സൂക്ഷിച്ചാൽ ദുഖിക്കേണ്ട; വിസാ തട്ടിപ്പ് വർധിക്കുന്നു;ഉദ്യോഗാർത്ഥികളെ ചൂഷണം ചെയ്ത് നിരവധി തട്ടിപ്പ് സംഘങ്ങൾ

ആ​ലു​വ: വി​സ ത​ട്ടി​പ്പി​ൽ പെ​ട്ട് പ​ണം ന​ഷ്ട​പ്പെ​ടു​ന്ന​വ​രു​ടെ എ​ണ്ണം കൂ​ടു​ന്ന സാ​ഹ​ച​ര്യ​ത്തി​ൽ മു​ന്ന​റി​യി​പ്പു​മാ​യി റൂ​റ​ൽ ജി​ല്ല പൊ​ലീ​സ്. ഇ​ത്ത​രം നി​ര​വ​ധി പ​രാ​തി​ക​ളാ​ണ് ദി​നം​പ്ര​തി പൊ​ലീ​സി​ന്​ ല​ഭി​ക്കു​ന്ന​ത്. വി​വി​ധ യൂ​റോ​പ്യ​ൻ രാ​ജ്യ​ങ്ങ​ളി​ലേ​ക്കും കാ​ന​ഡ, യു.​കെ, ന്യൂ​സി​ല​ൻ​ഡ്​ തു​ട​ങ്ങി​യ രാ​ജ്യ​ങ്ങ​ളി​ലും ജോ​ലി വാ​ഗ്ദാ​നം ചെ​യ്ത് ല​ക്ഷ​ങ്ങ​ളാ​ണ് ത​ട്ടി​പ്പ്​ സം​ഘം ക​വ​ർ​ന്നെ​ടു​ക്കു​ന്ന​ത്. സ​മൂ​ഹ മാ​ധ്യ​മ​ങ്ങ​ളി​ൽ പ്ര​ത്യ​ക്ഷ​പ്പെ​ടു​ന്ന പ​ര​സ്യ​ങ്ങ​ളി​ൽ ആ​കൃ​ഷ്ട​രാ​യാ​ണ് ഉ​ദ്യോ​ഗാ​ർ​ഥി​ക​ളി​ല​ധി​ക​വും വ​ഞ്ചി​ത​രാ​കു​ന്ന​ത്. വി​സ ത​ട്ടി​പ്പു​മാ​യി ബ​ന്ധ​പ്പെ​ട്ട് ക​ഴി​ഞ്ഞ വ​ർ​ഷം റൂ​റ​ൽ ജി​ല്ല​യി​ൽ 172 കേ​സു​ക​ൾ ര​ജി​സ്റ്റ​ർ ചെ​യ്തി​ട്ടു​ണ്ട്. ഈ ​വ​ർ​ഷം ആ​ദ്യ ര​ണ്ടു മാ​സ​ങ്ങ​ളി​ൽ 21 കേ​സും.

വി​ദേ​ശ രാ​ജ്യ​ങ്ങ​ളി​ൽ ഉ​യ​ർ​ന്ന ജോ​ലി​യും വ​ലി​യ ശ​മ്പ​ള​വും വാ​ഗ്ദാ​നം ചെ​യ്​​താ​ണ്​ ത​ട്ടി​പ്പ് ന​ട​ക്കു​ന്ന​ത്​. നി​ര​വ​ധി പേ​ർ​ക്ക് ഇ​ത്ത​ര​ത്തി​ൽ ജോ​ലി ന​ൽ​കി​യി​ട്ടു​ണ്ടെ​ന്നും അ​വ​കാ​ശ​പ്പെ​ടും. ഏ​ജ​ന്‍റു​മാ​രു​ടെ വാ​ക്ചാ​തു​രി​യി​ൽ വീ​ഴു​ന്ന​വ​ർ ര​ജി​സ്ട്രേ​ഷ​ൻ, പ്രോ​സ​സി​ങ്​ ചാ​ർ​ജ്, വി​സ ചാ​ർ​ജ് തു​ട​ങ്ങി നി​ര​വ​ധി കാ​ര്യ​ങ്ങ​ൾ​ക്കെ​ന്ന പേ​രി​ൽ ല​ക്ഷ​ങ്ങ​ൾ ന​ൽ​കും. ഇ​ട​നി​ല​ക്കാ​രെ നേ​രി​ട്ട് കാ​ണാ​തെ​യും വി​വ​ര​ങ്ങ​ൾ അ​ന്വേ​ഷി​ക്കാ​തെ​യു​മാ​ണ്​ പ​ല​രും മോ​ഹ​ന വാ​ഗ്ദാ​ന​ങ്ങ​ളി​ൽ വീ​ണ്​ പ​ണം ന​ൽ​കു​ന്ന​ത്. ജോ​ലി​ക്ക് വേ​ണ്ടി​യു​ള്ള കാ​ത്തി​രി​പ്പ്​ അ​ന​ന്ത​മാ​യി നീ​ളു​ന്ന​തോ​ടെ​യാ​ണ്,​ ന​ട​ന്ന​ത് ത​ട്ടി​പ്പാ​ണെ​ന്ന് മ​ന​സ്സി​ലാ​വു​ക. തു​ട​ർ​ന്ന് ഏ​ജ​ന്‍റു​മാ​രു​മാ​യി ബ​ന്ധ​പ്പെ​ടാ​ൻ ശ്ര​മി​ക്കു​മ്പോ​ൾ ഫോ​ൺ സ്വി​ച്ച്​ ഓ​ഫാ​യി​രി​ക്കും. പ​റ​ഞ്ഞ വി​ലാ​സം വ്യാ​ജ​വു​മാ​യി​രി​ക്കും.

വി​ദേ​ശ​ത്ത് ജോ​ലി​യു​ള്ള​വ​രും നാ​ട്ടി​ലു​ള്ള​വ​രെ വെ​ച്ച്​ ഇ​തു​പോ​ലു​ള്ള ത​ട്ടി​പ്പ് ന​ട​ത്തു​ന്ന​താ​യി വി​വ​ര​മു​ണ്ട്. വി​ദേ​ശ​ത്ത് നി​ര​വ​ധി ഒ​ഴി​വു​ക​ളു​ണ്ടെ​ന്നും, ഉ​ദ്യോ​ഗാ​ർ​ഥി​ക​ളെ സം​ഘ​ടി​പ്പി​ച്ചു ന​ൽ​കി​യാ​ൽ ക​മ്പ​നി ക​മീ​ഷ​ൻ ന​ൽ​കു​മെ​ന്ന് പ​റ​ഞ്ഞ് വി​ശ്വ​സി​പ്പി​ച്ച് നാ​ട്ടി​ലു​ള്ള​യാ​ളെ​ക്കൊ​ണ്ട് സ​മൂ​ഹ മാ​ധ്യ​മ അ​ക്കൗ​ണ്ടു​ക​ൾ വ​ഴി പ​ര​സ്യം ന​ൽ​കി​ക്കും. പ​ര​സ്യ​ത്തി​ലെ ഫോ​ൺ ന​മ്പ​ർ നാ​ട്ടി​ലു​ള്ള ആ​ളു​ടേ​തും അ​ക്കൗ​ണ്ട് ന​മ്പ​ർ വി​ദേ​ശ​ത്ത് ജോ​ലി ചെ​യ്യു​ന്ന ആ​ളു​ടേ​തു​മാ​യി​രി​ക്കും. ഉ​ദ്യോ​ഗാ​ർ​ഥി​ക​ൾ ഇ​വ​രു​ടെ മോ​ഹ​വ​ല​യ​ത്തി​ൽ കു​ടു​ങ്ങി വി​ദേ​ശ ജോ​ലി​ക്കാ​യി ല​ക്ഷ​ങ്ങ​ൾ ന​ൽ​കും. ഒ​ടു​വി​ൽ വി​ദേ​ശ​ത്തു​ള്ള ആ​ൾ മു​ങ്ങും. നാ​ട്ടി​ലു​ള്ള​യാ​ൾ കൈ​മ​ല​ർ​ത്തു​ക​യും ചെ​യ്യും. 15 ല​ക്ഷം രൂ​പ വ​രെ ഇ​ത്ത​രം ത​ട്ടി​പ്പു​കാ​ർ​ക്ക്​ ന​ൽ​കി​യ​വ​രു​ണ്ട്. വി​ദേ​ശ​ത്ത് ജോ​ലി​ക്കു​കൊ​ണ്ടു​പോ​യി വാ​ഗ്ദാ​നം ന​ൽ​കി​യ ജോ​ലി ന​ൽ​കി​യി​ല്ലെ​ന്ന പ​രാ​തി​യും പോ​ലീ​സി​ന് ല​ഭി​ക്കു​ന്നു​ണ്ട്.

പൊ​ലീ​സ്​ പ​റ​യു​ന്നു, ആ​ദ്യം രേ​ഖ​ക​ൾ പ​രി​ശോ​ധി​ക്ക​ണം

നി​യ​മ​പ​ര​മാ​യി രേ​ഖ​ക​ളു​ള്ള സ്ഥാ​പ​ന​ങ്ങ​ൾ വ​ഴി മാ​ത്ര​മേ വി​ദേ​ശ ജോ​ലി​ക്ക് ശ്ര​മി​ക്കാ​വൂ എ​ന്ന്​ ഉ​ദ്യോ​ഗാ​ർ​ഥി​ക​ൾ​ക്ക്​ പൊ​ലീ​സ്​ മു​ന്ന​റി​യി​പ്പ്​ ന​ൽ​കു​ന്നു. ഏ​ജ​ന്‍റു​മാ​രെ സ​മീ​പി​ക്കു​ന്ന​തി​ന്​ മു​മ്പ്​ ഇ​ക്കാ​ര്യം പ​രി​ശോ​ധി​ച്ച്​ ഉ​റ​പ്പു​വ​രു​ത്ത​ണം. കേ​ട്ടു​കേ​ൾ​വി ഇ​ല്ലാ​ത്ത​വ​ർ​ക്ക് പ​ണം ന​ൽ​കി ത​ട്ടി​പ്പി​നി​ര​യാ​ക​രു​തെ​ന്നും എ​റ​ണാ​കു​ളം റൂ​റ​ൽ ജി​ല്ല പൊ​ലീ​സ് ആ​വ​ശ്യ​പ്പെ​ടു​ന്നു.