ബ​ദി​യ​ടു​ക്ക: ക​ഴി​ഞ്ഞ​കാ​ല​ങ്ങ​ളി​ൽ ത​ങ്ങ​ളു​ടെ ആ​വ​ശ്യ​ത്തി​നാ​യി നി​ര​ന്ത​ര സ​മ​രം​ചെ​യ്ത ചെ​ങ്ക​ല്ലു​ട​മ​ക​ൾ ഇ​പ്പോ​ൾ ചെ​ങ്ക​ല്ലി​ന് ഒ​രു നി​യ​ന്ത്ര​ണ​വു​മി​ല്ലാ​തെ അ​ടി​ക്ക​ടി വി​ല കൂ​ട്ടു​ന്നു. വി​ല അ​ടി​ക്ക​ടി കൂ​ട്ടു​ന്ന​തി​ൽ സാ​ധാ​ര​ണ​ക്കാ​രാ​ണ് ക​ഷ്ട​ത്തി​ലാ​യി​രി​ക്കു​ന്ന​ത്. ചെ​ങ്ക​ൽ​പ​ണ ഉ​ട​മ​ക​ളു​ടെ അ​സോ​സി​യേ​ഷ​ൻ സ്വ​ന്ത​മാ​യി എ​ടു​ക്കു​ന്ന തീ​രു​മാ​നം ന​ട​പ്പി​ലാ​ക്കു​ന്ന​ത് ചെ​റു​കി​ട നി​ർ​മാ​ണ​മേ​ഖ​ല​യി​ൽ വ​ലി​യ പ്ര​തി​സ​ന്ധി​യാ​ണ് ഉ​ണ്ടാ​ക്കാ​ൻ​പോ​കു​ന്ന​ത്.

ജ​ന​ുവ​രി 14 മു​ത​ൽ ഓ​രു ക​ല്ലി​ന് മൂ​ന്നു രൂ​പ വെ​ച്ചാ​ണ് വ​ർ​ധി​പ്പി​ക്കാ​ൻ പോ​കു​ന്ന​തെ​ന്നാ​ണ് പ​റ​യു​ന്ന​ത്. ഇ​തി​നെ​തി​രെ പ്ര​തി​ഷേ​ധ​വു​മാ​യി ജ​ന​ങ്ങ​ൾ​ത​ന്നെ ഇ​റ​ങ്ങു​മെ​ന്ന​താ​ണ​റി​യു​ന്ന​ത്. മൂ​ന്നു മാ​സം മു​മ്പ് ഫ​സ്റ്റ് ക​ല്ല് ഒ​രു എ​ണ്ണ​ത്തി​ന് 22 രൂ​പ ഉ​ണ്ടാ​യ​ത് 25 ആ​യി ഉ​യ​ർ​ത്തി. സെ​ക്ക​ൻ​ഡി​ന് 19 രൂ​പ​യു​ള്ള​ത് 22 ആ​യി വ​ർ​ധി​ച്ചു.

എ​ന്നാ​ൽ, ഇ​തി​ലൂ​ടെ ചെ​ങ്ക​ൽ​പ​ണ​യി​ൽ ജോ​ലി​ചെ​യ്യു​ന്ന ഒ​താ​ഴി​ലാ​ളി​ക​ൾ​ക്ക് അ​വ​രു​ടെ കൂ​ലി വ​ർ​ധി​പ്പി​ക്കാ​ൻ തീ​രു​മാ​ന​മു​ണ്ടാ​യി​ല്ല. എ​ങ്കി​ലും, മ​നഃ​സാ​ക്ഷി​യു​ള്ള ചി​ല ഉ​ട​മ​ക​ൾ 50ഉം 100​ഉം രൂ​പ തൊ​ഴി​ലാ​ളി​ക​ൾ​ക്ക് ന​ൽ​കി​യി​ട്ടു​ണ്ട്. ഒ​രു ക​ല്ലി​ന് മൂ​ന്നു രൂ​പ നി​ര​ക്കി​ൽ വ​ർ​ധി​പ്പി​ച്ച​പ്പോ​ൾ ലോ​ഡ് ക​യ​റ്റി​റ​ക്കം 30 പൈ​സ മാ​ത്ര​മാ​ണ് കൂ​ട്ടി​യ​ത്. നി​ല​വി​ല വ​ർ​ധ​ന ശ​രി​യ​ല്ലെ​ന്ന നി​ല​പാ​ടി​ൽ നി​ർ​മാ​ണ​മേ​ഖ​ല​യി​ലെ ജ​ന​ങ്ങ​ൾ പ്ര​തി​ക​രി​ക്കാ​ൻ തു​ട​ങ്ങി. ഇ​തി​നി​ട​ക്കാ​ണ് ര​ണ്ടു​ത​രം ഗു​ണ​മു​ള്ള ക​ല്ലി​ന് മൂ​ന്നു രൂ​പ വീ​തം കൂ​ട്ടാ​ൻ അ​സോ​സി​യേ​ഷ​ൻ തീ​രു​മാ​നം.

അ​ങ്ങ​നെ വ​രു​മ്പോ​ൾ മൂ​ന്നു​മാ​സം കൊ​ണ്ട് 22 രൂ​പ 28 ആ​യി വ​ർ​ധി​ക്കും. സ​ർ​ക്കാ​ർ ന​ൽ​കു​ന്ന ലൈ​ഫ് മി​ഷ​ൻ വീ​ടു​ൾ​പ്പെ​ടെ​യു​ള്ള വീ​ടു​ക​ളും ചെ​റു​കി​ട നി​ർ​മാ​ണ​മേ​ഖ​ല​യു​മാ​ണ് ഈ ​സാ​ഹ​ച​ര്യ​ത്തി​ൽ ബു​ദ്ധി​മു​ട്ടു​ക. ഇ​ത് ജ​ന​ങ്ങ​ളോ​ട് കാ​ട്ടു​ന്ന വെ​ല്ലു​വി​ളി​യാ​ണെ​ന്നാ​ണ് ആ​ക്ഷേ​പം. ഇ​വ​രോ​ട് ചോ​ദി​ക്കാ​നും നി​യ​ന്ത്രി​ക്കാ​നും ആ​രു​മി​ല്ലെ​ന്നാ​ണോ എ​ന്ന പ​രാ​തി​ക​ളാ​ണ് ഉ​യ​രു​ന്ന​ത്. ജി​ല്ല​യി​ൽ താ​ലൂ​ക്ക​ടി​സ്ഥാ​ന​ത്തി​ൽ മ​ഞ്ചേ​ശ്വ​രം, കാ​സ​ർ​കോ​ട് എ​ന്നി​വി​ട​ങ്ങ​ളി​ലാ​ണ് ചെ​ങ്ക​ൽ​പ​ണ​ക​ൾ പ്ര​വ​ർ​ത്തി​ക്കു​ന്ന​ത്. അ​നു​മ​തി​യി​ല്ലാ​തെ ന​ട​ത്തു​ന്ന ചെ​ങ്ക​ൽ​പ​ണ​ക​ളും ഇ​തി​ലു​ണ്ട് എ​ന്നാ​ണ് പ​റ​യു​ന്ന​ത്.

ഇ​തി​ൽ നി​ര​ന്ത​രം റ​വ​ന്യൂ അ​ധി​കൃ​ത​ർ റെ​യ്ഡ് ന​ട​ത്തി പി​ഴ​യീ​ടാ​ക്കു​ന്നി​ന് ത​ട​യി​ടാ​ൻ ക​ല​ക്ട​റേ​റ്റി​ന്റെ മു​ന്നി​ൽ ചെ​ങ്ക​ൽ-​ക്വാ​റി​യു​ട​മ​ക​ളു​ടെ അ​സോ​സി​യേ​ഷ​ൻ രാ​പ്പ​ക​ൽ സ​മ​ര​മ​ട​ക്കം മു​മ്പ് ന​ട​ത്തി​യി​രു​ന്നു. ഇ​താ​ണ് ഈ ​മേ​ഖ​ല​യി​ലെ ഇ​പ്പോ​ഴ​ത്തെ വി​ല​വ​ർ​ധ​ന​യു​ടെ കാ​ര​ണ​മെ​ന്നാ​ണ് ആ​രോ​പ​ണം. അ​സം​ഘ​ടി​ത തൊ​ഴി​ലാ​ളി​ക​ളെ ഉ​പ​യോ​ഗി​ച്ച് എ​ന്തു​മാ​വാം എ​ന്ന ധാ​ര​ണ​യാ​ണ് അ​സോ​സി​യേ​ഷ​ന്റെ തീ​രു​മാ​ന​മെ​ന്ന് ജ​ന​ങ്ങ​ൾ ആ​ക്ഷേ​പി​ക്കു​ന്നു.

‘വി​ല വ​ർ​ധി​പ്പി​ക്കാതെ മു​ന്നോ​ട്ടു​ പോ​കാ​നാ​വി​ല്ല’

തൊ​ഴി​ലാ​ളി​ക​ളു​ടെ കൂ​ലി​വ​ർ​ധ​ന​യും ചെ​ങ്ക​ൽ​പ​ണ​യി​ൽ പ്ര​വ​ർ​ത്തി​ക്കു​ന്ന മ​ണ്ണു​മാ​ന്തി യ​ന്ത്രം ഉ​ൾ​പ്പെ​ടെ​യു​ള്ള​വ​യു​ടെ കൂ​ലി വ​ർ​ധി​ച്ച​തും 12 വ​ർ​ഷ​മാ​യി വ​ർ​ധ​ന​യില്ലാ​തെ മു​ന്നോ​ട്ടു​പോ​യ​തും വ​ള​രെ​യ​ധി​കം പ്ര​യാ​സ​മു​ണ്ടാ​ക്കി​യെ​ന്നും നി​ല​വി​ൽ വി​ല വ​ർ​ധി​പ്പി​ക്കാ​തെ മു​ന്നോ​ട്ടു​പോ​കാ​നാ​കി​ല്ലെ​ന്നും ചെ​ങ്ക​ൽ ഉ​ട​മ​ക​ളു​ടെ അ​സോ​സി​യേ​ഷ​ൻ ഭാ​ര​വാ​ഹി​ക​ൾ ‘മാ​ധ്യ​മ’​ത്തോ​ട് പ​റ​ഞ്ഞു.