കൊച്ചി: തമ്മനം എ.കെ.ജി നഗറിൽ വീടുകയറി ആക്രമണം നടത്തിയ കേസിൽ എട്ടുപേരെ കൂടി പാലാരിവട്ടം എസ്.ഐമാരായ ടി.എസ്. രതീഷ്, ഷാനവാസ് എന്നിവരുടെ നേതൃത്വത്തിലുള്ള പൊലീസ് സംഘം അറസ്റ്റു ചെയ്തു. തമ്മനം എ.കെ.ജി നഗർ അരിക്കിനേഴത്ത് വീട്ടിൽ എ.ആർ. രാജേഷ്(51), തമ്മനം ഒടിയന്തറ കെ.ബി. വിനീഷ്(26), ചേർത്തല അരൂർ അരിക്കനേഴത്ത് എ.പി. ആനന്ദ്(26), തമ്മനം പള്ളത്ത് വീട്ടിൽ ജിബിൻ ആൽബി(27), തമ്മനം പള്ളത്ത് മെൽബിൻ ആൽബി(27), തമ്മനം പള്ളത്ത് റോബിൻ ആൽബി(27), തമ്മനം വാരിയംവീട്ടിൽ നിർമൽ ശശി(27), തമ്മനം പുതിയ റോഡ് വലിയവീട്ടിൽ ലിബിൻ ദാസ്(30) എന്നിവരാണ് അറസ്റ്റിലായത്. പ്രതികളെ കോടതിയിൽ ഹാജരാക്കി റിമാൻഡ് ചെയ്തു.
കേസുമായി ബന്ധപ്പെട്ട് തമ്മനം എ.കെ.ജി കോളനിയിൽ പുളിക്കൽ വീട്ടിൽ വിഷ്ണു (25), അനാതുരുത്തിൽ വീട്ടിൽ അമൽ (24), ചേരാനല്ലൂർ ഇടയക്കുന്നം അഞ്ചനപ്പിള്ളി വീട്ടിൽ നോയൽ (24) എന്നിവരെ കഴിഞ്ഞ ദിവസം അറസ്റ്റു ചെയ്തിരുന്നു. ഇതോടെ കേസിൽ അറസ്റ്റിലായവരുടെ എണ്ണം 11 ആയി.
തമ്മനം എ.കെ.ജി നഗറിൽ കൊടിയന്ത്ര വീട്ടിൽ ബിനുവിനെയും ഇയാളുടെ ബന്ധുവായ രാജേഷിനെയുമാണ് പ്രതികൾ തിങ്കളാഴ്ച രാത്രി വീട്ടിൽ അതിക്രമിച്ചു കയറി ആക്രമിച്ചത്. മുൻവൈരാഗ്യമാണ് ആക്രമണത്തിന് കാരണം. രാജേഷിന്‍റെ വീട്ടിൽ അതിക്രമിച്ച് കയറിയ പ്രതികൾ ജനലിന്‍റെ ചില്ല് തകർക്കുകയും, സ്കൂട്ടറിന് കേടുപാടുകൾ വരുത്തുകയും ചെയ്തതിന് ശേഷമാണ് മടങ്ങിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.