പ്ര​വ​ർ​ത്ത​ന​ര​ഹി​ത​മാ​യി​ട്ട് മാ​സ​ങ്ങ​ൾ; മിനി സിവിൽ സ്റ്റേഷനിലെ ലിഫ്റ്റിന് ശാപമോക്ഷമായില്ല

ആ​ലു​വ: മി​നി സി​വി​ൽ സ്റ്റേ​ഷ​നി​ലെ ലി​ഫ്റ്റ് പ്ര​വ​ർ​ത്ത​ന​ര​ഹി​ത​മാ​യി​ട്ട് മാ​സ​ങ്ങ​ൾ പി​ന്നി​ട്ടു. വ​ർ​ഷ​ങ്ങ​ളാ​യി പ​ല​പ്പോ​ഴും ലി​ഫ്റ്റ് പ​ണി​മു​ട​ക്കു​ന്ന​ത് പ​തി​വാ​ണ്. ഒ​രി​ക്ക​ൽ കേ​ടാ​യാ​ൽ മാ​സ​ങ്ങ​ളോ​ളം നി​ല​ച്ചു​കി​ട​ക്ക​ലാ​ണ് പ​തി​വ്. പി​ന്നീ​ട്, ആ​രെ​ങ്കി​ലും പ്ര​തി​ഷേ​ധ​വു​മാ​യി രം​ഗ​ത്തു വ​രു​മ്പോ​ൾ മാ​ത്ര​മാ​ണ് ഇ​ത് ന​ന്നാ​ക്കൂ.

നി​ര​വ​ധി സ​ർ​ക്കാ​ർ ഓ​ഫി​സു​ക​ൾ സി​വി​ൽ സ്റ്റേ​ഷ​നി​ൽ പ്ര​വ​ർ​ത്തി​ക്കു​ന്നു​ണ്ട്. കൂ​ടു​ത​ൽ ആ​ളു​ക​ളെ​ത്തു​ന്ന ജോ​യ​ന്‍റ്​ ആ​ർ.​ടി ഓ​ഫി​സ് അ​ട​ക്കം പ്ര​ധാ​ന ഓ​ഫി​സു​ക​ളെ​ല്ലാം മു​ക​ളി​ലെ നി​ല​ക​ളി​ലാ​ണ്. ഭി​ന്ന​ശേ​ഷി​ക്കാ​രും വ​യോ​ജ​ന​ങ്ങ​ളു​മാ​ണ് ലി​ഫ്റ്റ് ഇ​ല്ലാ​ത്ത​തി​നാ​ൽ ഏ​റെ ദു​രി​തം അ​നു​ഭ​വി​ക്കു​ന്ന​ത്. ലി​ഫ്റ്റി​ന് 18 വ​ർ​ഷ​ത്തി​ല​ധി​കം പ​ഴ​ക്ക​മു​ണ്ട്. അ​തി​നാ​ൽ ഇ​നി​യും അ​റ്റ​കു​റ്റ​പ്പ​ണി ന​ട​ത്തി പ്ര​വ​ർ​ത്തി​പ്പി​ക്കു​ക സാ​ധ്യ​മ​ല്ലെ​ന്ന് പൊ​തു​മ​രാ​മ​ത്ത് ഇ​ല​ക്​​ട്രി​ക്ക​ൽ വി​ഭാ​ഗം റി​പ്പോ​ർ​ട്ട്​ ചെ​യ്തി​ട്ടു​ണ്ട്.

എ​ന്നാ​ൽ, നി​ല​വാ​രം കു​റ​ഞ്ഞ ലി​ഫ്റ്റ് സ്ഥാ​പി​ച്ച​തും കൃ​ത്യ​മാ​യി അ​റ്റ​കു​റ്റ​പ്പ​ണി ന​ട​ത്താ​ത്ത​തു​മാ​ണ് തു​ട​ർ​ച്ച​യാ​യി ത​ക​രാ​റി​ലാ​വാ​ൻ കാ​ര​ണ​മെ​ന്ന് ജീ​വ​ന​ക്കാ​ർ പ​റ​യു​ന്നു. അ​ൻ​വ​ർ സാ​ദ​ത്ത് എം.​എ​ൽ.​എ​യു​ടെ ആ​സ്തി വി​ക​സ​ന ഫ​ണ്ടി​ൽ​നി​ന്ന്​ പു​തി​യ ലി​ഫ്റ്റ് സ്ഥാ​പി​ക്കാ​ൻ പ​ത്തു​ല​ക്ഷം രൂ​പ അ​നു​വ​ദി​ച്ചി​ട്ടു​ണ്ട്. എ​ന്നാ​ൽ, ഇ​ത് സ്ഥാ​പി​ക്കാ​ൻ ന​ട​പ​ടി​യെ​ടു​ക്കു​ന്നി​ല്ലെ​ന്നും ആ​ക്ഷേ​പ​മു​ണ്ട്.