അ​വ​ഗ​ണ​ന​യി​ൽ ഉ​ല​ഞ്ഞ്​ കൊ​ര​ട്ടി അ​ങ്ങാ​ടി റെ​യി​ൽ​വേ സ്റ്റേ​ഷ​ൻ

അ​ങ്ക​മാ​ലി: കാ​ല​ങ്ങ​ളാ​യി വി​ക​സ​നം കാ​ത്തു​കി​ട​ക്കു​ന്ന എ​റ​ണാ​കു​ളം-​തൃ​ശൂ​ർ ജി​ല്ല​ക​ളു​ടെ സാ​ന്നി​ധ്യ​മു​ള്ള ദേ​ശീ​യ​പാ​ത​യോ​ട് ചേ​ർ​ന്ന ചെ​റി​യ റെ​യി​ൽ​വേ സ്റ്റേ​ഷ​നാ​ണ് ‘കൊ​ര​ട്ടി അ​ങ്ങാ​ടി’​യെ​ന്ന കൊ​ര​ട്ടി റെ​യി​ൽ​വേ സ്റ്റേ​ഷ​ൻ. ജി​ല്ല അ​തി​ർ​ത്തി​യാ​യ അ​ങ്ക​മാ​ലി ക​റു​കു​റ്റി റെ​യി​ൽ​വേ സ്റ്റേ​ഷ​ന്‍റെ​യും ചാ​ല​ക്കു​ടി റെ​യി​ൽ​വേ സ്റ്റേ​ഷ​ന്‍റെ​യും മ​ധ്യേ​യു​ള്ള കൊ​ര​ട്ടി സ്റ്റേ​ഷ​ൻ തൃ​ശൂ​ർ ജി​ല്ല​യി​ലെ തി​ര​ക്കേ​റി​യ ഷൊ​ർ​ണൂ​ർ - കൊ​ച്ചി​ൻ ഹാ​ർ​ബ​ർ സെ​ക്ഷ​നി​ൽ ഉ​ൾ​പ്പെ​ടു​ന്നു.

1902 ജൂ​ൺ ര​ണ്ടി​ന് ആ​രം​ഭി​ച്ച സ്റ്റേ​ഷ​ന് ഇ​പ്പോ​ഴും ര​ണ്ട് പ്ലാ​റ്റ് ഫോം ​മാ​ത്ര​മാ​ണു​ള്ള​ത്. വ​ർ​ഷ​ങ്ങ​ൾ​ക്ക് മു​മ്പ് ഫ്ലാ​ഗ് സ്റ്റേ​ഷ​നാ​യി പ്ര​വ​ർ​ത്തി​ച്ചി​രു​ന്നു​വെ​ങ്കി​ലും ഇ​പ്പോ​ൾ ഹാ​ൾ​ട്ട് സ്റ്റേ​ഷ​നാ​ണ്. കാ​ല​ങ്ങ​ളാ​യി വി​ക​സ​നം എ​ത്തി​നോ​ക്കാ​ത്ത ഇ​വി​ടെ പ്ര​ദേ​ശ​ത്തെ ജ​ന​കീ​യ സ​മി​തി ഏ​റ്റെ​ടു​ത്ത് ദൈ​നം ദി​ന പ്ര​വ​ർ​ത്ത​ന​ങ്ങ​ൾ ന​ട​ത്തു​ന്ന​ത് മൂ​ല​മാ​ണ് കാ​ട് മൂ​ടി പോ​കാ​ത്ത​ത്. പ​ണ്ട് പ​ല ട്രെ​യി​നു​ക​ൾ​ക്കും സ്റ്റോ​പ്പ് അ​നു​വ​ദി​ച്ചി​രു​ന്നു​വെ​ങ്കി​ലും പൊ​ടു​ന്ന​നെ പ​ല​തും റ​ദ്ദാ​ക്കി.

കൊ​ര​ട്ടി ഇ​ൻ​ഫോ​പാ​ർ​ക്ക്, കി​ൻ​ഫ്ര പാ​ർ​ക്ക്, കേ​ന്ദ്ര​സ​ർ​ക്കാ​ർ പ്ര​സ്, നീ​റ്റ ജ​ലാ​റ്റി​ൻ ക​മ്പ​നി, കാ​ർ​ബോ​റാ​ണ്ടം യൂ​നി​വേ​ഴ്സ​ൽ ക​മ്പ​നി തു​ട​ങ്ങി​യ സ്ഥാ​പ​ന​ങ്ങ​ളി​ലേ​ക്കും, ഗ​വ. പോ​ളി​ടെ​ക്നി​ക് അ​ട​ക്ക​മു​ള്ള കോ​ള​ജു​ക​ളി​ലേ​ക്കും ആ​ശു​പ​ത്രി​ക​ളി​ലേ​ക്കും ഇ​രു​ജി​ല്ല​ക​ളു​മാ​യി ബ​ന്ധ​പ്പെ​ട്ട സ​ർ​ക്കാ​ർ ഉ​ദ്യോ​ഗ​സ്ഥ​ർ അ​ട​ക്കം നൂ​റു​ക​ണ​ക്കി​ന്​ യാ​ത്ര​ക്കാ​ർ ആ​ശ്ര​യി​ച്ചി​രു​ന്ന സ്‌​റ്റേ​ഷ​നാ​ണ് അ​നാ​ഥ​ത്വം പേ​റി അ​വ​ഗ​ണ​ന​യി​ൽ ഉ​ല​യു​ന്ന​ത്. സം​സ്ഥാ​ന​ത്തെ പ്ര​ധാ​ന ഹാ​ൾ​ട്ട് സ്റ്റേ​ഷ​നു​ക​ളു​ടെ പ​ട്ടി​ക​യി​ൽ ഉ​ൾ​പ്പെ​ട്ട​തോ​ടെ വി​ക​സ​ന പ്ര​തീ​ക്ഷ​ക​ളും മു​ര​ടി​ച്ചു.

ഇ​വി​ടെ അ​വ​സാ​ന​മാ​യൊ​രു ട്രെ​യി​ൻ നി​ർ​ത്തി യാ​ത്ര​ക്കാ​രെ ക​യ​റ്റി​യ​ത് കോ​വി​ഡ് കാ​ല​ഘ​ട്ട​ത്തി​ലാ​യി​രു​ന്നു. കോ​വി​ഡി​ന്റെ പ​ശ്ചാ​ത്ത​ല​ത്തി​ൽ ട്രെ​യി​നു​ക​ൾ എ​ക്സ്പ്ര​സു​ക​ളാ​ക്കു​ക​യും പാ​സ​ഞ്ച​ർ ട്രെ​യി​നു​ക​ളു​ടെ സ്റ്റോ​പ്പ് നി​ർ​ത്ത​ലാ​ക്കു​ക​യും ചെ​യ്‌​ത​താ​ണ് കാ​ര​ണം. ഒ​റ്റ ട്രെ​യി​ൻ പോ​ലും നി​ർ​ത്താ​റു​മി​ല്ല.

റെ​യി​ൽ​വേ സ്റ്റേ​ഷ​ൻ എ​ന്ന പേ​രു​മാ​ത്രം മി​ച്ചം. ഇ​പ്പോ​ൾ ക​യ​റാ​നോ ഇ​റ​ങ്ങാ​നോ യാ​ത്ര​ക്കാ​രി​ല്ല. അ​വ​ർ ഏ​റെ ദൂ​രം താ​ണ്ടി സ​മീ​പ സ്റ്റേ​ഷ​നു​ക​ളെ​യാ​ണ് ആ​ശ്ര​യി​ക്കു​ന്ന​ത്. റെ​യി​ൽ​വേ സ്റ്റേ​ഷ​ൻ വി​ക​സ​ന സ​മി​തി മു​ൻ​ക​യ്യെ​ടു​ത്താ​ണ് വി​ശ്ര​മ​കേ​ന്ദ്രം, ഇ​രി​പ്പി​ട​ങ്ങ​ൾ, ശു​ചി​മു​റി തു​ട​ങ്ങി​യ​വ സ്റ്റേ​ഷ​നി​ൽ ഒ​രു​ക്കി​യ​ത്.

കൊ​ര​ട്ടി സ്റ്റേ​ഷ​ൻ ഫ്ലാ​ഗ് സ്റ്റേ​ഷ​നാ​യി ഉ​യ​ർ​ത്തു​ക, കൂ​ടു​ത​ൽ ട്രെ​യി​നു​ക​ൾ​ക്ക് സ്റ്റോ​പ്പ് അ​നു​വ​ദി​ക്കു​ക, പ്ലാ​റ്റ്ഫോ​മി​ന്റെ എ​ണ്ണം വ​ർ​ധി​പ്പി​ക്കു​ക, ഷെ​ൽ​ട്ട​ർ നി​ർ​മാ​ണം ന​ട​ത്തു​ക, ടി​ക്ക​റ്റ് കൗ​ണ്ട​ർ ക​മ്പ്യൂ​ട്ട​ർ​വ​ത്ക​രി​ക്കു​ക, അ​ടി​സ്ഥാ​ന സൗ​ക​ര്യ​ങ്ങ​ൾ വി​ക​സി​പ്പി​ക്കു​ക തു​ട​ങ്ങി​യ ആ​വ​ശ്യ​ങ്ങ​ൾ​ക്കാ​യി ഏ​റെ നാ​ളാ​യി മു​റ​വി​ളി ഉ​യ​രു​ന്നു​ണ്ടെ​ങ്കി​ലും അ​ധി​കാ​രി​ക​ൾ ചെ​വി​കൊ​ള്ളു​ന്നി​ല്ലെ​ന്നാ​ണ്​ ആ​ക്ഷേ​പം.