'സാ​ഹി​ത്യ ന​ഗ​രം ഇ​നി ജ​ന​ങ്ങ​ളു​ടെ ​കൈ​യി​ൽ' -ഡോ. ​ബീ​ന ഫി​ലി​പ്

ഇ​ന്ത്യ​യി​ലെ ആ​ദ്യ സാ​ഹി​ത്യ​ന​ഗ​ര​മാ​യി യു​നെ​സ്കോ കോ​ഴി​ക്കോ​ടി​നെ തി​ര​ഞ്ഞെ​ടു​ത്ത​തി​ന്റെ ഔ​ദ്യോ​ഗി​ക പ്ര​ഖ്യാ​പ​നം നാ​ളെ ന​ട​ക്കാ​നി​രി​ക്കെ മേ​യ​ർ ഡോ. ​ബീ​ന ഫി​ലി​പ് ‘മാ​ധ്യ​മ’​ത്തോ​ട് സം​സാ​രി​ക്കു​ന്നു

സാ​ഹി​ത്യ ന​ഗ​ര പ​ദ​വി ല​ഭി​ച്ച​തി​ന് പി​ന്നി​ൽ കോ​ഴി​ക്കോ​ടി​ന്റെ പു​രാ​ത​ന സം​സ്കാ​ര​വും സാ​ഹി​ത്യ​വും പൈ​തൃ​ക​വു​മെ​ല്ലാം ഘ​ട​ക​മാ​യി​ട്ടു​ണ്ട്. ഈ​യൊ​രു പ​ദ​വി​ക്ക് എ​ന്തു​കൊ​ണ്ടും അ​ർ​ഹ​ത​യു​ള്ള​താ​ണ് ഈ ​പു​രാ​ത​ന തു​റ​മു​ഖ ന​ഗ​രം. പ്ര​ഖ്യാ​പ​ന​ത്തി​നു​ശേ​ഷ​മാ​ണ് യ​ഥാ​ർ​ഥ വെ​ല്ലു​വി​ളി. സ്ഥി​ര​മാ​യു​ള്ള പ​ദ​വി​യ​ല്ല ഇ​ത്. എ​ല്ലാ നാ​ല് കൊ​ല്ല​ത്തി​നു​മി​ടെ പ്ര​വ​ർ​ത്ത​നം വി​ല​യി​രു​ത്തി മാ​ത്ര​മേ യു​നെ​സ്കോ പ​ദ​വി പു​തു​ക്കി ന​ൽ​കു​ക​യു​ള്ളൂ. അ​തി​നാ​ൽ ന​ല്ല​വ​രാ​യ കോ​ഴി​ക്കോ​ട്ടു​കാ​രു​ടെ​യും മ​ല​യാ​ളി​ക​ളു​ടെ​യും പൂ​ർ​ണ പി​ന്തു​ണ​യി​ല്ലാ​തെ പ​ദ​വി നി​ല​നി​ർ​ത്താ​നാ​വി​ല്ല.

യു​നെ​സ്കോ എ​ങ്ങ​നെ​യാ​ണ് പ​രി​ശോ​ധി​ക്കു​ക?

സാ​ഹി​ത്യ​ന​ഗ​ര​മെ​ന്ന നി​ല​ക്ക് കോ​ഴി​ക്കോ​ട്ട് ന​ട​ക്കു​ന്ന പ​രി​പാ​ടി​ക​ളെ​ല്ലാം യു​നെ​സ്കോ പ​രി​ശോ​ധി​ക്കും. കോ​ർ​പ​റേ​ഷ​ൻ ന​ട​ത്തു​ന്ന പ​രി​പാ​ടി മാ​ത്ര​മ​ല്ല, സാ​ഹി​ത്യ​ന​ഗ​ര​ത്തി​ലെ മു​ഴു​വ​ൻ പ​രി​പാ​ടി​ക​ളും പു​തു​താ​യി തു​റ​ക്കു​ന്ന സൈ​റ്റി​ൽ അ​പ് ലോ​ഡ് ചെ​യ്യും. ഉ​ദാ​ഹ​ര​ണ​മാ​യി ‘മാ​ധ്യ​മം’ സാ​ഹി​ത്യ​ന​ഗ​ര​ത്തി​ന്റെ ലോ​ഗോ ഉ​പ​യോ​ഗി​ച്ച് പ​രി​പാ​ടി ന​ട​ത്തി​യാ​ൽ അ​തി​ന്റെ വി​ഡി​യോ​യും ചെ​റു​വി​വ​ര​വും വെ​ബ്സൈ​റ്റി​ൽ ന​ൽ​കും. കോ​ഴി​ക്കോ​ട് എ​ന്ന് പ​ര​തു​മ്പോ​ൾ ലോ​ക​മെ​ങ്ങും സാ​ഹി​ത്യ ന​ഗ​ര​ത്തി​ന്റെ സൈ​റ്റും എ​ത്തു​മെ​ന്ന​തി​നാ​ൽ പ​രി​പാ​ടി ന​ട​ത്തി​യ സ്ഥാ​പ​ന​ത്തി​നും നേ​ട്ട​മു​ണ്ടാ​ക്കാ​നാ​വും. പ്ര​ത്യേ​ക ജൂ​റി തെ​ര​ഞ്ഞെ​ടു​ത്ത ലോ​ഗോ​യു​ടെ പ്ര​കാ​ശ​ന​വും വെ​ബ്സൈ​റ്റ് പു​റ​ത്തി​റ​ക്ക​ലും ഞാ​യ​റാ​ഴ്ച സാ​ഹി​ത്യ ന​ഗ​രം പ്ര​ഖ്യാ​പ​ന​ച്ച​ട​ങ്ങി​ൽ ന​ട​ക്കും.

സാ​ഹി​ത്യ​ന​ഗ​ര​മാ​കു​ന്ന​തി​ന്റെ നേ​ട്ട​മെ​ന്ത്?

സാ​ഹി​ത്യ ന​ഗ​ര പ​ദ​വി വ​ഴി യു​നെ​സ്കോ​യും ന​മ്മ​ളും ല​ക്ഷ്യ​മി​ടു​ന്ന​ത് സു​സ്ഥി​ര വി​ക​സ​ന​മാ​ണ്. ഐ​ക്യ​രാ​ഷ്ട്ര സ​ഭ അം​ഗീ​ക​രി​ച്ച 17 ല​ക്ഷ്യ​ങ്ങ​ളും അ​തോ​ട് ചേ​ർ​ന്ന ഉ​പ​ല​ക്ഷ്യ​ങ്ങ​ളും നാം ​ആ​ർ​ജി​ക്ക​ണം. ന​ഗ​രം ഇ​നി എ​ന്തി​നെ​പ്പ​റ്റി ചി​ന്തി​ക്കു​​മ്പോ​ഴും ഈ ​പ​ദ​വി​യി​ലി​രി​ക്കു​ന്ന ന​ഗ​ര​മാ​ണി​തെ​ന്ന് ഓ​ർ​ക്കേ​ണ്ടി​വ​രും. പ​ഴ​യ​തി​നെ ഓ​ർ​ത്ത് പു​ള​കം കൊ​ണ്ടി​രി​ക്കാ​തെ, തി​രി​ച്ചു​കൊ​ണ്ടു​വ​രാ​നാ​വു​ന്ന​തി​നെ​യെ​ല്ലാം പു​ന​രു​ജ്ജീ​വി​പ്പി​ക്കാ​നാ​വ​ണം. അ​തോ​ടൊ​പ്പം ന​മു​ക്ക് ല​ഭ്യ​മാ​യ ഈ ​സ​ർ​ഗാ​ത്മ​ഗ ഭൂ​മി​യി​ലെ ക​ഴി​വു​ക​ൾ മു​ന്നോ​ട്ട് കൊ​ണ്ടു​പോ​വാ​നു​മാ​വ​ണം. അ​തു​വ​ഴി ചെ​റു​പ്പ​ക്കാ​ര​ട​ക്ക​മു​ള്ള​വ​ർ​ക്ക് ന​ല്ല വ​രു​മാ​നം ല​ഭി​ക്ക​ണം. ഈ ​പ​ദ​വി നി​ല​നി​ർ​ത്താ​ൻ ത​നി​ക്കെ​ന്ത് ചെ​യ്യാ​നാ​കും എ​ന്ന് ചി​ന്തി​ച്ച് പ്ര​വ​ർ​ത്തി​ക്ക​ണം. ഉ​ദാ​ഹ​ര​ണ​മാ​യി, ജോ​ലി ചെ​യ്ത് മ​ര​വി​ച്ച മ​ന​സ്സു​മാ​യി ക​ഴി​യു​ന്ന ഉ​ദ്യോ​ഗ​സ്ഥ​ർ​ക്ക് അ​വ​രി​ലു​റ​ങ്ങു​ന്ന സ​ർ​ഗ​ശേ​ഷി പു​റ​ത്തെ​ടു​ക്കാ​നാ​യാ​ൽ സ​ന്തോ​ഷ​ത്തി​ലും സ​മൂ​ഹ​ത്തി​ന് ഉ​പ​കാ​ര​പ്ര​ദ​മാ​യ നി​ല​യി​ലും ജോ​ലി ചെ​യ്യാ​നാ​വും. ന​ഗ​രം ഉ​ദ്യോ​ഗ​സ്ഥ​ര​ട​ക്കം എ​ല്ലാ​വ​ർ​ക്കും മാ​ന​സി​കോ​ല്ലാ​സം ന​ൽ​കു​ന്ന അ​വ​സ്ഥ​യി​ലേ​ക്ക് ഉ​യ​ർ​ന്നാ​ൽ ബ്യൂ​റോ​ക്ര​സി എ​ന്ന പേ​രു​ത​ന്നെ മാ​റ്റി​ത്തി​രു​ത്താ​നാ​വും.

പൈ​തൃ​ക ന​ഗ​ര​ങ്ങ​ളി​ൽ സാ​ഹി​ത്യ​ന​ഗ​ര​ത്തി​ന് പ്ര​ധാ​ന്യം കൂ​ടു​മോ​​?

യു​നെ​സ്കോ പൈ​തൃ​ക ന​ഗ​ര പ​ദ​വി സാ​ഹി​ത്യ​ത്തി​ന് മാ​ത്ര​മ​ല്ല ന​ൽ​കു​ന്ന​ത്. ഏ​ഴ് മേ​ഖ​ല​ക​ളി​ൽ പൈ​തൃ​ക പ​ദ​വി ന​ൽ​കു​ന്ന​തി​ൽ സി​നി​മ​യും സം​ഗീ​ത​വും ഭ​ക്ഷ​ണ​വു​മെ​ല്ലാം ഉ​ൾ​പ്പെ​ടു​ന്നു. അ​തി​ൽ കോ​ഴി​ക്കോ​ടി​ന് ല​ഭി​ച്ച​ത് സാ​ഹി​ത്യ​ന​ഗ​ര പ​ദ​വി​യാ​ണെ​ന്ന് മാ​ത്രം. ഇ​തു​വ​ഴി ഇ​ന്ത്യ​യ​ട​ക്കം ലോ​ക​മെ​ങ്ങു​മു​ള്ള മ​റ്റ് മേ​ഖ​ല​ക​ളി​ലു​ള്ള പൈ​തൃ​ക ന​ഗ​ര​ങ്ങ​ളു​മാ​യി കോ​ഴി​ക്കോ​ടി​ന് ബ​ന്ധം സ്ഥാ​പി​ക്കാ​നാ​വും. മ​റ്റ് പൈ​തൃ​ക ന​ഗ​ര​ങ്ങ​ളെ അ​പേ​ക്ഷി​ച്ച് സാ​ഹി​ത്യ ന​ഗ​ര പ​ദ​വി​ക്ക് പ്ര​ത്യേ​ക പ്രാ​ധാ​ന്യ​മു​ണ്ടെ​ന്ന് വാ​ദി​ക്കു​ന്നി​ല്ല. എ​ന്നാ​ൽ, സാ​ഹി​ത്യ​ത്തി​ന് വ​ള​രെ ഉ​യ​ർ​ന്ന ചി​ന്ത​യും പ്ര​വ​ർ​ത്ത​ന​വും ആ​വ​ശ്യ​മാ​യ​തി​നാ​ലും സാ​ഹി​ത്യം എ​ല്ലാ ജീ​വി​ത​മേ​ഖ​ല​ക​ളെ​യും സ്പ​ർ​ശി​ക്കു​ന്ന​താ​യ​തി​നാ​ലും യു​നെ​സ്കോ​യു​ടെ പൈ​തൃ​ക ന​ഗ​ര​ങ്ങ​ളി​ൽ എ​ല്ലാ ജീ​വി​ത മേ​ഖ​ല​യെും ഉ​ൾ​ക്കൊ​ള്ളു​ന്ന വ​ള​രെ ഗൗ​ര​വ​മു​ള്ള പ​ദ​വി​യാ​ണ് ന​മു​ക്ക് കി​ട്ടി​യ സാ​ഹി​ത്യ ന​ഗ​ര പ​ദ​വി എ​ന്ന് പ​റ​യാം.

അ​ടു​ത്ത​മാ​സം പോ​ർ​ച്ചു​ഗ​ലി​ൽ പോ​വു​ന്ന​തെ​ന്തി​ന്?

സാ​ഹി​ത്യ ന​ഗ​ര പ​ദ​വി കി​ട്ടി​യ ന​ഗ​ര​ങ്ങ​ളി​ലെ പ്ര​തി​നി​ധി​ക​ൾ ഒ​ത്തു​കൂ​ടു​ന്ന പോ​ർ​ച്ചു​ഗ​ലി​ലെ ബ്രാ​ഗ ന​ഗ​ര​ത്തി​ൽ ന​ട​ക്കു​ന്ന 16ാം ‘യു​നെ​സ്കോ ക്രി​യേ​റ്റീ​വ് സി​റ്റീ​സ് നെ​റ്റ് വ​ർ​ക് വാ​ർ​ഷി​ക കോ​ൺ​ഫ​റ​ൻ​സ് 2024’ൽ ​മേ​യ​റു​ടെ നേ​തൃ​ത്വ​ത്തി​ലു​ള്ള കോ​ഴി​ക്കോ​ടി​ന്റെ സം​ഘം പ​​ങ്കെ​ടു​ക്കു​ന്നു. ജൂ​ലൈ ഒ​ന്നു​മു​ത​ൽ അ​ഞ്ച് വ​രെ​യു​ള്ള സ​മ്മേ​ള​ന​ത്തി​ൽ സാ​ഹി​ത്യ ന​ഗ​ര പ​ദ​വി​യു​ടെ രേ​ഖ​ക​ൾ ഏ​റ്റു​വാ​ങ്ങും. സാ​ഹി​ത്യ ന​ഗ​രം പ​ദ്ധ​തി​യു​മാ​യി കൂ​ടു​ത​ൽ മു​ന്നോ​ട്ട് പോ​വാ​ൻ അ​ന്താ​രാ​ഷ്ട്ര സ​മ്മേ​ള​നം വ​ഴി​യാ​വു​മെ​ന്നാ​ണ് പ്ര​തീ​ക്ഷ. പോ​ർ​ച്ചു​ഗ​ലി​ലെ മൂ​ന്നാ​മ​ത്തെ ഏ​റ്റ​വും വ​ലി​യ ജ​ന​സം​ഖ്യ​യു​ള്ള പ​ട്ട​ണ​വും ഏ​ഴാ​മ​ത്തെ വ​ലി​യ മു​നി​സി​പ്പാ​ലി​റ്റി​യു​മാ​യ ബ്രാ​ഗ 2017 മു​ത​ൽ യു​നെ​സ്കോ​യു​ടെ പൈ​തൃ​ക ന​ഗ​ര​മാ​ണ്. മീ​ഡി​യ ആ​ർ​ട്സ് സി​റ്റി എ​ന്ന പ​ദ​വി​യാ​ണ് ആ​തി​ഥേ​യ ന​ഗ​ര​ത്തി​നു​ള്ള​ത്.