കൊല്ലം-തേനി ദേശീയപാത; ഭൂമി ഏറ്റെടുക്കൽ വിജ്ഞാപനമായി

ചാ​രും​മൂ​ട്: കൊ​ല്ലം-​തേ​നി ദേ​ശീ​യ​പാ​ത നാ​ലു​വ​രി​യാ​യി വി​ക​സി​പ്പി​ക്കു​ന്ന​തി​നു​ള്ള സ്ഥ​ലം ഏ​റ്റെ​ടു​പ്പ് സം​ബ​ന്ധി​ച്ച വി​ജ്ഞാ​പ​നം പു​റ​ത്തി​റ​ങ്ങി. ര​ണ്ടു ഗ​സ​റ്റ് വി​ജ്ഞാ​പ​ന ങ്ങ​ളി​ലാ​യി കൊ​ല്ലം -ക​ട​വൂ​ർ മു​ത​ൽ വ​യ്യാ​ങ്ക​ര വ​രെ​യു​ള്ള ഭാ​ഗ​വും വ​യ്യാ​ങ്ക​ര മു​ത​ൽ ചെ​ങ്ങ​ന്നൂ​ർ ആ​ഞ്ഞി​ലി​മൂ​ട് വ​രെ​യു​ള്ള ജി​ല്ല​യു​ടെ ഭാ​ഗ​ത്തെ​യും സ്ഥ​ല​വി​വ​ര​ങ്ങ​ളാ​ണ് ഗ​സ​റ്റ് നോ​ട്ടി​ഫി​ക്കേ​ഷ​നാ​യി പ്ര​സി​ദ്ധീ​ക​രി​ച്ച​ത്. ഇ​തോ​ടു​കൂ​ടി ദേ​ശീ​യ​പാ​ത വി​ക​സ​ന​ത്തി​ന് വേ​ഗം കൈ​വ​രു​മെ​ന്ന്​ കൊ​ടി​ക്കു​ന്നി​ൽ സു​രേ​ഷ് എം.​പി പ​റ​ഞ്ഞു.

ഗ​സ​റ്റ് നോ​ട്ടി​ഫി​ക്കേ​ഷ​നി​ൽ പാ​ത വി​ക​സ​ന​ത്തി​നാ​വ​ശ്യ​മാ​യി ഏ​റ്റെ​ടു​ക്കേ​ണ്ടി​വ​രു​ന്ന ഭൂ​മി​യു​ടെ സ​ർ​വേ ന​മ്പ​രും ബ്ലോ​ക്ക് ന​മ്പ​റും തി​രി​ച്ചു​ള്ള വി​വ​ര​ങ്ങ​ളാ​ണ് ഇ​പ്പോ​ൾ പ്ര​സി​ദ്ധീ​ക​രി​ച്ചി​രി​ക്കു​ന്ന​ത്.  അ​ടു​ത്ത​ഘ​ട്ടം എ​ന്ന നി​ല​യി​ൽ ഏ​റ്റെ​ടു​ക്കു​ന്ന സ്ഥ​ല​ത്ത് ക​ല്ലി​ട​ൽ ന​ട​ക്കും. പ​ദ്ധ​തി​ക്കാ​യി ഏ​റ്റെ​ടു​ക്കു​ന്ന വ​സ്തു​വ​ക​ക​ൾ​ക്ക് ന്യാ​യ​മാ​യ ന​ഷ്ട​പ​രി​ഹാ​രം ഉ​റ​പ്പാ​ക്കു​ന്ന നി​യ​മ​മ​നു​സ​രി​ച്ച് ആ​യി​രി​ക്കും മാ​ർ​ക്ക​റ്റ് വി​ല​യെ അ​ടി​സ്ഥാ​ന​പ്പെ​ടു​ത്തി ന​ഷ്ട​പ​രി​ഹാ​രം ക​ണ​ക്കാ​ക്കു​ക​യെ​ന്ന് കൊ​ടി​ക്കു​ന്നി​ൽ സു​രേ​ഷ് എം.​പി പ​റ​ഞ്ഞു.

24 മീ​റ്റ​റി​ൽ പു​തി​യ അ​ലൈ​ൻ​മെ​ന്‍റ്​ പ്ര​കാ​രം പ്ര​ധാ​ന വ​ള​വു​ക​ളെ​ല്ലാം നി​വ​ർ​ത്തും. ചി​റ്റു​മ​ല, ഭ​ര​ണി​ക്കാ​വ്, താ​മ​ര​ക്കു​ളം, ഗു​രു​നാ​ഥ​ൻ കു​ള​ങ്ങ​ര, ചു​ന​ക്ക​ര തെ​രു​വി​ൽ മു​ക്ക്, വെ​ട്ടി​യാ​ർ പാ​റ​ക്കു​ള​ങ്ങ​ര, നാ​ലു​മു​ക്ക്, ആ​ല എ​ന്നി​വി​ട​ങ്ങ​ളി​ൽ വ​ള​വു​ക​ൾ നി​വ​ർ​ത്തി റോ​ഡ്​ നേ​രെ​യാ​യി​രി​ക്കും നി​ർ​മി​ക്കു​ക.

കൊ​ല്ലം ജി​ല്ല​യി​ലെ ച​ക്കു​വ​ള്ളി​യി​ൽ അ​ടി​പ്പാ​ത​യും ഉ​ണ്ടാ​കും. പെ​രി​നാ​ട് റെ​യി​ൽ​വേ ഓ​വ​ർ ബ്രി​ഡ്‌​ജ്, ക​ട​പു​ഴ, കൊ​ല്ല​ക​ട​വ് എ​ന്നി​വി​ട​ങ്ങ​ളി​ൽ വ​ലി​യ പു​തി​യ​പാ​ല​ങ്ങ​ൾ പാ​ത​യ്ക്കാ​യി നി​ർ​മി​ക്കും. വ​ള​വു​ക​ൾ നി​വ​ർ​ത്തി പു​ന​ർ​നി​ർ​മി​ക്കു​ന്ന​തോ​ടെ ആ​കെ ദൂ​ര​ത്തി​ൽ മൂ​ന്നു കി​ലോ​മീ​റ്റ​ർ കു​റ​യും. ചാ​രും​മൂ​ട്ടി​ൽ ജ​ങ്​​ഷ​ൻ ന​വീ​ക​ര​ണ​വും ഉ​ണ്ടാ​കും.

ര​ണ്ടാം യു.​പി.​എ സ​ർ​ക്കാ​റി​ന്‍റെ കാ​ല​ത്ത് കൊ​ടി​ക്കു​ന്നി​ൽ സു​രേ​ഷ് എം.​പി കേ​ന്ദ്ര തൊ​ഴി​ൽ സ​ഹ​മ​ന്ത്രി​യാ​യി​രി​ക്കെ ന​ട​ത്തി​യ ഇ​ട​പെ​ട​ലി​ലാ​ണ് കൊ​ല്ലം-​തേ​നി ദേ​ശീ​യ​പാ​ത 183 അ​നു​വ​ദി​ച്ച​ത്.