കൂത്താട്ടുകുളം: മംഗലത്തുതാഴം പെരുംകുറ്റി പി.ഡബ്ല്യു.ഡി. റോഡ് നിർമാണത്തിൽ വ്യാപക അഴിമതിയാരോപിച്ച് യൂത്ത് കോൺഗ്രസ് മണ്ഡലം കമ്മിറ്റി റോഡ് ഉപരോധിച്ച് പ്രതിഷേധിച്ചു. നഗരസഭ പ്രതിപക്ഷ നേതാവ് പ്രിൻസ് പോൾ ജോൺ സമരം ഉദ്ഘാടനം ചെയ്തു. ബി.എം.ബി.സി. റോഡ് നിർമാണത്തിലെ ആദ്യഘട്ട പ്രവർത്തനം പൂർത്തിയായി ഒരു മാസം പോലും ആകും മുമ്പേ റോഡിൽ പല ഭാഗത്തും കുഴികൾ രൂപപ്പെട്ടു. ഡിപ്പാർട്മെന്റ് ഉദ്യോഗസ്ഥരുടെ അസാന്നിധ്യത്തിലാണ് പലപ്പോഴും പ്രവൃത്തി നടന്നത്. കൗൺസിലർമാരായ ബോബൻ വർഗീസ്, ഭാസ്കരൻ പി.സി, ജിജോ ടി. ബേബി, റോയ് ഇരട്ടയാനി, ജോമി മാത്യു, അമൽ സജീവൻ, സുമേഷ് ഗോപി, ബേബി എം.യു, ജിൻസ് പൈറ്റക്കുളം, പ്രകാശ് ഭാസ്കർ, അനീഷ് മാത്യു, അജു ചെറിയാൻ, അജീഷ് കെ. ജോയി, റാഫേൽ വൻ നിലം എന്നിവർ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.