കായംകുളം: ഒഴുക്ക് ശക്തമായ കരിപ്പുഴ തോട്ടിൽ മത്സ്യബന്ധന വള്ളം മറിഞ്ഞു. അപകടത്തിൽപെട്ടവരെ അഗ്നിരക്ഷാ സംഘവും നാട്ടുകാരും ചേർന്ന് രക്ഷപ്പെടുത്തി.
മത്സ്യബന്ധനത്തിനിറങ്ങിയ കായംകുളം സ്വദേശികളായ ഇബ്രാഹിം കുട്ടി, സലിം വാഹിദ് എന്നിവരാണ് വള്ളത്തിൽ ഉണ്ടായിരുന്നത്. വെള്ളിയാഴ്ച രാവിലെ 11ഓടെ കനീസ പാലത്തിന് താഴെയായിരുന്നു സംഭവം. ഒഴുക്കിൽ നിയന്ത്രണം തെറ്റി പാലത്തിലെ തൂണിൽ ഇടിച്ചായിരുന്നു അപകടം. വളളത്തിൽനിന്നും തെറിച്ചുവീണ മൂവരും നീന്തിയെത്തി ഉയർത്താൻ ശ്രമിച്ചെങ്കിലും വിജയിച്ചില്ല.
സംഭവം നടന്ന ഉടൻ പൊലീസും സ്ഥലത്ത് എത്തിയിരുന്നു. തുടർന്ന് അഗ്നി രക്ഷാ സംഘം വടം എറിഞ്ഞ് നൽകിയാണ് വള്ളം ഉയർത്തി മൂവരെയും കരക്ക് എത്തിച്ചത്. ആർക്കും പരിക്കില്ല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.