കണ്ടല്ലൂർ സർവിസ് സഹകരണ ബാങ്ക് സ്വർണപ്പണയ തട്ടിപ്പ്; പിരിച്ചുവിട്ട ജീവനക്കാരെ തിരിച്ചെടുക്കാൻ സി.പി.എം തീരുമാനം

കാ​യം​കു​ളം: സി.​പി.​എം നി​യ​ന്ത്ര​ണ​ത്തി​ലു​ള്ള ക​ണ്ട​ല്ലൂ​ർ സ​ർ​വി​സ് സ​ഹ​ക​ര​ണ ബാ​ങ്കി​ലെ സ്വ​ർ​ണ​പ്പ​ണ​യ ത​ട്ടി​പ്പ് വി​ഷ​യ​ത്തി​ൽ ജീ​വ​ന​ക്കാ​ർ​ക്കെ​തി​രെ സ്വീ​ക​രി​ച്ച അ​ച്ച​ട​ക്ക ന​ട​പ​ടി മ​ര​വി​പ്പി​ക്കാ​ൻ പാ​ർ​ട്ടി ഏ​രി​യ ക​മ്മി​റ്റി​യി​ൽ തീ​രു​മാ​നം.

സി.​പി.​എം ഘ​ട​ക​ങ്ങ​ളു​മാ​യി ആ​ലോ​ചി​ക്കാ​തെ ഏ​രി​യ സെ​ന്‍റ​ർ അം​ഗം കൂ​ടി​യാ​യ ബാ​ങ്ക് പ്ര​സി​ഡ​ന്‍റ് അ​ഡ്വ. എ​സ്. സു​നി​ൽ​കു​മാ​റി​ന്‍റെ ന​ട​പ​ടി​ക്കെ​തി​രെ ക​മ്മി​റ്റി​യി​ൽ രൂ​ക്ഷ വി​മ​ർ​ശ​ന​മാ​ണ് ഉ​യ​ർ​ന്ന​ത്.

ചീ​ഫ് അ​ക്കൗ​ണ്ട​ന്‍റ് ഉ​ല്ലാ​സ് ഭാ​നു, അ​ക്കൗ​ണ്ട​ന്‍റു​മാ​രാ​യ അ​മ്പി​ളി, റേ​ച്ച​ൽ പോ​ൾ, സീ​നി​യ​ർ ക്ല​ർ​ക്കു​മാ​രാ​യ എ​ൻ.​എ​സ്. ജ​യ​ല​ക്ഷ്മി, കെ. ​രാ​ഹു​ൽ എ​ന്നി​വ​രെ പി​രി​ച്ചു​വി​ട്ട ന​ട​പ​ടി​യാ​ണ് പി​ൻ​വ​ലി​ക്കാ​ൻ നി​ർ​ദേ​ശി​ച്ച​ത്. പാ​ർ​ട്ടി ക​മീ​ഷ​നെ മ​റി​ക​ട​ന്ന് അ​ഭി​ഭാ​ഷ​ക ക​മീ​ഷ​ൻ റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ലാ​ണ് പി​രി​ച്ചു​വി​ട്ട​ത്.

ഇ​ത് പാ​ർ​ട്ടി​ക്കു​ള്ളി​ൽ വി​ഭാ​ഗീ​യ​ത രൂ​ക്ഷ​മാ​ക്കി. ലോ​ക്ക​ൽ ക​മ്മി​റ്റി അം​ഗ​ങ്ങ​ള​ട​ക്കം കൂ​ട്ട​രാ​ജി ന​ൽ​കി. അ​ഞ്ച് ലോ​ക്ക​ൽ ക​മ്മി​റ്റി അം​ഗ​ങ്ങ​ളും ര​ണ്ട് ബ്രാ​ഞ്ച് സെ​ക്ര​ട്ട​റി​മാ​രും നി​ര​വ​ധി പാ​ർ​ട്ടി അം​ഗ​ങ്ങ​ളു​മാ​ണ് രാ​ജി ന​ൽ​കി​യ​ത്. ഇ​തോ​ടെ വി​ഷ​യം പ​ഠി​ക്കാ​ൻ ഏ​രി​യ സെ​ക്ര​ട്ട​റി പി. ​അ​ര​വി​ന്ദാ​ക്ഷ​ൻ, ജി​ല്ല ക​മ്മി​റ്റി അം​ഗം പി. ​ഗാ​ന​കു​മാ​ർ, മു​തി​ർ​ന്ന നേ​താ​വ് പ്ര​ഫ. എം.​ആ​ർ. രാ​ജ​ശേ​ഖ​ര​ൻ എ​ന്നി​വ​ര​ട​ങ്ങി​യ പു​തി​യ ഉ​പ​സ​മി​തി​യെ നി​യോ​ഗി​ച്ചി​രു​ന്നു. സം​ഭ​വ​ത്തി​ന്‍റെ തു​ട​ക്ക​ത്തി​ൽ നി​യോ​ഗി​ച്ച ജി​ല്ല സെ​ക്ര​ട്ടേ​റി​യ​റ്റ് അം​ഗം എ. ​മ​ഹേ​ന്ദ്ര​ൻ ക​മ്മി​റ്റി​യു​ടെ റി​പ്പോ​ർ​ട്ടും ക​മ്മി​റ്റി മു​മ്പാ​കെ ന​ൽ​കി​യി​ട്ടി​ല്ല.

പി​രി​ച്ചു​വി​ട​ൽ തീ​രു​മാ​നം ഏ​രി​യ സെ​ക്ര​ട്ട​റി, ജി​ല്ല സെ​ക്ര​ട്ടേ​റി​യ​റ്റ് അം​ഗം, ഫ്രാ​ക്ഷ​ൻ ക​മ്മി​റ്റി ക​ൺ​വീ​ന​ർ തു​ട​ങ്ങി​യ മു​തി​ർ​ന്ന നേ​താ​ക്ക​ളെ അ​റി​യി​ക്കാ​തി​രു​ന്ന​തും വി​മ​ർ​ശ​ന​ത്തി​ന് കാ​ര​ണ​മാ​യി. ഇ​തി​ൽ പ്ര​തി​ഷേ​ധി​ച്ച് ഫ്രാ​ക്ഷ​ൻ ക​മ്മി​റ്റി ക​ൺ​വീ​ന​ർ ചു​മ​ത​ല ഒ​ഴി​ഞ്ഞു.

ഏ​രി​യ ക​മ്മി​റ്റി ന​ഗ​ര​ത്തി​ൽ സം​ഘ​ടി​പ്പി​ച്ച പ​രി​പാ​ടി​യി​ൽ​നി​ന്ന് ക​ണ്ട​ല്ലൂ​രി​ലെ ര​ണ്ട് ലോ​ക്ക​ൽ ക​മ്മി​റ്റി​ക​ളും വി​ട്ടു​നി​ന്ന് പ്ര​തി​ഷേ​ധം അ​റി​യി​ച്ചു. തു​ട​ർ​ന്ന് പു​തി​യ​വി​ള ലോ​ക്ക​ൽ ക​മ്മി​റ്റി​യു​ടെ ജ​ന​റ​ൽ ബോ​ഡി​യും ബ​ഹി​ഷ്ക​രി​ച്ച​തോ​ടെ പാ​ർ​ട്ടി​യു​ടെ അ​ടി​ത്ത​റ ത​ക​രു​മെ​ന്ന തി​രി​ച്ച​റി​വ് നേ​തൃ​ത്വ​ത്തി​നു​ണ്ടാ​യി. ഇ​തോ​ടെ​യാ​ണ് പി​രി​ച്ചു​വി​ട​ൽ ന​ട​പ​ടി ഒ​ഴി​വാ​ക്കാ​ൻ ഏ​രി​യ ക​മ്മി​റ്റി തീ​രു​മാ​നി​ച്ച​ത്.

ബാ​ങ്കി​ന് അ​ര​ക്കോ​ടി​യോ​ളം രൂ​പ ന​ഷ്ടം വ​ന്ന സ്വ​ർ​ണ​പ്പ​ണ​യ ത​ട്ടി​പ്പ് കേ​സി​ൽ ജീ​വ​ന​ക്കാ​രെ മാ​ത്രം ബ​ലി​യാ​ടാ​ക്കി നേ​താ​ക്ക​ൾ ര​ക്ഷ​പ്പെ​ടു​ന്ന​ത​ര​ത്തി​ൽ ഇ​ട​പെ​ട​ലു​ണ്ടാ​യ​താ​യാ​ണ് തു​ട​ക്കം മു​ത​ലു​ള്ള ആ​ക്ഷേ​പം. കാ​ലാ​വ​ധി ക​ഴി​ഞ്ഞ സ്വ​ർ​ണ​പ്പ​ണ​യ ഉ​രു​പ്പ​ടി​ക​ൾ ലേ​ല​ത്തി​ൽ വി​റ്റ​തി​ലൂ​ടെ അ​ര​ക്കോ​ടി​യോ​ളം രൂ​പ​യു​ടെ ന​ഷ്ടം ബാ​ങ്കി​ന് സം​ഭ​വി​ച്ചി​രു​ന്നു. പ​ണ​യ ഉ​രു​പ്പ​ടി​ക​ൾ മ​റി​ച്ചു​വി​റ്റ​തി​ന് പി​ന്നി​ൽ വ​ൻ അ​ഴി​മ​തി ന​ട​ന്ന​താ​യി ഓ​ഡി​റ്റി​ൽ ക​ണ്ടെ​ത്തി​യി​രു​ന്നു.

ന​ഷ്ടം മു​ൻ സെ​ക്ര​ട്ട​റി​യും ഭ​ര​ണ​സ​മി​തി​യും വ​ഹി​ക്ക​ണ​മെ​ന്നാ​യി​രു​ന്നു ഓ​ഡി​റ്റ് നി​ർ​ദേ​ശം. അ​തേ​സ​മ​യം, ന​ഷ്ടം ഭ​ര​ണ​സ​മി​തി വ​ഹി​ക്കേ​ണ്ട​തി​ല്ലെ​ന്നും ജീ​വ​ന​ക്കാ​ർ വ​ഹി​ക്ക​ണ​മെ​ന്നു​മാ​യി​രു​ന്നു ഏ​രി​യ ക​മ്മി​റ്റി തീ​രു​മാ​നം.

എ​ന്നാ​ൽ, നേ​താ​ക്ക​ൾ ന​ട​ത്തി​യ അ​ഴി​മ​തി​ക്ക് ത​ങ്ങ​ൾ ഉ​ത്ത​ര​വാ​ദി​ക​ള​ല്ലെ​ന്ന നി​ല​പാ​ടാ​ണ് ലോ​ക്ക​ൽ ക​മ്മി​റ്റി അം​ഗം ഉ​ൾ​പ്പെ​ടെ ഒ​രു​വി​ഭാ​ഗം ജീ​വ​ന​ക്കാ​ർ സ്വീ​ക​രി​ച്ച​ത്. സം​ഭ​വം വി​വാ​ദ​മാ​യ​തോ​ടെ സെ​ക്ര​ട്ട​റി​യും ചീ​ഫ് അ​ക്കൗ​ണ്ട​ന്‍റും അ​ട​ക്കം ഒ​മ്പ​ത് ജീ​വ​ന​ക്കാ​രെ സ​സ്പെ​ൻ​ഡ് ചെ​യ്ത ഭ​ര​ണ​സ​മി​തി തീ​രു​മാ​നം ഹൈ​കോ​ട​തി റ​ദ്ദാ​ക്കി​യി​രു​ന്നു. ഇ​തോ​ടെ വാ​ശി വ​ർ​ധി​ച്ച ഭ​ര​ണ​സ​മി​തി അ​ഭി​ഭാ​ഷ​ക ക​മീ​ഷ​നെ നി​യോ​ഗി​ച്ചാ​ണ് അ​ഞ്ച് ജീ​വ​ന​ക്കാ​ർ​ക്കെ​തി​രെ ന​ട​പ​ടി സ്വീ​ക​രി​ച്ച​ത്. പ​ണം തി​രി​കെ അ​ട​ക്കാ​ൻ ത​യാ​റാ​യ മൂ​ന്ന് ജീ​വ​ന​ക്കാ​രെ ന​ട​പ​ടി​യി​ൽ​നി​ന്ന് ഒ​ഴി​വാ​ക്കി​യി​രു​ന്നു.

ഏ​രി​യ ക​മ്മി​റ്റി​യു​ടെ തീ​രു​മാ​ന​ത്തോ​ടെ ന​ട​പ​ടി​ക്കെ​തി​രെ ജീ​വ​ന​ക്കാ​ർ ന​ൽ​കി​യ അ​പ്പീ​ൽ അം​ഗീ​ക​രി​ച്ച് തി​രി​ച്ചെ​ടു​ക്കു​മെ​ന്നാ​ണ് ക​രു​തു​ന്ന​ത്.