ദേശീയപാത നിർമാണം: സ്കൂ​ൾ പ​രീ​ക്ഷ ക​ഴി​യാ​ൻ കാ​ത്തു​നി​ൽ​ക്കാ​തെ സ​ർ​വി​സ് റോ​ഡ് അ​ട​ച്ചു

കാ​സ​ർ​കോ​ട്: സ്കൂ​ൾ പ​രീ​ക്ഷ ക​ഴി​യാ​ൻ കാ​ത്തു​നി​ൽ​ക്കാ​തെ സ​ർ​വി​സ് റോ​ഡ് അ​ട​ച്ച​ത് വി​ദ്യാ​ർ​ഥി​ക​ൾ​ക്ക് ദു​രി​ത​മാ​യി. റോ​ഡ് അ​ട​ച്ച​ത് പു​നഃ​പ​രി​ശോ​ധി​ക്ക​ണ​മെ​ന്ന ആ​വ​ശ്യം അ​ധി​കൃ​ത​ർ ചെ​വി​ക്കൊ​ണ്ടി​ല്ല. മൊ​ഗ്രാ​ൽ ടൗ​ൺ സ​ർ​വി​സ് റോ​ഡാ​ണ് റോ​ഡ് പ്ര​വൃ​ത്തി​ക്കാ​യി ഒ​രാ​ഴ്ച​ത്തേ​ക്ക് അ​ട​ച്ചി​ട്ട​ത്.

പ​രീ​ക്ഷ സ​മ​യ​ത്തും റ​മ​ദാ​ൻ തി​ര​ക്കി​നി​ട​യി​ലും റോ​ഡ് അ​ട​ച്ചി​ട്ട ന​ട​പ​ടി പു​നഃ​പ​രി​ശോ​ധി​ക്ക​ണ​മെ​ന്ന് നാ​ട്ടു​കാ​രും ജ​ന​പ്ര​തി​നി​ധി​ക​ളും സ​ന്ന​ദ്ധ സം​ഘ​ട​ന​ക​ളു​മെ​ല്ലാം നേ​രി​ട്ടും ഫോ​ണി​ലൂ​ടെ​യും കു​മ്പ​ള യു.​എ​ൽ.​സി.​സി അ​ധി​കൃ​ത​രോ​ട് ആ​വ​ശ്യ​പ്പെ​ട്ടെ​ങ്കി​ലും നി​ർ​മാ​ണ ക​മ്പ​നി അ​ധി​കൃ​ത​ർ ചെ​വി​ക്കൊ​ള്ളാ​ൻ ത​യാ​റാ​യി​ല്ലെ​ന്നാ​ണ് ആ​ക്ഷേ​പം.

കാ​സ​ർ​കോ​ട് ഭാ​ഗ​ത്തു​നി​ന്നു​വ​രു​ന്ന സ്കൂ​ൾ വി​ദ്യാ​ർ​ഥി​ക​ൾ​ക്ക് റോ​ഡ് അ​ട​ച്ചി​ട്ട​തു​കാ​ര​ണം കൊ​പ്പ​ളം സ്റ്റോ​പ്പി​ലി​റ​ങ്ങി 200 മു​ത​ൽ 300 മീ​റ്റ​ർ വ​രെ പൊ​രി​വെ​യി​ല​ത്ത് ന​ട​ന്നു​വേ​ണം സ്കൂ​ളി​ലെ​ത്താ​ൻ. ഇ​ത് വി​ദ്യാ​ർ​ഥി​ക​ൾ​ക്ക് ഏ​റെ പ്ര​യാ​സ​മു​ണ്ടാ​ക്കു​ന്നു. ഈ ​കാ​ര്യ​ങ്ങ​ളൊ​ക്കെ ചൂ​ണ്ടി​ക്കാ​ട്ടി​ക്കൊ​ണ്ട് പ്ര​വൃ​ത്തി ഏ​പ്രി​ൽ ആ​ദ്യ​വാ​ര​ത്തി​ലേ​ക്ക് നീ​ട്ടാ​ൻ ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് നാ​ട്ടു​കാ​ർ ആ​വ​ശ്യ​പ്പെ​ട്ട​ത്.