മടക്കമില്ലാത്ത പ്രവാസത്തിലേക്ക് ലൂക്കോസ് യാത്രയായി

കൊ​ട്ടി​യം: ഉ​റ്റ​വ​രെ​യും ഉ​ട​യ​വ​രെ​യും ക​ണ്ണീ​ർ​ക്ക​യ​ത്തി​ലാ​ക്കി ഒ​രി​ക്ക​ലും മ​ട​ക്ക​മി​ല്ലാ​ത്ത പ്ര​വാ​സ​ത്തി​ലേ​ക്ക് ലൂ​ക്കോ​സ് യാ​ത്ര​യാ​യി. ഒ​രു നാ​ടി​ന്‍റെ​യാ​കെ തേ​ങ്ങ​ലു​ക​ളും ക​ണ്ണീ​ർ​തു​ള്ളി​ക​ളും ഏ​റ്റു​വാ​ങ്ങി​യാ​ണ് ലൂ​ക്കോ​സ് പോ​യ​ത്. കു​വൈ​ത്തി​ലു​ണ്ടാ​യ തീ​പി​ടി​ത്ത​ത്തി​ൽ മ​രി​ച്ച വെ​ളി​ച്ചി​ക്കാ​ല വ​ട​കോ​ട്ട് വി​ള​യി​ൽ വീ​ട്ടി​ൽ ലൂ​ക്കോ​സി​ന്‍റെ മൃ​ത​ദേ​ഹം വെ​ള്ളി​യാ​ഴ്ച ഉ​ച്ച​യോ​ടെ നെ​ടു​മ്പാ​ശ്ശേ​രി എ​യ​ർ​പോ​ർ​ട്ടി​ൽ​നി​ന്ന് ബ​ന്ധു​ക്ക​ൾ ഏ​റ്റു​വാ​ങ്ങി കൊ​ട്ടി​യ​ത്തെ സ്വ​കാ​ര്യ ആ​ശു​പ​ത്രി മോ​ർ​ച്ച​റി​യി​ൽ സൂ​ക്ഷി​ച്ചി​രു​ന്നു.

ശ​നി​യാ​ഴ്ച രാ​വി​ലെ എ​ട്ടോ​ടെ വി​ലാ​പ​യാ​ത്ര​യാ​യി വെ​ളി​ച്ചി​ക്കാ​ല​യി​ലെ വീ​ട്ടി​ലെ​ത്തി​ച്ചു. വീ​ടും പ​രി​സ​ര​ത്തെ റോ​ഡും അ​ന്തി​മോ​പ​ചാ​ര​മ​ർ​പ്പി​ക്കാ​ൻ എ​ത്തി​യ​വ​രെ കൊ​ണ്ട് നി​റ​ഞ്ഞി​രു​ന്നു. ഭാ​ര്യ​യെ​യും മ​ക്ക​ളെ​യും മാ​താ​പി​താ​ക്ക​ളെ​യും കാ​ണി​ച്ച ശേ​ഷ​മാ​ണ് പൊ​തു​ദ​ർ​ശ​ന​ത്തി​നാ​യി മൃ​ത​ദേ​ഹം പു​റ​ത്ത് ത​യാ​റാ​ക്കി​യ പ​ന്ത​ലി​ലേ​ക്ക് വെ​ച്ച​ത്. ബി.​എ​സ്​​സി ന​ഴ്സി​ങ് പ​ഠ​ന​ത്തി​നാ​യി ബം​ഗ​ളൂ​രു​വി​ൽ ചേ​ർ​ക്കു​ന്ന​തി​ന് ഉ​ട​നെ ത​ന്നെ എ​ത്താ​മെ​ന്ന് ഏ​റ്റി​രു​ന്ന പി​താ​വി​ന്‍റെ ചേ​ത​ന​യ​റ്റ ശ​രീ​രം ക​ണ്ട​പ്പോ​ൾ മ​ക​ൾ ലി​ഡി​യ​യു​ടെ​യും ഭാ​ര്യ ഷൈ​നി​യു​ടെ​യും ഇ​ള​യ മ​ക​ൾ ലോ​യി​സി​ന്റെ​യും അ​ല​മു​റ​യി​ട്ടു​ള്ള നി​ല​വി​ളി ക​ണ്ടു​നി​ന്ന​വ​രു​ടെ ക​ണ്ണു​ക​ളെ ഈ​റ​ന​ണി​യി​ച്ചു.

ലൂ​ക്കോ​സി​ന്‍റെ ചി​ത്ര​വും കൈ​യി​ൽ വെ​ച്ചു ഇ​തു​ത​ന്‍റെ പ​പ്പ​യ​ല്ലെ​ന്നു​ള്ള ലി​ഡി​യ​യു​ടെ നി​ല​വി​ളി​യി​ൽ ആ​ശ്വ​സി​പ്പി​ക്കാ​ൻ ബ​ന്ധു​ക്ക​ൾ​ക്ക് ഏ​റെ പാ​ടു​പെ​ടേ​ണ്ടി​വ​ന്നു. എ​ൻ.​കെ. പ്രേ​മ​ച​ന്ദ്ര​ൻ എം.​പി, എം.​എ​ൽ.​എ​മാ​രാ​യ പി.​സി. വി​ഷ്ണു​നാ​ഥ്, ജി.​എ​സ്. ജ​യ​ലാ​ൽ, മു​ഖ​ത്ത​ല ബ്ലോ​ക്ക് പ​ഞ്ചാ​യ​ത്തം​ഗം ഫൈ​സ​ൽ കു​ള​പ്പാ​ടം, പ​ഞ്ചാ​യ​ത്തം​ഗം ഷാ​ജി ലൂ​ക്കോ​സ്, ഡി.​വൈ.​എ​ഫ്.​ഐ നേ​താ​വ് ബി​ജു, സി.​പി.​എം ഏ​രി​യ സെ​ക്ര​ട്ട​റി സ​ന്തോ​ഷ്, ലീ​ഗ് ജി​ല്ല ജ​ന​റ​ൽ സെ​ക്ര​ട്ട​റി സു​ൽ​ഫി​ക്ക​ർ സ​ലാം, വി​വി​ധ സ​ഭ​ക​ളി​ൽ നി​ന്നെ​ത്തി​യ പു​രോ​ഹി​ത​ർ, പാ​സ്റ്റ​ർ​മാ​ർ തു​ട​ങ്ങി നി​ര​വ​ധി​പേ​ർ അ​ന്തി​മോ​പ​ചാ​ര​ത്തി​നെ​ത്തി. ജി​ല്ല ഭ​ര​ണ​കൂ​ട​ത്തി​നു​വേ​ണ്ടി ക​ല​ക്ട​ർ ദേ​വീ​ദാ​സ്​ പു​ഷ്പ​ച​ക്ര​മ​ർ​പ്പി​ച്ചു.

വീ​ട്ടി​ലെ ശു​ശ്രൂ​ഷ​ക​ൾ​ക്കു​ശേ​ഷം ഉ​ച്ച​ക്ക്​ 12ഓ​ടെ വ​ൻ ജ​നാ​വ​ലി​യു​ടെ സാ​ന്നി​ധ്യ​ത്തി​ൽ പൂ​യ​പ്പ​ള്ളി നാ​ൽ​ക്ക​വ​ല​യി​ലു​ള്ള ഐ.​പി.​സി​യു​ടെ സെ​മി​ത്തേ​രി​യി​ൽ സം​സ്ക​രി​ച്ചു.