കാക്കനാട് (കൊച്ചി): കിട്ടി മണിക്കൂറുകൾക്കകം കോളജ് വിദ്യാർഥിയുടെ ലൈസൻസ് തെറിച്ചു. ബൈക്കിന് പിന്നിൽ രണ്ട് സുഹൃത്തുക്കളുമായി നടത്തിയ നിയമലംഘനത്തിന്‍റെ പേരിലാണ് ഒരു മാസത്തേക്ക് ലൈസൻസ് സസ്പെൻഡ് ചെയ്തത്. മൂന്നുപേർ വീതം രണ്ട് ബൈക്കിലായാണ് സുഹൃദ്സംഘം സഞ്ചരിച്ചത്. ഇവരുടെ യാത്ര ഇതുവഴി പോവുകയായിരുന്ന എൻഫോഴ്സ് ആർ.ടി.ഒ കെ. മനോജിന്‍റെ ശ്രദ്ധയിൽപെടുകയായിരുന്നു. തുടർന്ന് ബൈക്ക് ഓടിച്ച വിദ്യാർഥികളെ ഓഫിസിലേക്ക് വിളിച്ചുവരുത്തി. പരിശോധനയിൽ ഇതിൽ ഒരാളുടെ ഡ്രൈവിങ് ലൈസൻസ് രാവിലെ 11ന് തപാലിൽ കിട്ടിയതാണെന്നും കണ്ടെത്തി.
കുറ്റം സമ്മതിച്ച വിദ്യാർഥികൾ തെറ്റ് ആവർത്തിക്കിെല്ലന്ന് എഴുതി നൽകി. തുടർന്ന്, ഇരുചക്രവാഹനം ഓടിച്ച രണ്ടുപേരുടെയും ലൈസൻസ് ഒരു മാസത്തേക്ക് സസ്പെൻഡ് ചെയ്യുകയായിരുന്നു. 3000 രൂപ പിഴയും ഈടാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.