കാസർകോട്: മാന്‍കൊമ്പുകളും സംരക്ഷിത ഇനത്തില്‍പെട്ട ആമകളുമായി നാലംഗ സംഘത്തെ കാസര്‍കോട് വനം വകുപ്പ് ഉദ്യോഗസ്ഥര്‍ അറസ്റ്റു ചെയ്തു. മൊഗ്രാലിലെ മുഹമ്മദ് അബ്ദുല്ല മൊയ്തീന്‍ (46), മൊഗ്രാല്‍പുത്തൂരിലെ വി. ഇമാം അലി (49), മായിപ്പാടിയിലെ കരീം (40), മൊഗ്രാല്‍ കൊപ്ര ബസാറിലെ ബി.എം. ഖാസിം (55) എന്നിവരെയാണ് അറസ്റ്റു ചെയ്തത്.
മൂന്നു മാൻകൊമ്പുകളും 11 കരയാമകളെയുമാണ് ഇവരിൽ നിന്ന് പിടിച്ചെടുത്തത്. അന്താരാഷ്ട്ര വിപണിയിൽ കോടികള്‍ വില വരുന്നവയാണിത്. വെള്ളിയാഴ്ച ഉച്ചയോടെ കുമ്പളക്കടുത്ത് പേരാല്‍ കണ്ണൂരില്‍ നിന്നാണ് രണ്ട് ആള്‍ട്ടോ കാറുകളിലായി കലമാന്‍ കൊമ്പുകളും ആമകളുമായി സഞ്ചരിച്ച പ്രതികളെ പിടികൂടിയത്.
ഇവ മുംബൈയിലേക്ക് കടത്താനുള്ള നീക്കത്തിലായിരുനു സംഘം. ഇവര്‍ സഞ്ചരിച്ച കാറുകളും കസ്റ്റഡിയിലെടുത്തു. ഡി.എഫ്.ഒ എം. രാജീവന്‍, കാസര്‍കോട് ഫോറസ്റ്റ് റേഞ്ച് ഓഫീസര്‍ എന്‍. അനില്‍ കുമാര്‍ എന്നിവരുടെ നേതൃത്വത്തിലായിരുന്നു അറസ്റ്റ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.