മഴ ശക്തമായി; വെള്ളക്കെട്ടിലായി ആലപ്പുഴ നഗരം

ആ​ല​പ്പു​ഴ: മ​ഴ ശ​ക്​​ത​മാ​യ​തോ​ടെ ആ​ല​പ്പു​ഴ ന​ഗ​ര​പ്ര​ദേ​ശ​ത്ത്​ മി​ക്ക​യി​ട​ങ്ങ​ളി​ലും വെ​ള്ള​ക്കെ​ട്ട്. കാ​ന​ക​ൾ മ​ണ്ണ്​ നി​റ​ഞ്ഞ്​ ഒ​ഴു​ക്ക്​ നി​ല​ച്ച​താ​ണ്​ വെ​ള്ള​ക്കെ​ട്ടി​ന്​ കാ​ര​ണം. റോ​ഡു​ക​ളി​ലും മി​ക്ക​യി​ട​ത്തും വെ​ള്ള​ക്കെ​ട്ടു​ണ്ട്. റാ​ണി, ഷ​ഡാ​മ​ണി തോ​ടു​ക​ൾ, വാ​ട​ക്ക​നാ​ൽ, എ.​എ​സ് ക​നാ​ൽ എ​ന്നി​വ​യി​ലൂ​ടെ​ ആ​വ​ശ്യ​ത്തി​ന്​ വെ​ള്ളം ഒ​ഴു​കി​പ്പോ​കാ​ത്ത​താ​ണ്​ വെ​ള്ള​ക്കെ​ട്ടി​ന്​ പ്ര​ധാ​ന കാ​ര​ണം​.

കാ​ന​ക​ളി​ലെ​യും ക​നാ​ലു​ക​ളി​ലെ​യും പോ​ള​യും മാ​ലി​ന്യ​ങ്ങ​ളും നീ​ക്കി​യി​രു​ന്നു​വെ​ങ്കി​ലും മ​ണ്ണും ച​ളി​യും​ അ​ടി​ഞ്ഞ്​ കി​ട​ക്കു​ക​യാ​ണ്. ന​ഗ​ര​സ​ഭ, ഇ​റി​ഗേ​ഷ​ൻ വു​കു​പ്പ്, പൊ​തു​മ​രാ​മ​ത്ത്​ വ​കു​പ്പ്​ എ​ന്നി​വ​യാ​ണ്​ കാ​ന​ക​ളും തോ​ടു​ക​ളും ശു​ചീ​ക​രി​ക്കേ​ണ്ട​ത്. റോ​ഡു​ക​ളു​ടെ സ​മീ​പ​ത്ത് താ​മ​സി​ക്കു​ന്ന കു​ടും​ബ​ങ്ങ​ൾ, വ്യാ​പാ​ര​ശാ​ല​ക​ൾ, യാ​ത്ര​ക്കാ​ർ എ​ന്നി​വ​ർ​ക്ക്​ വെ​ള്ള​ക്കെ​ട്ട് ദു​രി​ത​മാ​കു​ന്നു. ന​ഗ​ര​സ​ഭ​ക്ക്​ പു​റ​മേ ദേ​ശീ​യ​പാ​ത, പൊ​തു​മ​രാ​മ​ത്ത്, എ​ന്നീ വ​കു​പ്പു​ക​ളു​ടെ ഉ​ട​മ​സ്ഥ​ത​യി​ലു​ള്ള​താ​ണ് റോ​ഡു​ക​ൾ. പ്ര​ധാ​ന പാ​ത​ക​ൾ ഇ​രു​വ​ശ​ത്തും കാ​ന​ക​ളോ​ടെ​യാ​ണ് നി​ർ​മി​ച്ചി​ട്ടു​ള്ള​ത്.

ഇ​തി​ന്റെ പ​രി​പാ​ല​ന ചു​മ​ത​ല ഓ​രോ വ​കു​പ്പി​നാ​ണ്. ഇ​വ​യി​ലെ ചെ​ളി​യും മ​റ്റ് മാ​ലി​ന്യ​ങ്ങ​ളും ന​ഗ​ര​സ​ഭ​യു​ടെ സ​ഹ​ക​ര​ണ​ത്തോ​ടെ​യാ​ണ് നീ​ക്കു​ന്ന​ത്. ന​ഗ​ര​സ​ഭ​യു​ടെ ഗ്രാ​മീ​ണ റോ​ഡു​ക​ളു​ടെ ഒ​രു​ഭാ​ഗം കാ​ന​യാ​ണ്. ക​ല​ക്​​ട​റേ​റ്റി​ന്​ തെ​ക്ക്​ ഭാ​ഗ​ത്തും സ​ഖ​റി​യ ബ​സാ​ർ പ​രി​സ​ര​ങ്ങ​ളി​ലും കാ​ന​ക​ൾ മാ​ലി​ന്യം നി​റ​ഞ്ഞ്​ ഒ​ഴു​ക്ക്​ നി​ല​ച്ച നി​ല​യി​ലാ​ണ്.

ഇ​വി​ടെ കാ​ന​ക​ളു​ടെ മു​ക​ൾ പ​ര​പ്പി​ലെ മാ​ലി​ന്യം പോ​ലും നീ​ക്കി​യി​ട്ടി​ല്ലെ​ന്ന്​ സ​മീ​പ​വാ​സി​ക​ൾ പ​റ​യു​ന്നു. പി​ച്ചു അ​യ്യ​ർ മു​ത​ൽ ക​ള​ർ​കോ​ട് വ​രെ റോ​ഡ് വ​രെ പ​ഴ​യ ദേ​ശീ​യ​പാ​ത​യാ​ണ്. മ​റ്റ് റോ​ഡു​ക​ൾ പൊ​തു​മ​രാ​മ​ത്ത് വ​കു​പ്പി​ന്റേ​തും. ന​ഗ​ര​ത്തി​ൽ ഇ​രു​മ്പു പാ​ല​ത്തി​ന് തെ​ക്ക് ഭാ​ഗ​ത്തെ വാ​ർ​ഡു​ക​ളി​ലെ കാ​ന​ക​ളി​ലെ ജ​ലം റാ​ണി, ഷ​ഡാ​മ​ണി തോ​ടു​ക​ളി​ലൂ​ടെ വാ​ട​പൊ​ഴി​യി​ലൂ​ടെ ക​ട​ലി​ലേ​ക്കും വ​ട​ക്ക​ൻ മേ​ഖ​ല​യി​ലെ കാ​ന​ക​ളി​ലെ വെ​ള്ളം വാ​ട​ക്ക​നാ​ൽ, എ.​എ​സ് ക​നാ​ലി​ലൂ​ടെ വേ​മ്പ​നാ​ട്ട് കാ​യ​ലി​ലേ​ക്കു​മാ​ണ് ഒ​ഴു​ക്കു​ന്ന​ത്. റാ​ണി തോ​ട്ടി​ൽ ഒ​ഴു​ക്ക്​ കു​റ​ഞ്ഞ​തി​നാ​ൽ ശ​ക്​​ത​മാ​യ മ​ഴ​യി​ൽ പു​ല​യ​ൻ​വ​ഴി​ക്ക്​ തെ​ക്ക്​ ഭാ​ഗ​ത്ത്​ വീ​ട്ടു​വ​ള​പ്പു​ക​ളി​ൽ​വ​രെ വെ​ള്ള​ക്കെ​ട്ടാ​കു​ന്നു. സ്​​റ്റേ​ഡി​യം വാ​ർ​ഡി​ലൂ​ടെ ഒ​ഴു​കു​ന്ന ഷ​ഡാ​മ​ണി തോ​ട്ടി​ലും ആ​ഴം കൂ​ട്ട​ൽ ജോ​ലി​ക​ൾ ന​ട​ന്നി​ട്ടി​ല്ല. ര​ണ്ടി​ട​ത്തും ഉ​പ​രി​ത​ല​ത്തി​ലെ മാ​ലി​ന്യം നീ​ക്കു​ക​മാ​ത്ര​മാ​ണു​ണ്ടാ​യ​ത്.

ക​ലു​ങ്ക്​ വീ​തി​കൂ​ട്ട​ണ​മെ​ന്ന്​ ആ​വ​ശ്യം

ക​ല​ക്​​ട​റേ​റ്റി​ന്​ പ​ടി​ഞ്ഞാ​റ്​ റോ​ഡി​ന്​ കു​റു​കെ​യു​ള്ള ക​ലു​ങ്ക്​ വീ​തി​കൂ​ട്ട​ണ​മെ​ന്ന്​ ആ​വ​ശ്യം. ല​ജ്​​ന​ത്തു​ൽ, സ​ഖ​റി​യ വാ​ർ​ഡു​ക​ളി​ൽ വെ​ള്ള​ക്കെ​ട്ടി​ന്​ കാ​ര​ണ​മാ​കു​ന്ന​ത്​ ഈ ​ക​ലു​ങ്കി​ലൂ​ടെ വെ​ള്ളം പോ​കാ​ത്ത​തി​നാ​ലാ​ണെ​ന്ന്​ താ​മ​സ​ക്കാ​ർ ചൂ​ണ്ടി​ക്കാ​ട്ടു​ന്നു. റാ​ണി​​തോ​ട്​ ഒ​ഴു​കു​ന്ന​ത്​ ഈ ​ക​ലു​ങ്കി​ന്​ അ​ടി​യി​ലൂ​ടെ​യാ​ണ്. ക​ലു​ങ്കി​ന്​ വി​സ്താ​രം വ​ള​രെ കു​റ​വാ​ണ്. ബി.​എ​സ്.​എ​ൻ.​എ​ൽ, കെ.​എ​സ്.​ഇ.​ബി, വാ​ട്ട​ർ അ​തോ​റി​ട്ടി തു​ട​ങ്ങി​യ​വ​രു​ടേ​താ​യി എ​ട്ട്​ പൈ​പ്പു​ക​ൾ ക​ലു​ങ്കി​നു​ള്ളി​ലൂ​ടെ ക​ട​ന്നു​പോ​കു​ന്നു.

പൈ​പ്പു​ക​ളി​ൽ ഖ​ര​മാ​ലി​ന്യം ത​ട​ഞ്ഞ്​ ഒ​ഴു​ക്ക്​ നി​ല​ക്കു​ന്ന​ത്​ പ​തി​വാ​ണ്. ഇ​പ്പോ​ൾ ഒ​ഴു​ക്ക്​ നി​ല​ച്ച നി​ല​യി​ലാ​ണ്. സ​ഖ​റി​യ വാ​ർ​ഡി​ൽ മൂ​ന്നു തോ​ടു​ക​ളു​ണ്ട്. ഇ​വ മൂ​ന്നും ചെ​ളി​യ​ടി​ഞ്ഞ നി​ല​യി​ലാ​ണ്. മേ​യ്​ മാ​സ​ത്തി​ൽ പെ​യ്ത വേ​ന​ൽ മ​ഴ​യി​ൽ റാ​ണി​തോ​ട്ടി​ൽ ഒ​ഴു​ക്ക്​ നി​ല​ച്ച​തു​മൂ​ലം സൂ​പ്പ​ർ​മാ​ർ​ക്ക​റ്റി​ൽ​വ​രെ വെ​ള്ളം​ക​യ​റി​യി​രു​ന്നു. തോ​ടു​ക​ളി​ലെ മ​ണ്ണും ച​ളി​യും മാ​ലി​ന്യ​വും നീ​ക്ക​ണ​മെ​ന്നും ക​ലു​ങ്ക്​ വീ​തി​കൂ​ട്ട​ണ​മെ​ന്നും നാ​ട്ടു​കാ​ർ ആ​വ​ശ്യ​പ്പെ​ടു​ന്നു.

മ​ഴ തു​ട​ങ്ങി​യി​ട്ട്​ ന​ഗ​ര​സ​ഭ തോ​ടു​ക​ൾ വൃ​ത്തി​യാ​ക്കാ​ൻ ഫ​ണ്ട്​ അ​നു​വ​ദി​ച്ചി​ട്ട്​ കാ​ര്യ​മി​ല്ലെ​ന്ന്​ ചൂ​ണ്ടി​കാ​ണി​ക്ക​പ്പെ​ടു​ന്നു. ഇ​പ്പോ​ൾ തോ​ടു​ക​ൾ വെ​ള്ളം നി​റ​ഞ്ഞ നി​ല​യി​ലാ​ണ്. ഇ​തി​ൽ നി​ന്ന്​ ചെ​ളി നീ​ക്കം ചെ​യ്യ​ൽ പ്രാ​യോ​ഗി​ക​മ​ല്ല. എ​ല്ലാ​വ​ർ​ഷ​വും മ​ഴ തു​ട​ങ്ങി​യ ശേ​ഷം ശു​ചീ​ക​ര​ണ​ത്തി​ന്​ എ​ത്തു​ക​യും പേ​രി​ന്​ എ​ന്തെ​ങ്കി​ലും ചെ​യ്ത്​ പോ​കു​ക​യു​മാ​ണ്.