വലിയഴീക്കലിൽ കുടിവെള്ളം കിട്ടാതെ ജനം വലയുന്നു

ആ​റാ​ട്ടു​പു​ഴ: വ​ലി​യ​ഴീ​ക്ക​ലി​ൽ കു​ടി​വെ​ള്ള ക്ഷാ​മം രൂ​ക്ഷം. പൈ​പ്പു​വെ​ള്ള​ത്തെ മാ​ത്രം ആ​ശ്ര​യി​ച്ച് ക​ഴി​യു​ന്ന ജ​ന​ങ്ങ​ൾ കു​ടി​വെ​ള​ളം കി​ട്ടാ​തെ വ​ല​യു​ക​യാ​ണ്. പ്ര​ദേ​ശ​ത്ത് ജ​ല​വി​ത​ര​ണം ന​ട​ത്തു​ന്ന ഹ​യ​ർ​സെ​ക്ക​ൻ​ഡ​റി സ്‌​കൂ​ളി​നു സ​മീ​പ​ത്തെ പ​മ്പി​ങ് സ്റ്റേ​ഷ​നി​ലെ മോ​ട്ട​ർ ത​ക​രാ​റാ​യ​താ​ണ് ശു​ദ്ധ​ജ​ല​ക്ഷാ​മം രൂ​ക്ഷ​മാ​കാ​ൻ കാ​ര​ണം. പ​ക​ൽ സ​മ​യ​ത്ത് ടാ​പ്പു​ക​ളി​ൽ വെ​ള്ളം കി​ട്ടു​ന്നി​ല്ല. പ്ര​ത്യേ​കി​ച്ച് കാ​യ​ലോ​ര​മാ​യ കി​ഴ​ക്ക​ൻ മേ​ഖ​ല​യി​ൽ ഒ​രു​തു​ള്ളി വെ​ള​ളം പോ​ലും എ​ത്തു​ന്നി​ല്ല.

രാ​ത്രി മു​ഴു​വ​ൻ ഉ​റ​ക്ക​മി​ള​ച്ച് കാ​ത്തി​രു​ന്നാ​ൽ നൂ​ലു​പോ​ലെ വെ​ള്ളം വ​ന്നെ​ങ്കി​ലാ​യി. കു​ടി​ക്കാ​നു​ള്ള ആ​വ​ശ്യ​ത്തി​ന് പോ​ലും ഈ ​വെ​ള്ളം തി​ക​യി​ല്ല. വ​ലി​യ വി​ല​കൊ​ടു​ത്താ​ണ് അ​ത്യാ​വ​ശ്യ​ത്തി​നു​ള്ള വെ​ള്ളം ശേ​ഖ​രി​ക്കു​ന്ന​ത്. അ​തി​ന് സാ​ധി​ക്കാ​ത്ത​വ​ർ കി​ലോ​മീ​റ്റ​ർ അ​ക​ലെ പോ​യി വെ​ള്ളം കൊ​ണ്ടു​വ​രു​ന്നു. അ​റു​ന്നു​റോ​ളം കു​ട്ടി​ക​ൾ വ​ലി​യ​ഴീ​ക്ക​ൽ ഹ​യ​ർ​സെ​ക്ക​ൻ​ഡ​റി സ്‌​കൂ​ളി​ൽ പ​ഠി​ക്കു​ന്നു​ണ്ട്. ഇ​വ​രും അ​ധ്യാ​പ​ക​രു​മെ​ല്ലാം വെ​ള​ള​മി​ല്ലാ​ത്ത​തി​നാ​ൽ ക​ടു​ത്ത ബു​ദ്ധി​മു​ട്ട് നേ​രി​ടു​ന്നു​ണ്ട്. ക​ട​ലും കാ​യ​ലും ചു​റ്റ​പ്പെ​ട്ടു​കി​ട​ക്കു​ന്ന ഉ​പ്പു പ്ര​ദേ​ശ​മാ​യ​തി​നാ​ൽ പൈ​പ്പു​വെ​ള​ളം മാ​ത്രം അ​ശ്ര​യി​ച്ചാ​ണ് മു​ന്നോ​ട്ടു പോ​കു​ന്ന​ത്.

കു​ടി​വെ​ള്ള പ്ര​ശ്നം ജ​ല അ​തോ​റി​റ്റി അ​ധി​കൃ​ത​രെ അ​റി​യി​ച്ച​പ്പോ​ൾ ലൈ​നി​ൽ അ​റ്റ​കു​റ്റ​പ്പ​ണി ന​ട​ക്കു​ക​യാ​ണെ​ന്നും ഉ​ട​ൻ വെ​ള്ളം വ​രു​മെ​ന്നു​മാ​ണ് പ​റ​യു​ന്ന​ത്. അ​ടു​ത്ത ദി​വ​സ​മാ​ണ് മോ​ട്ട​ർ കേ​ടാ​യ​താ​യി പ​റ​യു​ന്ന​ത്. പ്ര​ദേ​ശ​ത്തെ സാ​ഹ​ച​ര്യം മ​ന​സ്സി​ലാ​ക്കി പ്ര​ശ്ന​പ​രി​ഹാ​ര​ത്തി​ന് വേ​ഗ​ത്തി​ൽ ന​ട​പ​ടി ഉ​ണ്ടാ​കു​ന്നി​ല്ലെ​ന്ന് നാ​ട്ടു​കാ​ർ ആ​രോ​പി​ക്കു​ന്നു.

പ്ര​ശ്ന പ​രി​ഹാ​രം ഇ​നി​യും വൈ​കി​യാ​ൽ സ്കൂ​ളി​ന്‍റെ പ്ര​വ​ർ​ത്ത​നം അ​ട​ക്കം നി​ർ​ത്തി​വെ​ക്കേ​ണ്ട സാ​ഹ​ച​ര്യ​മാ​ണു​ള്ള​തെ​ന്ന് നാ​ട്ടു​കാ​ർ പ​റ​യു​ന്നു.