വിദ്യാനഗറിലെ നീന്തല്‍ക്കുളം അടഞ്ഞുതന്നെ; തുറക്കാൻ നടപടിയില്ല

കാ​സ​ര്‍കോ​ട്: ഹി​ന്ദു​സ്ഥാ​ന്‍ ഏ​യ്റോ​നോ​ട്ടി​ക്‌​സ് ലി​മി​റ്റ​ഡ് ജി​ല്ല​ക്ക് സ​മ്മാ​നി​ച്ച വി​ദ്യാ​ന​ഗ​ര്‍ നീന്തല്‍ക്കുളം അ​ഞ്ചു​മാ​സ​മാ​യി അ​ട​ഞ്ഞു​കി​ട​ക്കു​ന്നു. അ​റ്റ​ക്കു​റ്റ പ്ര​വൃ​ത്തി​യു​ടെ പേ​രി​ലാ​ണ് നീ​ന്ത​ൽ​കു​ളം അ​ട​ച്ചി​ട്ട​ത്. എ​ന്നാ​ൽ, തു​റ​ന്നു​കൊ​ടു​ക്കാ​ൻ ഇ​തു​വ​രെ ന​ട​പ​ടി​യാ​യി​ല്ല.നി​ർ​മാ​ണ​ത്തി​ലെ അ​പാ​ക​ത​യാ​ണ് അ​ട​ച്ചി​ടാ​ൻ കാ​ര​ണം.

വേ​ന​ല​വ​ധി​യി​ൽ നി​ര​വ​ധി കു​ട്ടി​ക​ൾ ഇ​വി​ടെ എ​ത്തു​ന്നു​ണ്ടെ​ങ്കി​ലും കു​ളം ഉ​പ​യോ​ഗി​ക്കാ​ൻ ക​ഴി​യു​ന്നി​ല്ല. 1.72 കോ​ടി രൂ​പ ചെ​ല​വി​ട്ടാ​ണ് എ​ച്ച്.​എ.​എ​ല്‍ നീന്തല്‍ക്കുളം അ​നു​വ​ദി​ച്ച​ത്. 200ഓ​ളം പേ​ര്‍ക്ക് ഇ​തി​ന​കം നീ​ന്ത​ല്‍ പ​രി​ശീ​ല​നം ന​ല്‍കി. ജി​ല്ല അ​ക്വാ​റ്റി​ക് അ​സോ​സി​യേ​ഷ​ന് കീ​ഴി​ലു​ള്ള പ​രി​ശീ​ല​ക​രാ​യി​രു​ന്നു നേ​ത്വ​ത്വം ന​ല്‍കി​യി​രു​ന്ന​ത്. മൂ​ന്നു മു​ത​ല്‍ 70 വ​യ​സ്സ് വ​രെ​യു​ള്ള​വ​ര്‍ പ​രി​ശീ​ല​ന​ത്തി​നെ​ത്തി​യി​രു​ന്നു.

അ​തി​നി​ടെ​യാ​ണ് നീന്തല്‍ക്കുളത്തി​ൽ പ​ല​യി​ട​ത്തും ത​ക​രാ​ർ വ​ന്ന​ത്. മോ​ട്ടോ​റു​ക​ള​ട​ക്കം കേ​ടു​വ​ന്നു. നി​ർ​മാ​ണ പ്ര​വൃ​ത്തി​യി​ല്‍ അ​പാ​ക​ത​യു​ള്ള​താ​യി തു​ട​ക്ക​ത്തി​ലെ പ​രാ​തി​യു​ണ്ടാ​യി​രു​ന്നു. ആ​റു മാ​സം കൊ​ണ്ട് ത​ന്നെ പ​ല സാ​മ​ഗ്രി​ക​ളും ത​ക​ർ​ന്നു. നാ​ലു മോ​ട്ടോ​റു​ക​ളും ഒ​രു വ​ര്‍ഷം കൊ​ണ്ട് പ്ര​വ​ര്‍ത്ത​ന​ര​ഹി​ത​മാ​യി. നീ​ന്ത​ല്‍കു​ള​ത്തി​ന് പു​റ​ത്തേ​ക്ക് വെ​ള്ളം ഒ​ഴു​കു​ന്ന​തും മാ​ലി​ന്യ​ങ്ങ​ള്‍ കെ​ട്ടി​നി​ല്‍ക്കു​ന്ന​താ​യും പ​രാ​തി​യു​യ​ർ​ന്നു.

അ​തി​നി​ടെ വൈ​ദ്യു​തി ഷോ​ക്കേ​ല്‍ക്കു​ന്ന​താ​യും പ​രാ​തി ഉ​യ​ര്‍ന്ന സാ​ഹ​ച​ര്യ​ത്തി​ലാ​ണ് ക​ഴി​ഞ്ഞ ന​വം​ബ​റി​ല്‍ നീ​ന്ത​ല്‍കു​ളം അ​ട​ച്ചി​ടാ​ന്‍ ജി​ല്ല ഭ​ര​ണ​കൂ​ടം ഉ​ത്ത​ര​വി​ട്ട​ത്. താ​ല്‍ക്കാ​ലി​ക​മാ​യി അ​ട​ച്ചി​ടു​ന്ന​താ​യി അ​റി​യി​പ്പു​ണ്ടാ​യെ​ങ്കി​ലും പി​ന്നീ​ട് തു​റ​ക്കാ​നു​ള്ള ന​ട​പ​ടി​യു​ണ്ടാ​യി​ല്ല.നീന്തല്‍ക്കുളം തു​റ​ന്നു പ്ര​വ​ര്‍ത്തി​ക്കാ​നു​ള്ള ന​ട​പ​ടി ഉ​ട​ൻ സ്വീ​ക​രി​ക്കു​മെ​ന്ന് ന​ഗ​ര​സ​ഭ അ​ധി​കൃ​ത​ർ പ്ര​തി​ക​രി​ച്ചു.