അകാല ചരമമടയുമോ ഉപ്പള പുഴ?

കാ​സ​ർ​കോ​ട്: ദാ​ഹ​നീ​രി​നു​വേ​ണ്ടി ഊ​ർധശ്വാ​സം വ​ലി​ക്കു​ക​യാ​ണ് ഉ​പ്പ​ള പു​ഴ. കി​ലോ​മീ​റ്റ​റു​ക​ളോ​ളം മ​രു​ഭൂ​മി​ക്ക് സ​മാ​നമായ അവസ്ഥ. കൊടിയ വേ​ന​ൽ മാ​ത്ര​മ​ല്ല പു​ഴ​യു​ടെ ഇൗ​ സ്ഥിതിക്ക് കാ​ര​ണം. പു​ഴ​യി​ലെ അ​വ​സാ​ന തു​ള്ളി​യും ഊ​റ്റി വ​ലി​ക്കു​ന്ന കി​ണ​റു​ക​ൾ കൂ​ടി​യാ​ണ്.

കാ​ർ​ഷി​കാ​വ​ശ്യ​ത്തി​​ന്റെ മ​റ​വി​ലു​ള്ള അ​മി​ത​മാ​യ ജ​ല​ചൂ​ഷ​ണ​മാ​ണ് ഇ​വി​ടെ ന​ട​ക്കു​ന്ന​ത്. ഉ​പ്പ​ള പു​ഴ​യു​ടെ ക​ര​യി​ലാ​കെ വ​ലി​യ അ​ട​ക്കാ​ത്തോ​ട്ട​ങ്ങ​ളാ​ണ്. അ​ട​ക്കാ​ക​ർ​ഷ​ക​രു​ടെ മേ​ഖ​ല​യി​ലെ പു​ഴ​യി​ൽ അ​ന​ധി​കൃ​ത​മാ​യി കു​ഴി​ച്ച കി​ണ​റു​ക​ൾ​ക്ക് ക​ണ​ക്കി​ല്ല. ഇ​ത്ത​ര​ത്തി​ൽ കി​ണ​ർ കു​ഴി​ക്ക​ണ​മെ​ങ്കി​ൽ പ​ഞ്ചാ​യ​ത്ത് സെ​ക്ര​ട്ട​റി​യു​ടെ അ​നു​മ​തി​യാ​വ​ശ്യ​മാ​ണ്. എ​ന്നാ​ൽ, ഒ​ര​നു​മ​തി​യു​മി​ല്ലാ​തെ​യാ​ണ് ഈ ​കി​ണ​റു​ക​ൾ കു​ഴി​ച്ചി​രി​ക്കു​ന്ന​ത്. മു​മ്പ് ക​ല​ക്ട​റ​ട​ക്കം ഈ ​വി​ഷ​യ​ത്തി​ൽ ഇ​ട​പെ​ട്ടി​രു​ന്നു. പ​ഞ്ചാ​യ​ത്ത് സെ​ക്ര​ട്ട​റി​യ​ട​ക്ക​മു​ള്ള അ​ധി​കൃ​ത​ർ ഇ​തു നി​ർ​ത്തി​വെ​ക്കാ​ൻ ആ​വ​ശ്യ​പ്പെ​ട്ടു​വെ​ന്നും പ​റ​യു​ന്നു. പ​ക്ഷേ, ക​ർ​ഷ​ക പ്ര​തി​ഷേ​ധ​ത്തി​ൽ മു​ട്ടു​മ​ട​ക്കി​യി​രി​ക്കു​ക​യാ​ണ് അ​ധി​കൃ​ത​ർ.

പൊ​തു​ജ​ന​ങ്ങ​ൾ​ക്കു​വേ​ണ്ടി ജ​ല​നി​ധി​യു​ടെ ര​ണ്ടു കി​ണ​റു​ക​ൾ ഉ​പ്പ​ള പു​ഴ​യി​ൽ കു​ഴി​ച്ചി​ട്ടു​ണ്ട്. ഒ​ന്ന് ബു​ദ്‍രി​യ പ​ദ്ധ​തി​യി​ലും മ​റ്റേ​ത് അ​മ്മ​ന​ടു​ക്കം പ​ദ്ധ​തി​യി​ലും. വേ​ന​ൽ​ക്കാ​ല​ത്ത് കു​ടി​വെ​ള്ളം വീ​ടു​ക​ളി​ലെ​ത്തി​ക്കാ​ൻ വേ​ണ്ടി​യാ​ണീ കി​ണ​റു​ക​ൾ.

എ​ന്നാ​ൽ, ക​ർ​ഷ​ക​ർ​ക്കാ​യി കു​ഴി​ച്ച കി​ണ​റു​ക​ളി​ൽ​നി​ന്ന് 24 മ​ണി​ക്കൂ​റും വെ​ള്ള​മെ​ടു​ക്കു​ന്നു. കാ​ർ​ഷി​കാ​വ​ശ്യ​ത്തി​ന് ജ​ല​മെ​ടു​ക്കാ​ൻ വൈ​ദ്യു​തി ചാ​ർ​ജ് സൗ​ജ​ന്യ​മാ​യ​തു​കൊ​ണ്ടു​ത​ന്നെ യ​ഥേ​ഷ്ടം വെ​ള്ള​മാ​ണ് ഇ​ങ്ങ​നെ ഉ​പ​യോ​ഗി​ക്കു​ന്ന​ത്. രാ​വി​ലെ മോ​ട്ടോ​ർ ഓ​ണാ​ക്കി​യാ​ൽ പ​ല​പ്പോ​ഴും ഓ​ഫാ​ക്കു​ന്ന​ത് വൈ​കീ​ട്ടാ​ണ്. ഇ​തി​ന്റെ പി​ന്നി​ൽ വ​ലി​യ ലോ​ബി​യാ​ണ് പ്ര​വ​ർ​ത്തി​ക്കു​ന്ന​തെ​ന്ന് ജ​ന​ങ്ങ​ൾ പ​റ​യു​ന്നു.

ഇ​തു​മൂ​ലം മി​യാ​പ്പ​ദ​വ്, മീ​ഞ്ച, പൈ​വ​ളി​ഗെ എ​ന്നീ പ്ര​ദേ​ശ​ങ്ങ​ളി​ൽ കു​ടി​ക്കാ​നു​ള്ള വെ​ള്ളം കി​ട്ടാ​ക്ക​നി​യാ​യി​രി​ക്കു​ക​യാ​ണ്. കു​ഴ​ൽ​ക്കി​ണ​ർ കു​ഴി​ച്ചാ​ൽ​പോ​ലും വെ​ള്ളം കി​ട്ടാ​ത്ത അ​വ​സ്ഥ. അ​മി​ത ജ​ല ഉ​പ​ഭോ​ഗം ഭൂ​ഗ​ർ​ഭ​ജ​ല​ത്തി​ന്റെ തോ​തി​നെ കാ​ര്യ​മാ​യി ബാ​ധി​ക്കും. 2017ലെ ​ഗ്രൗ​ണ്ട് വാ​ട്ട​ർ റി​സോ​ഴ്സ​സ് ഓ​ഫ് കേ​ര​ള റി​പ്പോ​ർ​ട്ട് പ്ര​കാ​രം ജി​ല്ല​യി​ലെ കാ​ഞ്ഞ​ങ്ങാ​ട്, കാ​റ​ഡു​ക്ക, മ​ഞ്ചേ​ശ്വ​രം എ​ന്നി​വി​ട​ങ്ങ​ളി​ൽ വ്യാ​പ​ക​മാ​യ ഭൂ​ഗ​ർ​ഭ​ജ​ല ദൗർലഭ്യ പ്ര​ശ്ന​മാ​ണു​ള്ള​ത്.

അ​ന​ധി​കൃ​ത​മാ​യി നി​ർ​മി​ച്ച കി​ണ​റു​ക​ൾ മൂ​ടു​ക​യോ അ​ല്ലെ​ങ്കി​ൽ മോ​ട്ടോ​ർ നി​ശ്ചി​ത​സ​മ​യം പ്ര​വ​ർ​ത്തി​പ്പി​ക്കു​ക​യോ ആ​ണ് ജ​ന​ങ്ങ​ൾ മു​ന്നോ​ട്ടു​വെ​ക്കു​ന്ന പോം​വ​ഴി. കേ​ര​ള​ത്തി​ലെ എ​ല്ലാ ന​ദി​ക​ളു​ടേ​യും തോ​ടു​ക​ളു​ടേ​യും കു​ള​ങ്ങ​ളു​ടെ​യും നീ​ർ​ച്ചാ​ലു​ക​ളു​ടേ​യും സം​ര​ക്ഷ​ണം പ​ഞ്ചാ​യ​ത്തി​ൽ നി​ക്ഷി​പ്ത​മാ​യി​ട്ടും അ​ധി​കൃ​ത​രു​ടെ മൂ​ക്കി​നു​കീ​ഴി​ൽ പ​രി​ധി​യി​ല്ലാ​തെ​യു​ള്ള ജ​ല​ചൂ​ഷ​ണം തു​ട​രു​ക​യാ​ണ്.

എ.​കെ.​എം. അ​ഷ്റ​ഫ് (മ​ഞ്ചേ​ശ്വ​രം എം.​എ​ൽ.​എ)

മ​ഞ്ചേ​ശ്വ​രം മ​ണ്ഡ​ല​ത്തി​ൽ കു​ടി​വെ​ള്ളം വ​ലി​യൊ​രു പ്ര​ശ്ന​മാ​ണ്. ഭൂ​ഗ​ർ​ഭ​ജ​ല​ത്തി​ന്റെ അ​ള​വ് ക്ര​മാ​തീ​ത​മാ​യി കു​റ​ഞ്ഞു​വ​രു​ന്ന​തായാണ് റി​പ്പോ​ർ​ട്ടു​ക​ൾ. ഉ​പ്പ​ള പു​ഴ​യി​ലെ അ​ന​ധി​കൃ​ത കി​ണ​ർ​നി​ർ​മാ​ണം ശ്ര​ദ്ധ​യി​ൽ​പെ​ട്ടി​ട്ടി​ല്ല. ഉ​ണ്ടെ​ങ്കി​ൽ ഇ​തി​ന് നി​യ​ന്ത്ര​ണ​മേ​ർ​പ്പെ​ടു​ത്തും. ക​ർ​ഷ​ക​രു​ടെ ആ​വ​ശ്യ​വും ന്യാ​യ​മാ​ണ്. പ​ക്ഷേ, ജ​ല​ത്തി​ന്റെ അ​ള​വ് കു​റ​യു​ന്ന സാ​ഹ​ച​ര്യ​മു​ണ്ട്. കു​ടി​വെ​ള്ള​മേ​ഖ​ല​ക്ക് മാ​ത്ര​മാ​യി അ​ടു​ത്ത വേ​ന​ൽ​ക്കാ​ലം ഫ​ണ്ട് നീ​ക്കി​വെ​ക്കും.

സു​ന്ദ​രി ആ​ർ. ഷെ​ട്ടി (മീ​ഞ്ച പ​ഞ്ചാ​യ​ത്ത് പ്ര​സി​ഡ​ന്റ്)

ഉ​പ്പ​ള പു​ഴ​യി​ൽ അ​ന​ധി​കൃ​ത​മാ​യി കി​ണ​ർ കു​ഴി​ച്ച​ത് ക​ണ്ടി​ട്ടി​ല്ല. ഇക്കാ​ര്യം പ​റ​ഞ്ഞ് കേ​ട്ടി​ട്ടു​ണ്ട്. ക​ർ​ഷ​ക​രെ കു​റ്റം​പ​റ​യാ​ൻ പ​റ്റി​ല്ല. എ​ന്നാ​ൽ, ​മോ​ട്ടോ​ർ മു​ഴു​സ​മ​യം ഉ​പ​യോ​ഗി​ക്കു​ന്ന​തും അ​ന​ധി​കൃ​ത​മാ​യി കി​ണ​ർ കു​ഴി​ക്കു​ന്ന​തി​നും നി​യ​ന്ത്ര​ണ​മേ​ർ​പ്പെ​ടു​ത്ത​ണം. വ്യാ​പ​ക​മാ​യ കു​ടി​വെ​ള്ള​പ്ര​ശ്ന​മാ​ണ് പ​ഞ്ചാ​യ​ത്ത് അ​നു​ഭ​വി​ക്കു​ന്ന​ത്. ഭൂ​ഗ​ർ​ഭ​ജ​ല​നി​ര​പ്പ് താ​ഴു​ന്ന അ​വ​സ്ഥ​യി​ൽ നി​യ​ന്ത്ര​ണം ആ​വ​ശ്യ​മാ​ണ്.