വ​ഴി​യോ​ര ക​ച്ച​വ​ട​ക്കാ​രെ പു​ന​ര​ധി​വ​സി​പ്പി​ക്ക​ണം...

കാ​സ​ർ​കോ​ട്: പ​ല ന​ഗ​ര​ങ്ങ​ളും ശ​രി​യാ​യി ഉ​ണ​ര​ണ​മെ​ങ്കി​ൽ വ​ഴി​യോ​ര​ ക​ച്ച​വ​ട​ക്കാ​ർ ഉ​ണ്ടാ​വ​ണ​മെ​ന്ന് പ​റ​യു​ന്ന​വ​ർ കു​റ​വ​ല്ല. മ​റ്റു ക​ച്ച​വ​ട​ക്കാ​രു​ടെ ക​ഞ്ഞി​കു​ടി മു​ട്ടി​ക്കാ​തെ അ​വ​രു​ടേ​താ​യ സ്ഥ​ല​ങ്ങ​ളി​ൽ വ​ഴി​യൊ​രു​ക്കി​ക്കൊ​ടു​ക്കേ​ണ്ട​ത് ന​ഗ​രം ഭ​രി​ക്കു​ന്ന​വ​രു​ടെ ചു​മ​ത​ല​യാ​ണ്.

അ​ങ്ങ​നെ വ​ർ​ഷ​ങ്ങ​ളാ​യു​ള്ള ആ​വ​ശ്യ​ത്തി​ന് ഉ​ത്ത​ര​മെ​ന്നോ​ണം പു​തി​യ സ്റ്റാ​ൻ​ഡി​ന് സ​മീ​പം വ​ഴി​യോ​ര​ക​ച്ച​വ​ട​ക്കാ​രെ പു​ന​ര​ധി​വ​സി​പ്പി​ക്കാ​ൻ ഷോ​പ്പു​ക​ൾ ഉ​ണ്ടാ​ക്കി​യെ​ങ്കി​ലും ഇ​ന്നു​മ​ത് തു​റ​ന്നു​കൊ​ടു​ക്കാ​ൻ ന​ഗ​ര​സ​ഭ​ക്ക് ക​ഴി​ഞ്ഞി​ട്ടി​ല്ല. വ​ഴി​യോ​ര ക​ച്ച​വ​ട​വ​ട​ക്കാ​രെ​യും ഫുട്പാ​ത്ത് ക​ച്ച​വ​ട​ക്കാ​രെ​യും ആ​ളു​ക​ൾ കൂ​ടു​ന്ന​സ്ഥ​ല​ത്തേ​ക്ക് പു​ന​ര​ധി​വ​സി​പ്പി​ച്ചാ​ൽ ന​ഗ​രം കൂ​ടു​ത​ൽ സൗ​ക​ര്യ​പ്ര​ദ​മാ​വു​ക​യും വ​ഴി​യോ​ര ക​ച്ച​വ​ട​ക്കാ​ർ​ക്ക​ത് ആ​ശ്വാ​മാ​വു​ക​യും ചെ​യ്യും. മ​റ്റു ഷോ​പ്പു​കാ​ർ​ക്ക് അ​വ​രു​ടെ സാ​ധ​ന​ങ്ങ​ളും യ​ഥേ​ഷ്ടം വി​റ്റ​ഴി​ക്കാ​ൻ അ​വ​സ​ര​മു​ണ്ടാ​കും.

കാ​സ​ർ​കോ​ട് പു​തി​യ സ്റ്റാ​ൻ​ഡി​ൽ ഇ​തി​നാ​യി ക​ട​മു​റി​ക​ൾ ഉ​ണ്ടാ​ക്കി​യി​ട്ടു​ണ്ട്. പ​ക്ഷേ, അ​ത് ഇ​ന്നു​വ​രെ​യും തു​റ​ന്നു​കൊ​ടു​ക്കാ​ൻ പ​റ്റി​യി​ട്ടി​ല്ല എ​ന്ന വ​സ്തു​ത​യു​മു​ണ്ട്. വ​ർ​ഷ​ങ്ങ​ളോ​ള​മാ​യി ഇ​തി​ന്റെ നി​ർ​മാ​ണ​പ്ര​വ​ർ​ത്ത​നം തു​ട​ങ്ങി​യി​ട്ട്. ല​ക്ഷ​ങ്ങ​ൾ ചെ​ല​വ​ഴി​ച്ചാ​ണ് ഇ​തി​ന്റെ നി​ർ​മാ​ണം. അ​തേ​സ​മ​യം, 2024 ജ​നു​വ​രി അ​വ​സാ​ന​ത്തോ​ടെ തു​റ​ന്നു​കൊ​ടു​ക്കാ​നാ​കു​മെ​ന്ന് ക​ഴി​ഞ്ഞ ന​വം​ബ​ർ അ​വ​സാ​നം അ​ധി​കാ​രി​ക​ൾ പ​റ​ഞ്ഞ​താ​ണ്. ഇ​ത് തു​റ​ന്നു​കൊ​ടു​ത്താ​ൽ പ​ഴ​യ സ്റ്റാ​ർ​ഡി​ലെ സ്ഥ​ല​പ​രി​മി​തിക്ക് കു​റ​ച്ചെ​ങ്കി​ലും പ​രി​ഹാ​ര​മാ​കു​മെ​ന്ന​തി​ൽ സം​ശ​യ​മി​ല്ല.