കായംകുളം: മോഷ്ടിച്ച ബൈക്കിൽ കറങ്ങിനടന്ന് കവർച്ച നടത്തുന്ന സംഘത്തിലെ രണ്ട് പേർകൂടി പിടിയിൽ. കൊല്ലം പാരിപ്പള്ളി കുളത്തൂർകോണം ചേരിയിൽ ചിറക്കരെ ആതിരാഭവനത്തിൽ അജിത്ത് (അച്ചു -24), കൊല്ലം മീനാട് ചാത്തന്നൂർ സുറുമി മൻസിൽ ഷാജഹാൻ (25) എന്നിവരെയാണ് കരീലക്കുളങ്ങര പൊലീസ് പിടികൂടിയത്. കരീലക്കുളങ്ങര പുത്തൻ റോഡ് ജങ്ഷന് സമീപം കട നടത്തുന്ന പുഷ്പവല്ലിയുടെ രണ്ടര പവെൻറ മാല കവർന്ന സംഭവത്തിലാണ് നടപടി. കവർച്ച നടത്തിയ നീണ്ടകര പരിമണം എട്ടൻതറ കിഴക്കതിൽ പ്രേമൻ (35), ഇത്തിക്കര വയലിൽ പുത്തൻവീട്ടിൽ സെയ്താലി (21), സഹായി പറവൂർ വാരവിള വീട്ടിൽ ജയൻ (24) എന്നിവർ നേരേത്ത അറസ്റ്റിലായിരുന്നു.
കടയിൽനിന്ന് സാധനം വാങ്ങാനെന്ന വ്യാജേനെ എത്തിയായിരുന്നു മോഷണം. സാധനം വാങ്ങിയശേഷം നൽകിയ തുകയുടെ ബാക്കി നൽകാനായി മേശയുടെ സമീപത്തേക്ക് തിരിഞ്ഞ സമയത്താണ് അപ്രതീക്ഷിതമായി മാല പൊട്ടിച്ച് ബൈക്കിൽ കടന്നുകളഞ്ഞത്. അജിത്തും ഷാജഹാനും ചേർന്ന് മോഷ്ടിച്ച ബൈക്കിലാണ് ഇവർ മോഷണത്തിന് എത്തിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.