കൊച്ചി: ജനവാസ മേഖലയിൽ മൊബൈൽ ടവറുകൾ സ്ഥാപിക്കുമ്പോൾ എല്ലാ അയൽവീട്ടുകാരുടെയും അനുമതി ആവശ്യമില്ലെന്ന് ഹൈകോടതി. 2019ലെ കേരള മുനിസിപ്പാലിറ്റി കെട്ടിട നിർമാണച്ചട്ട പ്രകാരം ടവർ സ്ഥാപിക്കുന്നതിനോട് ചേർന്നുകിടക്കുന്ന ഭൂവുടമയുടെ അനുമതി മാത്രം മതി. മുനിസിപ്പാലിറ്റി ബിൽഡിങ് ചട്ടത്തിൽ ടെലികമ്യൂണിക്കേഷൻ ടവർ സ്ഥാപിക്കാൻ അകലം ഉൾപ്പെടെ കാര്യങ്ങളിൽ വ്യവസ്ഥകളുണ്ട്. ഇതിലധികം വ്യവസ്ഥകൾ നിശ്ചയിച്ച് സർക്കുലർ ഇറക്കുന്നതും ടവർ നിർമാണം നിയന്ത്രിക്കുന്നതും നിയമപരമല്ലെന്നും ജസ്റ്റിസ് ഷാജി പി. ചാലി വ്യക്തമാക്കി. വീടിന്റെ 50 ചതുരശ്രമീറ്റർ പരിധിക്കകത്ത് ടവർ സ്ഥാപിക്കാൻ വീട്ടുകാരുടെ അനുമതി വേണമെന്ന തൃശൂർ നഗരസഭ സെക്രട്ടറിയുടെ സർക്കുലർ റദ്ദാക്കിയാണ് സിംഗിൾ ബെഞ്ചിന്‍റെ നിരീക്ഷണം. 2016 ഫെബ്രുവരി 19ന് നഗരസഭ സെക്രട്ടറി പുറപ്പെടുവിച്ച സർക്കുലർ ചോദ്യം ചെയ്ത് റിലയൻസ് ജിയോ ഇൻഫോകോം ലിമിറ്റഡാണ് കോടതിയെ സമീപിച്ചത്. കേരള മുനിസിപ്പാലിറ്റി കെട്ടിട നിർമാണച്ചട്ടം 132ൽ ടവർ സ്ഥാപിക്കുന്ന ഭൂമിയോടു തൊട്ടുകിടക്കുന്ന സ്ഥലം ഉടമയുടെ അനുമതി വേണമെന്നല്ലാതെ റെസിഡൻഷ്യൽ സോണുകളിൽ സമീപത്തെ വീട്ടുകാരുടെ അനുവാദം വേണമെന്ന് പറയുന്നില്ല. ടെലികോം ടവറുകളുടെ നിർമാണം ഏതു സോണിലും അനുവദനീയമാണെന്നും ചട്ടത്തിൽ വ്യവസ്ഥയുണ്ട്. അതിനാൽ സർക്കുലർ നിയമവിരുദ്ധവും സ്വേച്ഛാപരവുമാണെന്ന് വിലയിരുത്തിയാണ് റദ്ദാക്കിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.