ജനകീയ ഹോട്ടൽ അടച്ചുപൂട്ടി

തുറവൂർ: ഉദ്ഘാടനം കഴിഞ്ഞ് ദിവസങ്ങൾക്കകം . തുറവൂർ ഗ്രാമപഞ്ചായത്ത്​ നേതൃത്വത്തിൽ ആരംഭിച്ച ജനകീയ ഹോട്ടലാണ് പൂട്ടിയത്. തുറവൂർ കവലക്ക്​ തെക്ക് ആലക്കാപറമ്പിലാണ് പഞ്ചായത്തിന്‍റെ കീഴിലുള്ള ജനകീയ ഹോട്ടൽ ആരംഭിച്ചത്. ഉദ്ഘാടനശേഷം രണ്ടാഴ്ചയോളം പ്രവർത്തിച്ചെങ്കിലും പിന്നീട് അടച്ചുപൂട്ടുകയായിരുന്നു. ജീവനക്കാരുടെ അസൗകര്യമാണ്​ അടച്ചുപൂട്ടിയതിന്​ കാരണമെന്ന്​ പഞ്ചായത്ത് അധികൃതർ പറയുന്നത്.​ എന്നാൽ, ആവശ്യത്തിന് ഫണ്ട് ലഭ്യമാകാത്തതാണ് ഹോട്ടൽ നടത്തിക്കൊണ്ടുപോകാൻ സാധിക്കാത്തതിന്​ കാരണമെന്ന് ജീവനക്കാർ പറയുന്നു. സാധാരണക്കാർക്ക് 20 രൂപക്ക്​ ഊണ് നൽകിയിരുന്നതാണ് ജനകീയ ഹോട്ടൽ. ദേശീയപാതയോരത്ത് നിരവധിപേർക്ക് സഹായകരമായിരുന്നു ഇത്​. അടിയന്തരമായി ഹോട്ടലിന്‍റെ പ്രവർത്തനം പുനരാരംഭിക്കണമെന്ന്​ നാട്ടുകാർ ആവശ്യപ്പെടുന്നു. apl hotel