തൈക്കടപ്പുറത്ത് ബോട്ട് കരക്കിടിച്ച് തകർന്നു

നീലേശ്വരം: തൈക്കടപ്പുറത്തുനിന്ന് മത്സ്യബന്ധനത്തിന് പോയ ബോട്ട് പൂർണമായും തകർന്നു. കടലിൽ മീൻ പിടിക്കുന്നതിനിടയിൽ ബോട്ടിലെ എൻജിൻ തകരാറിലായി പ്രവർത്തനം നിലച്ചു. കരക്കെത്താനുള്ള ശ്രമത്തിനിടയിൽ തിരമാലയിൽപെട്ട് ബോട്ട് കരയിലെ മൺതിട്ടയിലിടിച്ച് തകർന്നു. ഇടിയുടെ ശക്തിയിൽ ബോട്ടി​ന്റെ മുഴുവൻ ഭാഗങ്ങളും തകർന്നു. ബോട്ടിലുണ്ടായിരുന്ന നാല് തൊഴിലാളികളും പരിക്കേൽക്കാതെ രക്ഷപ്പെട്ടു. മടക്കര സ്വദേശി ജമാലിന്റെ ഉടമസ്ഥതയിലുള്ളതാണ് ബോട്ട്. സംഭവമറിഞ്ഞ് തീരദേശ പൊലീസ് സ്ഥലത്തെത്തി. . പടം: boat33.jpgതൈക്കടപ്പുറത്ത് അപകടത്തിൽപെട്ട ബോട്ട്