീടിന്റെ തണലിലേക്ക് കടന്നു. സാക്ഷിയായി മുനവ്വറലി തങ്ങളും. മുസ്ലിം ലീഗ് കമ്മിറ്റി നിർധനർക്ക് വെച്ചുനൽകുന്ന വീടുകളാണ് ബൈത്തുറഹ്മ. ഇതിനകം നൂറുകണക്കിന് വീടുകളാണ് ലീഗ് വെച്ചുനൽകിയത്. കല്യാണിയമ്മയുടെ വീടിന്റെ ഉദ്ഘാടനം സംബന്ധിച്ച് മുനവ്വറലി തങ്ങൾ തന്നെയാണ് ഫേസ്ബുക്കിൽ വിവരം പങ്കുവെച്ചത്.
ഇന്ന് ഉത്രാട ദിനത്തിൽ പുൽപറ്റ പഞ്ചായത്ത്‌ രണ്ടാം വാർഡ് മുസ്ലിം ലീഗ് കമ്മിറ്റി കല്യാണിയമ്മക്ക് ഓണ സമ്മാനമായി നൽകിയത് മനോഹരമായൊരു വീടാണ്. ആരോരുമില്ലാത്ത തളിയാരിലെ കല്ല്യാണിയമ്മയുടെ കുടുംബത്തിന് വാർഡ് കമ്മിറ്റി നൽകുന്ന ബൈത്തുറഹ്മയുടെ താക്കോൽ ദാനം നിർവഹിച്ചു. ഓണത്തിന്റെ ഈയൊരു സന്തോഷ നാളുകളിൽ സാഹോദര്യത്തിന്റെ മറ്റൊരു അദ്ധ്യായം രചിക്കുകയാണ് ഇവിടുത്തെ ഒരുപറ്റം ജനങ്ങൾ. ഈയൊരു സ്നേഹ സമ്മാനം നൽകാൻ മുന്നോട്ടുവന്ന എല്ലാവരെയും പ്രത്യേകം അഭിനന്ദിക്കുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.